အရည်အသွေးမပြည့်မှီသည့် စီမံကိန်းများကို သက်ဆိုင်ရာဝန်ကြီးဌာနက အရေးမယူနိုင်သေး

ဖဲဘူး၊ ဦးမြာ

အရည်အသွေး မပြည့်မှီသည့် ပြည်သူ့ဘဏ္ဍာငွေဖြင့် တည်ဆောက်ရေး ၊ ပြုပြင်ရေး ဆောင်ရွက်လျက်ရှိသည့် လမ်း၊ တံတား၊ အဆောက်အဦး စီမံကိန်း စစ်ဆေးတွေ့ရှိချက်များကို အရေးယူဆောင်ရွက်နိုင်ရန် သက်ဆိုင်ရာဝန်ကြီးဌာနသို့ အကြောင်းြ
ကားထားသော်လည်း အရေးယူဆောင်ရွက်ခြင်း၊ အကြောင်းပြန်ခြင်းမရှိကြောင်း အစိုးရ၏ အာမခံချက်များ ကတိများနှင့် တာဝန်ခံချက်များ စီစစ်ရေးကော်တီ ဥက္ကဌ ဦးအောင်နိုင်ဦးက ပြောသည်။

“တချို့ကုမ္ပဏီတွေက အရည်သွေးမှီအောင်လုပ်ပါတယ်။ တချို့ ကုမ္ပဏီတွေကတော့ ဥပမာ တင်ဒါစည်းမျဉ်းစည်းကမ်းအရ ကျတော်တို့ တွေ့ရှိချက်တွေကိုလည်း ဝန်ကြီးပိုင်းကို ကျတော်တို့ ပြောပြီးသားပဲ” ဟု ဦးအောင်နိုင်ဦးက ပြောသည်။
ကယား(ကရင်နီ) ပြည်နယ် လွှတ်တော်မှ ဖွဲ့စည်းထားသည့် အစိုးရ၏အာမခံချက်များ ကတိများနှင့် တာဝန်ခံချက်များ စိစစ်ရေးကော်မတီနှင့် ပြည်သူ့ငွေစာရင်း စောင့်ကြည့်စစ်ဆေးရေးကော်မတီ တို့က ကွင်းဆင်းစစ်ဆေးခဲ့ကြပြီးနောက် ယခုလို ပြောဆိုသွားကြခြင်းဖြစ်သည်။

“ကုမ္ပဏီတစ်ခုကို နိုင်ငံတော်က ပြည့်ပြည့်ဝဝ ပိုက်ဆံချထားပေးပြီးသားပါ သူတို့လည်း ပြည့်ပြည့်ဝဝ ခင်းရင် ကျနော်တို့ စစ်စရာမလိုဘူး”

ပြီးခဲ့သည့် ဇန်နဝါရီလ ၁၂ရက်နေ့မှာ ၎င်းကော်မတီတို့က ဦးဆောင်ပြီး ရွာသစ်မြို့ရှိ မြေကာနံရံများ မီးသတ်အဆောက်အဦးများကို လိုက်လံစစ်ဆေးမှုများ ပြုလုပ်ခဲ့သည်။

၎င်းတို့ စစ်ဆေးတွေ့ချက်များ အားလုံးကို သက်ဆိုင်ရာ ဝန်ကြီးဌာနထံ တင်ပြခဲ့သော်လည်း အချို့ကိုသာ ပြန်လည်အကြောင်းကြားမှု လုပ်ပေးခဲ့သည်ဟု ကော်မတီအဖွဲ့များထံမှာ ပြောကြားချက်အရ သိရသည်။

စီမံကိန်းဆောင်ရွက်ရန်တွင် ဆိုင်းဘုတ်ဖြင့် အချက်အလက်များကိုထားရှိရန် ၊ မထားပါက လုပ်ငန်းခေတ္တ ရပ်ဆိုင်းထားခိုင်းခဲ့ရသည့် လုပ်ငန်းများလည်းရှိသည်ဟု သိရသည်။

