ဒေါတမကြီးကျေးရွာ အလယ်တန်းကျောင်းခွဲတွင် ကျောင်းဆောင်များ လုံလောက်မူမရှိဟုဆို

ကယားပြည်နယ်၊ ဒီးမောဆိုမြို ့၊ ဒေါတမကြီးကျေးရွာရှိ အခြေခံပညာ အလယ်တန်းကျောင်း(ခွဲ)တွင် စာသင်ဆောင်များလုံလောက်မူမရှိသည့်အတွက် အခက်အခဲရှိနေသည်ဟု အမည်မဖော် လိုသူဆရာမတဦးက ပြောသည်။
ပြီးခဲ့သည့်နှစ်က စာသင်ဆောင်လုံလောက်မူရှိသော်လည်း ပြိုကျမည့် အန္တရာယ်ရှိသည်ဟု သတ်မှတ်ပြီး ဖျက်သိမ်းခဲ့သောကြောင့် စာသင်ဆောင်များလျော့နည်းလာခြင်းဖြစ်သည်။


ခူးဖရဲ့ရယ်

ထို့အပြင် ယခုနှစ် ၂၀၁၆ခုနှစ် ဩဂုတ်လ ၂၉ ရက်နေ့တွင် မြေငလျင်ဖြစ်ပွားခဲ့ခြင်းကလည်း စာသင်ဆောင်များ ကိုထပ်ပြီး ပျက်စီးစေခဲ့သည်။

“စာသင်ဆောင်တွေ လုံလောက်မူမရှိတဲ့အတွက် ကလေးများရဲ ့ ပညာရေးကို ထိခိုက်စေတယ်။ ပြီးတော့ ကျောင်းသူ/သားတွေလည်း သင်စရာ နေရာမရှိဘူးပေါ့။ အခန်းပေါင်းသင့်တဲ့ဟာ ပေါင်းပေးရတယ်။ ယာယီတဲဆောင်တွေလည်းလုပ်ပေးရတယ်” ဟု၎င်းဆရာမက ပြောသည်။

လက်ရှိအချိန် စာသင်ဆောင်များ လုံလောက်မူမရှိသည့်အတွက် ယာယီကျောင်းဆောင်ဖြင့် တည်ဆောက်ထားရပြီး ယခုနှစ် တစ်နှစ်ပတ်လုံး ဘုန်းကြီးကျောင်းတွင် စာသင်နေရသည်ဟုလည်း ဒေါတမကြီးကျေးရွာ အုပ်ချုပ်ရေးမှူး ဦးလော်ရယ်က ပြောပါသည်။
“ယာယီစာသင်ဆောင်မှာလည်း သိပ်ပြီးတော့ အဆင်မပြင်ဘူး။ မိုးရာသီဆိုရင် မိုးလည်းယိုတယ်။ ဒါကြောင့်တော်တော်လေး အခက်အခဲဖြစ်တယ်။ ကျနော်တို့ရွာဘက်က ပညာရေးဆိုရင်လည်း တအားနှောင့်နှေးကြန့်ကြာခဲ့တယ်။ မိဘတွေကလည်း ဒါတွေကို သိပ်ပြီးဦးစားပေးတဲ့အပိုင်းမှာ သိပ်မပါလိုဘူးပေါ့။ ဒီလိုမျိုးထပ်ဖြစ်တော့ ပိုဆိုးသွားတယ်” ဟု ၎င်းက ပြောသည်။

ဒေါတမကြီးကျေးရွာရှိ အခြေခံပညာ အလယ်တန်းကျောင်း စုစုပေါင်းဆရာ/မ ဦးရေ ၁၅ ဦးရှိပြီး ကျောင်းသူ/သာများ ဦးရေ ၄၀ဝ ကျော်ရှိသည်။

ဒေါတမကြီးကျေးရွာအုပ်စုအတွင်းရှိ ဒေါညေးခူ ကျေးရွာ၏ အခြေခံပညာအထက်တန်းကျောင်းခွဲတွင်လည်း စာသင်ဆောင်မလုံလောက်သည့် ပြဿနာကို ရင်ဆိုင်နေရသည်။

Comments

comments

Next Post

မြို့ဝင်ဘီးခွန်ကောက်သည့်စနစ်ပြောင်းလဲနိုင်ရန် အဆိုပြုသွားမည်

Sat Jan 7 , 2017
စိုင်းလင်းလင်းဦး စည်ပင်သာယာရေးအဖွဲ့မှ ကောက်ခံလျှက်ရှိသော မြို့ဝင်ဘီးခွန်ခေါ်(ဘီးကောက်)ကို လာမည့် ၂၀၁၇-၁၈ ဘတ်ဂျက်နှစ်တွင် ကောက်ခံသည့်စနစ် ပြောင်းလဲသွားရန် သက်ဆိုင်ရာသို့ အဆိုပြုသွားမည်ဖြစ်ကြောင်း ကယားပြည်နယ် လွိုင်ကော်မြို့နယ် မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးနီထွန်းက ပြောသည်။ လက်ရှိကောက်ခံလျှက်ရှိသော မြို့ဝင်ဘီးခွန်စနစ်မှာ ဖြတ်သန်းသွားလာသူများအတွက် ဝန်ဆောင်မှုအဆင်မပြေခြင်းများကြောင့် စည်ပင်သာယာရေးအဖွဲ့အနေဖြင့် ပြောင်းလဲကောက်ခံရန် စီစဉ်နေခြင်းဖြစ်သ ဘီးခွန်ကောက်ခံရာတွင် တစ်နှစ်စာ အခွန်အား သက်ဆိုင်ရာသို့ ပေးသွင်းခြင်းဖြင့်လည်းကောင်း ပေးသွင်းထားသည့်ယာဉ်များအတွက် အသိအမှတ်ပြုမှတ်ပုံတင် ကဒ်ပြားများ ချိတ်ဆွဲထားသောစနစ်ဖြင့်လည်းကောင်း ပြုလုပ်သွားမည်ဖြစ်ကြောင်း သိရသည်။ ထိုသို့ဖြေရှင်းရာတွင် စက်တပ်ယာဉ်လိုင်စင်သက်တမ်းတိုးစဉ် လာရောက်ရမည့် ယာဉ်များအနေဖြင့် ကယားပြည်နယ်ကုန်းလမ်းပို့ဆောင်ရေးညွှန်ကြားမှုဦးစီးဌာန (က.ည.န) သို့ ငွေသွင်းစဉ် စည်ပင်သာယာရေးမြို့ဝင်ဘီးခွန်ကို တစ်ပါတည်းကောက်ခံခြင်းဖြင့် ယခင်ကထက် အခက်အခဲများလျော့ကျစေနိုင်ကြောင်း ဦးနီထွန်းက ပြောသည်။ “ဆိုတော့ […]