အာဏာရှင်ဖီဆန်တဲ့ လူထုလှုပ်ရှားမှု ပြုလုပ်တဲ့ ထွေအုပ်ဝန်ထမ်းနှစ်ဦး တာဝန်မှယာယီရပ်ဆိုင်းခံရ

0
436

ကန္တာရဝတီတိုင်း (မ်)

အာဏာရှင်ကို ဆန့်ကျင်တဲ့ လူထုလှုပ်ရှားမှုမှာ ပါဝင်ခဲ့တဲ့ လွိုင်ကော်ခရိုင် အထွေထွေအုပ်ချုပ်ရေး ဦးစီးဌာနမှူးနဲ့ နန်းမယ်ခုံမြို့ အုပ်ချုပ်ရေးမှူးကို တာဝန်မှယာယီရပ်ဆိုင်းထားတယ်လို့ ဖေဖော်ဝါရီလ ၁၁ရက်နေ့စွဲနဲ့ ပြည်နယ်အထွေထွေအုပ်ချုပ်ရေးဦးစီးဌာနက စာထုတ်ပြန်ခဲ့ပါတယ်။

ဒါဟာ ကယားပြည်နယ်မှာ အာဏာရှင်ကို ဖီဆန်တဲ့ လူထုလှုပ်ရှားမှုမှာပါဝင်တဲ့ အစိုးရဝန်ထမ်းတွေထဲက ပထမဆုံး အရေးယူလိုက်တဲ့ အမှုဖြစ်ပါတယ်။

ကယားပြည်နယ်မှာ အာဏာရှင်ဖီဆန်တဲ့ လူထုလှုပ်ရှားမှုကို ဌာနဆိုင်ရာအများအပြားပါဝင်ခဲ့ပြီး တစ်ရက်ပြီးတစ်ရက်လူထုပါဝင်မှု ပိုမိုအားကောင်းလာတာကိုတွေ့ရပါတယ်။

ဒီးမော့ဆိုမြို့နယ်အထွေထွေအုပ်ချုပ်ရေးဌာနက ဝန်ထမ်းတွေလည်း အာဏာဖီဆန်တဲ့ လူထုလှုပ်ရှားမှုပြုလုပ်တယ်ဆိုပြီး မြို့နယ်အုပ်ချုပ်ရေးမှူးဦးဉာဏ်လှိုင်က တိုင်ကြားတာတွေလည်းရှိခဲ့ပါတယ်။

Comments

comments