spot_img
Sunday, April 2, 2023
spot_img

ဩဂုတ်လနောက်ဆုံးပတ်အတွင်း စစ်ကောင်စီတပ်သား ၄ဦး KNDF ထံ CDM ပြုလုပ်

spot_imgspot_imgspot_imgspot_img

ကန္တာရဝတီတိုင်း( မ် )

ကရင်နီပြည်မှာ ဩဂုတ်လနောက်ဆုံးပတ်အတွင်း စစ်ကောင်စီတပ်သား ၄ ဦး CDM ပြုလုပ်လာတယ်လို့ ကရင်နီအမျိုးသားများကာကွယ်ရေးတပ် ( KNDF ) သတင်းနှင့်ပြန်ကြားရေးတာဝန်ရှိသူ တစ်ဦးက ပြောပါတယ်။

“အဲ့ဒီလေးယောက်က သူတို့ ထွက်ပြေးလာတယ်ပေါ့နော။ ထွက်ပြေးလာတော့ ကျနော်တို့ KNDF ဆီရောက်လာတယ်။ သူတို့က တပ်ရင်းတွေက ၂၅၉ ဆိုတဲ့ တပ်ရင်းပေါ့နော။ အဲ့ဒီတပ်ရင်းကလို့ ပြောတယ်။ ဒီက နယ်မြေခံ တပ်ရင်းတော့ မဟုတ်ဘူး။ ဒီဘက် ရှေ့တန်းမှာ ရောက်လာတဲ့ အဖွဲ့တွေ။ အဲ့ဒီထဲက လေးယောက် ထွက်ပြေးလာပြီးတော့ ကျနော်တို့ဆီ ရောက်လာတယ်။” လို့ သူက ပြောပါတယ်။

လက်ရှိမှာတော့ KNDF ကနေ စစ်ဆေးမေးမြန်းတာတွေ ပြုလုပ်နေပြီး ကရင်နီ CDM ဌာနကို ဆက်လက် အပ်နှံသွားဖို့ ရှိတယ်လို့ ဆိုပါတယ်။

“ကျနော်တို့ ဒီကရင်နီပြည်နယ်မှာက စစ်ကောင်စီတပ်ကနေပြီးတော့ CDM ဝင်လာပြီး လက်နက်နဲ့ပဲဖြစ်ဖြစ် သူ့ဟာသူ ထွက်ပြေးလာလို့ပဲဖြစ်ဖြစ် CDMဝင်လာတဲ့အခါမှာ ကျနော်တို့ လက်ခံထားတဲ့ ဌာနသပ်သပ်ရှိတယ်ပေါ့နော။ သူတို့ဆီတော့ ပို့မှာပေါ့နော။ သူတို့နဲ့ဆက်လုပ်မှာပေါ့နော။ သူတို့ လေးယောက်ကို သူတို့ လေးယောက်ကိစ္စက အဲ့ဒီအဖွဲ့နဲ့ ဆက်လုပ်မှာဖြစ်တယ်။” လို့ KNDF သတင်းနှင့်ပြန်ကြားရေး တာဝန်ရှိသူတစ်ဦးက ဆက်ပြောပါတယ်။

ကရင်နီအမျိုးသားများ ကာကွယ်ရေးတပ်အနေနဲ့ CDM ရဲဌာန ( KNDF – CDM Department ) ကို ၂၀၂၂ခုနှစ် မေလ ၃၁ရက်နေ့မှာ ဖွဲ့စည်းခဲ့ပါတယ်။

အာဏာသိမ်းပြီးနောက်ပိုင်း စစ်ကောင်စီတပ်သားကနေ CDM ပြုလုပ်လာသူတွေဟာ လက်ရှိမှာ စစ်ကောင်စီနဲ့ ပြန်လည်တိုက်ခိုက်နေတဲ့ ကရင်နီပြည်သူ့ကာကွယ်ရေး ပူးပေါင်းတပ်ဖွဲ့နဲ့ ရှေ့တန်းတွေမှာ ပါဝင်နေတာရှိသလို တခြား တော်လှန်ရေးအပိုင်းမှာ ပါဝင်ကူညီနေတာတွေ ရှိကြပါတယ်။

