Wednesday, January 26, 2022

အဲဒိုပေါ်မီ ခေါ် (ဒီးကူ) ပွဲကို ကျေးရွာတစ်ချို့ အကျဥ်းချုပ်ပြုလုပ်

ကန္တာရဝတီတိုင်း(မ်)

နှစ်စဥ်ကျင်းပလေ့ရှိတဲ့ ကရင်နီလူမျိုးများ၏ရိုးရာပွဲ အယ်ဒိုပေါ်မီ (ဒီးကူ) ပွဲကို Covid – 19 နှင့် နိုင်ငံရေးအ​ခြေအနေကြောင့် ယခုနှစ်မှာ​တော့အကျဥ်းချုပ်သာပြုလုပ်ခဲ့ရတယ်လို့ သိရပါတယ်။

စက်တင်ဘာလ ( ၄ရက်မှ ၅ရက်)နေ့မှာတော့ ဒီးမော့ဆိုမြို့နယ် ဒေါတမငယ်ကျေးရွာမှာ လူနည်းစုဖြင့် အဲဒိုပေါ်မီပွဲကျင်းပခဲ့ပြီး အဓိကအစိတ်အပိုင်းဖြစ်တဲ့ ကြက်ရိုးထိုးခြင်းနှင့် ဒီးကူနှင့်ခေါင်ရည်ကို နတ်စာတင်ခြင်းကိုသာ အဓိကထားဆောင်ရွက်ကာ မိမိ​ဆွေမျိုးသားချင်း မိတ်ဆွေတစ်ချို့ကိုသာ ခေါ်ဖိတ် ခေါ်ကာ ဧည့်ခံတယ်လို့ သိရပါတယ်။

ယခုလို အခြေအနေမကောင်းပေမယ့်လည်း မိမိတို့ရိုးရာကိုထိန်းသိမ်းသည့်အနေဖြင့် ဖြစ်အောင်လုပ်ရတာဖြစ်တယ်လို့ ဒေါတမငယ်ကျေးရွာမှ ဒေသခံတစ်ဦးကပြောပါတယ်။

” ပြောရရင်တော့မပျော်ဘူးပေါ့ ဒီအခြေအနေနဲ့။ သူ့အချိန်နဲ့သူလုပ်ရမာပေါ့ သူ့အချိန်ရောက်တော့ မလုပ်ဘူးဆိုရင်လည်း တစ်ခုခုကျန်ခဲ့သလိုပေါ့နော်။ အဲ့လိုမျိုး အရင်နှစ်တွေနဲ့တူအောင်မလုပ်နိုင်တာလည်း အရမ်းဝမ်းနည်းရတယ်ပေါ့။ ဒါပေမဲ့ အဓိကရိုးရာထိန်းသိမ်းတဲ့အ​နေနဲ့ လုပ်ဖြစ်တယ်ပေါ့။ ” လို့ပြောပါတယ်။

ယခုလိုအခြေအနေမျိုးမှာ ဒီးကူပွဲလုပ်ဖို့ အခက်အခဲများစွာကြုံရပြီး အဲဒိုပေါ်မီပွဲပြုလုပ်ချင်ပေမယ့် ကုန်ကျစရိတ်မတတ်နိုင်တာကြောင့် တစ်ချို့မိသားစုတွေမှာတော့ ဧည့်ခံကျွေးမွေးတာတွေမရှိဘူးလို့ ဆိုပါတယ်။

ပြီးခဲ့တဲ့နှစ်တွေမှာဆိုရင် ရပ်ဝေးရပ်နီးမှ ဧည့်သည်တွေလာရောက်လည်ပတ်ကာ စည်ကားလေ့ရှိပေမယ့် ယခုနှစ်မှာတော့ အိမ်တိုင်းစေ့မလုပ်နိုင်သလို လာရောက်လည်ပတ်ဖို့ အခက်အခဲများစွာရှိနေပါတယ်။

