ဧပြီလမှစ၍ နိုင်ငံ့ဝန်ထမ်းအားလုံး လစာ တိုးမည်

လင်းသန့်

နိုင်ငံဝန်ထမ်းများအားလုံးကို ဧပြီလ ၃ဝ ရက်မှ စတင်ပြီး လစာတိုးရန် ထုတ်ပြန် ထားသည့်နှုန်းထားများအတိုင်း တိုးမြှင့်ပေးသွားမည်ဖြစ်ကြောင်း စီမံကိန်းနှင့်ဘဏ္ဍာရေးဝန်ကြီးဌာနမှ ဧပြီလ ၂၉ ရက်နေ့ရက်စွဲဖြင့် ထုတ်ပြန်သည်။

“ဤအမိန့်ကြေငြာစာအရ ခံစားခွင့်များကို ၂၀၁၈ ခုနှစ် ဧပြီလအတွက် လစာမှစ၍ ခံစားခွင့် ရှိစေရမည်”ဟု စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း လက်မှတ်ဖြင့် ထုတ်ပြန်ထားသည်။

တိုးမြှင့်ပေးလိုက်သည့်အထဲတွင် တပ်မတော် ကြည်း၊ ရေ၊ လေ ဝန်ထမ်းများလည်း ပါဝင်သည်။

 

အငြိမ်းစားဝန်ထမ်းများ၏ ပင်စင်လစာ၊ ဌာနတွင်းခန့်အပ်ထားသည့် ဝန်ထမ်းများ၏ ပုံသေလစာ၊ နေ့စားလုပ်ခ၊ ကျွမ်းကျင်သူများ၏ လစဉ်ထောက်ပံ့ငွေ၊ ပညာရှင်များ၏ ချီးမြှင့်ငွေများ တိုးမြှင့်သတ်မှတ်ခြင်းကိုမူ ထပ်မံထုတ်ပြန်သွားမည်ဖြစ်သည်။

ဧပြီ ၂၅ ရက်နေ့တွင် ပြုလုပ်ခဲ့သည့် ပြည်ထောင်စု အစိုးရအဖွဲ့အစည်းအဝေး (၇/၂၀၁၈)၌
နိုင်ငံ့ဝန်ထမ်းများ၏ လစာနှုန်းထား တိုးမြှင့်ပေးရန် အတည်ပြုဆုံးဖြတ်ခဲ့ခြင်းဖြစ်သည်။

ပြည်ပတွင် တာဝန်ထမ်းဆောင်နေသည့် ဝန်ထမ်းများနှင့် နိုင်ငံခြားရေးဝန်ထမ်းများအတွက်မူ လက်ရှိ လစာနှုန်းထားများအတိုင်း နိုင်ငံခြားသုံးငွေဖြင့်လစာကို ဆက်လက်ထုတ်ယူရမည်ဖြစ်သည်။

၎င်းတို့ တာဝန်ထမ်းဆောင်ပြီး မြန်မာနိုင်ငံသို့ ပြန်ရောက်ရှိချိန်မှ လစာနှုန်းထားအသစ်ကို ခံစားရမည်ဟု ထုတ်ပြန်ချက် တွင် ဖော်ပြထားသည်။

နိုင်ငံတော်သမ္မတ ဦးဝင်းမြင့်၏ ဧပြီလ ၁ရ ရက်နေ့ နှစ်သစ်ကူးမိန့်ခွန်းတွင် အမှုထမ်းဝန်ထမ်းများ၏ လစာကို ၂ဝ ရာခိုင်နှုန်း၊ အရာထမ်းဝန်ထမ်းများအားလုံး၏ လစာကို ၁ဝ ရာခိုင်နှုန်းတိုးမြှင့်ပေးမည်ဟု ပြောကြားခဲ့ပြီး ဧပြီလ ၃ဝ ရက်တွင် စတင်အသက်ဝင်ခဲ့ခြင်း ဖြစ်သည်။

Comments

comments

Next Post

စစ်ဘေးရှောင်ကျေးရွာတို့ရဲ့ဘဝ

Mon Apr 30 , 2018
ဦးမြာ ၊ စိုးရယ် ဒီးမောဆိုမြို့နယ်ကနေ အရှေ့ဘက်ခြမ်း တစ်နာရီခရီးလောက်သွားရတဲ့ စစ်ဘေးရှောင်ခဲ့တဲ့ ကျေးရွာတစ်ရွာဖြစ်တဲ့ တဖိုကျေးရွာဟာဆိုရင် အခုချိန်ထိ လမ်းပန်းဆက်သွယ်ရေး ခက်ခဲနေဆဲဖြစ်တဲ့ ကျေးရွာလေးပဲဖြစ်ပါတယ်။ အဲ့ဒီကျေးရွာလေးဟာ အိမ်ခြေ ၂၃ အိမ်ခန့်ရှိပြီး တောင်ယာလုပ်ငန်းကိုသာ အသက်မွေးဝမ်းကျောင်းအတွက် လုပ်ကိုင်နေကြရတာ ဖြစ်ပါတယ်။ အဲ့ဒီကျေးရွာထဲက ဒေသခံတွေဟာ ၁၉၉၅-၁၉၉၆ခုနှစ် ဖြတ်လေးဖြတ်မှာ စစ်ဘေးရှောင်အဖြစ် ထွက်ပြေးတိမ်းရှောင်ခဲ့ရပါတယ်။ ၂၀၀၄ ခုနှစ်မှာ နေရပ်ကို ပြန်လည်နေထိုင်ကြတာ ဖြစ်ပါတယ်။ ယခင်က နေရာတော်တော်များများမှာ တိုင်းရင်းသားလက်နက်ကိုင်တွေဖြစ်စေ၊ တပ်မတော်တွေဖြစ်စေ ကျေးလက်နေ အမျိုးသားတွေကို ပေါ်တာထမ်းဖို့ ခေါ်ဆောင်သွားကြပါတယ်။ အဲ့ဒီထဲမှာလည်း တဖိုကျေးရွာက အမျိုးသားတွေ ပါဝင်ခဲ့ပါတယ်။ စစ်ဘေးတိမ်းရှောင်ရတဲ့အချိန်မှာ စားဝတ်နေရေးအတွက် ခက်ခဲစွာ ဖြတ်သန်းခဲ့ရသလို မိမိတို့ ကျေးရွာမှာ […]

ဆက်စပ်သတင်းများ