အရည်အသွေးပိုင်း ပြည့်မီရေးကိုမူ QC (Quality Control) ဟုခေါ်သော အရည်သွေးထိန်းချုပ်ရေးအဖွဲ့ ကို ကြည့်ရှုစစ်ဆေးရန် ဖွဲ့စည်းထားသည်ဟု ဆောက်လုပ်ရေးဝန်ကြီးဌာန မှ တံတားအထူးအဖွဲ့ ၆ မှ မြို့ပြဦးစီးအရာရှိ ဦးလှိုင်မျိုးဝင်း က ကယားပြည်နယ်နေ့ ပြခန်းတွင် တွေ့ဆုံစဉ် ရှင်းပြသွားခဲ့သည်။

“၃ယောက်ပါတဲ့ အဖွဲ့ကို ပဏာမ ဖွဲ့ပြီးတော့ စစ်ဆေးတယ်။ မှန်တယ်ဆိုလို့ရှိရင်တော့ သူတို့က စစ်ဆေးတဲ့ ချိန်မှာ တယောက်ယောက်က တိုင်စာပေါ်လို့ရှိရင် သူတို့စစ်ဆေးတယ်။ လူကြီးကစစ်ဆေးတဲ့ချိန်မှာ မှန်တယ်ဆိုရင်တော့ ဆင့်ကဲဆင့်ကဲ ထိုက်သင့်တဲ့လူ တာဝန်ရှိတဲ့လူကို အရေးယူတယ်” ဟု ဦးလှိုင်မျိုးဝင်း ကပြောသည်။

အရည်အသွေး ပြည့်မှီမှု မရှိသည့် ကုမ္ပဏီများကို အရေးယူဆောင်ရွက်နိုင်ရန်အတွက် အစိုးရ၏အာမခံချက်များ ကတိများနှင့် တာဝန်ခံချက်များစိစစ်ရေးကော်မတီ နှင့်
ပြည်သူ့ငွေစာရင်း စောင့်ကြည့်စစ်ဆေးရေးကော်မတီ တို့က ပြည်နယ် လွှတ်တော်တွင် မေးမြန်းပြီး အရေးယူဆောင်ရွက်ခြင်းရှိမရှိကို သမ္မတထံ တင်ပြသွားနိုင်ရန် ကြိုးစားသွားမည်ဟု သိရသည်။

Comments

comments

Next Post

ရှားတောဖက်တွင် သံလွင်မြစ်ကူးတံတား တည်ဆောက်ဖို့ရှိ

Thu Jan 19 , 2017
ဖဲဘူး ရှားတော မြို့နယ် တာတမောတွင် သံလွင် မြစ်ကူးတံတားတစင်း တည်ဆောက်ရန် ရှိသည်ဟု ဆောက်လုပ်ရေးဝန်ကြီးဌာန မှ တံတားအထူးအဖွဲ့ ၆ တာဝန်ရှိသူ ကပြောသည်။ ၎င်းတံတားမှာ ပေ ၁၂၅ဝ ရှည်လျားမှာ ဖြစ်ပြီး သံကူကွန်ကရစ် တံတားအမျိုးအစား တည်ဆောက်မည်ဖြစ်သည်။ ၂၀၁၇- ၁၈ ဘဏ္ဍာရေးနှစ်တွင် တည်ဆောက်ရန် လျာထားကြောင်း ဆောက်လုပ်ရေး ဝန်ကြီးဌာန ၊ လမ်းတံတားဦးစီးဌာနက ၏ ရသုံးမှန်းခြေ ငွေစာရင်းတွင် ဖော်ပြထားသည်။ “အခုလွိုင်ကော် နားမှာ၊ ရှားတောနားမှာ ဖောက်လိုက်မယ်ဆိုရင် ရှားတောဖက်ကနေ ထိုင်းဖက်ကို ဖြတ်သွားလို့ရမယ်။ အဲဒါလည်း သူတို့ လျာထားငွေထဲမှာလည်းပါတယ်။ အဖွဲ့ကတော့ သူတို့ ပြည်ထောင်စုအဖွဲ့ တွေ ဆုံးဖြတ်မယ်ဆိုတော့ […]

ဆက်စပ်သတင်းများ