ရိုးရာပွဲကို အချိန် ၂ ရက်ကျင်းပရန်သတ်မှတ်ထားပေမယ့်လည်း ဧည့်သည်နည်းပါတဲ့အတွက်ကြောင့် တစ်ရက်သာ ပြုလုပ်ကြမယ်လို့လည်းသိရပါတယ်။

တိုက်ပွဲတွေကြား ပြေးလွှားနေကြချိန်ဖြစ်လို့ တချို့ရွာတွေ ရိုးရာဓလေ့ပွဲတော်ကို မပြုလုပ်နိုင်ကြပါဘူး။

More from the blog

ဖရူဆိုမြို့နယ် အနောက်ဘက်ခြမ်းမှာ စစ်ဘေးရှောင်တွေ ရိက္ခာတွေနဲ့ ကလေးဘောင်းဘီအနွေးထည် လိုအပ်လျက်ရှိ

ကန္တာရဝတီတိုင်း(မ်) ကရင်နီပြည်နယ် ဖရူဆိုမြို့ အနောက်ဘက်ခြမ်းမှာ စစ်ဘေးရှောင်တွေ ဆောင်းတွင်း ရက်ကြာရှည်လာတာနဲ့အမျှ စားနပ်ရိက္ခာနဲ့ ကလေးဘောင်းဘီအနွေးထည်တွေ လိုအပ်လျက်ရှိနေတယ်လို့ စစ်ဘေးရှောင်နေတဲ့ ဒေသခံတွေဆီကနေ ကြားသိရပါတယ်။ ဖရူဆိုမြို့နယ်အနောက်ဘက်ခြမ်းက စစ်ရှောင်စခန်းတခုမှာ လူဦးရေ...

ကရင်နီပြည်နယ်မှာ အင်တာနက်လိုင်းဖြတ်တောက်ခံနေရမှု ပိုမိုဆိုးဝါးလာ

ကန္တာရဝတီတိုင်း(မ်) ကရင်နီပြည်နယ်မှာ တိုက်ပွဲဖြစ်ပွားတဲ့နောက်ပိုင်း အင်တာနက်လိုင်း ဖြတ်တောက်ခံနေရမှုဟာ ပိုမိုဆိုးဝါးလာတယ်လို့ ဒေသခံတစ်ဦးဆီကနေသိရပါတယ်။ လွိုင်ကော်မြို့ပေါ်မှာဆိုရင် ( Mytel) နဲ့ MPT တို့သာ ရရှိနေပြီး တယ်လီနောနဲ့ အော်ရီဒူးဟာ...

ဟိုဖိတ်ကျေးရွာမှာ ဒေသခံတစ်ဦးကို KNPPနဲ့ PDF သတ်ဖြတ်ခဲ့တယ်လို့ စစ်ကောင်စီ သတင်းမှားဖြန့်

https://youtu.be/dGz4XnoH9hc ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် ဟိုဖိတ်ကျေးရွာမှာ သေဆုံးသွားတဲ့ ပြည်သူတစ်ဦးကို KNPPနဲ့ PDF သတ်ဖြတ်ခဲ့ပြီး War Crime (စစ်ရာဇဝတ်မှု) ကျူးလွန်ခဲ့တယ်လို့...

ကရင်နီပြည်နယ်မှာ လေကြောင်းတိုက်ခိုက်မှုရှိနေတဲ့အတွက် ပြည်သူတွေ ဗုံးခိုကျင်းတူး

https://youtu.be/yA1wSv22iXA ကန္တာရဝတီတိုင်း(မ်) တိုက်ပွဲတွေ ဆက်တိုက်ဖြစ်ပွားနေတဲ့ ကရင်နီပြည်နယ်မှာ စစ်ကောင်စီက လေကြောင်းနဲ့ ဗုံးကြဲတိုက်ခိုက်မှုတွေ ပြုလုပ်နေပါတယ်။ တိုက်ပွဲဖြစ်ပွားမှုမရှိတဲ့ စစ်ရှောင်စခန်းတွေအထိပါ ဗုံးကြဲတိုက်ခိုက်တာတွေ ပြုလုပ်နေတာကြောင့် စစ်ဘေးရှောင်တွေဟာ...