ကရင်နီပြည်မှာ ဩဂုတ်လ တစ်လအတွင်း တိုက်ပွဲပေါင်း ၄၆ကြိမ်ထက်မနည်းဖြစ်ပွားခဲ့ပြီး စစ်ကောင်စီတပ်သားဘက်က သေဆုံးသူ ၄၀ ဦး နဲ့ ထိခိုက်ဒဏ်ရာရသူ ၂၅ဦး ရှိတယ်လို့ KNDF က စက်တင်ဘာလ ၁ ရက်နေ့မှာ ထုတ်ပြန်ထားပါတယ်။

spot_imgspot_imgspot_imgspot_img

More from the blog

လူထုထောက်ခံမှုရှိနေသ၍ ပါတီဆက်ရှိနေအုံးမယ်လို့ KySDP ပြော

ကန္တာရဝတီတိုင်း( မ် ) ကရင်နီပြည်နယ်အခြေစိုက် တိုင်းရင်းသားပါတီအပါအဝင် တိုင်းရင်းသားပါတီ ၄၀ ကို ဖျက်သိမ်းကြောင်း စစ်ကောင်စီရဲ့ ရွေးကောက်ပွဲကော်မရှင် ( UEC ) က မတ်လ ၂၈ ရက်နေ့မှာ ကြေညာခဲ့ပေမယ့် လူထုထောက်ခံမှုရှိနေသ၍ ကတော့ ပါတီဆက်လက်ရှိနေအုံးမှာဖြစ်တယ်လို့ ကယားပြည်နယ် ဒီမိုကရက်တစ်ပါတီ ( KySDP...

နှစ်ရက်တိုက်ပွဲအတွင်း စစ်ကောင်စီတပ်မှ (၁၅)ဦးသေဆုံး၊ လေကြောင်းတိုက်ခိုက်မှုပြုလုပ်ခဲ့

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း ဒေါလျားခူကျေးရွာအနီးရှိ ညေးဘူးခူတောင်ပေါ် ဖက်ကို စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီတပ်မတော်(KA)၊ KNDF ပူးပေါင်းတပ်ဖွဲ့နဲ့ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၁၅ ဦးသေဆုံးခဲ့သလို လက်နက်ခဲယမ်းအသုံးအဆောင်ပစ္စည်းတွေ သိမ်းဆည်းမိခဲ့တယ်လို့ ကရင်နီအမျိုးသားများကာကွယ်ရေးတပ် (KNDF) က ဒီကနေ့ မတ်လ ၃၁ ရက်နေ့မှာ...

တစ်လကျော်ကြာတိုက်ပွဲပြင်းထန်နေတဲ့ ဖယ်ခုံ-ပင်လောင်း နယ်စပ်မှာ လေကြောင်းတိုက်ခိုက်မှုပြင်းထန်စွာ အသုံးပြုနေ

ကန္တာရဝတီတိုင်း(မ်) ပင်လောင်းမြို့နယ်ဖက် စစ်ကြောင်းထိုးနေတဲ့ စစ်ကောင်စီတပ်နဲ့ ပြည်သူ့ကာကွယ်ရေးပူးပေါင်းတပ်ဖွဲ့တို့ ထိတွေ့တိုက်ပွဲ အပြင်းအထန်ဖြစ်ပွားနေတာ တစ်လကျော်ကြာရှိနေပြီဖြစ်ပြီး စစ်ကောင်စီဖက် လေကြောင်းတိုက်ခိုက်မှု ပြင်းထန်စွာ သုံးနေတယ်လို့ ပြည်သူ့ကာကွယ်ရေးပူးပေါင်းတပ်ဖွဲ့တွေက ဆိုကြပါတယ်။ မတ်လ (၂၉)ရက်နေ့ ဖယ်ခုံ-ပင်လောင်းနယ်စပ်တစ်နေရာမှာ ဖြစ်တဲ့ တိုက်ပွဲမှာ စစ်ကောင်စီဖက် တိုက်လေယာဉ် (၄)စင်းနဲ့ အပြင်းအထန် တိုက်ခိုက်ခဲ့တယ်လို့ ဆိုပါတယ်။ အဲဒီရက်တိုက်ပွဲမှာ...

ဒီးမော့ဆိုအရှေ့ဘက်ခြမ်းရှိ အထက်တန်းစာသင်ကျောင်း လေကြောင်းတိုက်ခိုက်ခံရ

ကန္တာရဝတီတိုင်း(မ်) ဒီကနေ့ မတ်လ ၃၀ ရက်နေ့ မွန်းလွဲ ၁ နာရီအချိန်မှာ ဒီးမော့ဆိုမြို့နယ်အရှေ့ဘက်ခြမ်းကို စစ်ကောင်စီ လေကြောင်းအသုံးပြုတိုက်ခိုက်ခဲ့တဲ့အတွက် အထက်တန်း စာသင်ကျောင်းတစ်ကျောင်း ထိမှန်ပျက်စီးခဲ့ရပါတယ်။ “၁ နာရီ ၁၆မိနစ်မှာ တိုက်လေယာဉ် နှစ်ပတ် ပတ်ပြီးဝဲတာ ဝဲပြီးတော့ ၁၈မိနစ်လောက်မှာ တစ်ခါတည်းတန်းပစ်တာ။ ၈ခေါက်တိတိပစ်တယ်။ လေယာဉ်ဒုံးနဲ့လည်းပစ်တယ် ရွာတစ်လျှောက်...