spot_img
Sunday, January 29, 2023
spot_img

CDM ဆရာဝန် နဲ့ သူနာပြုတွေက ယခင် ၅၀၅(က)ဖြင့် တရားစွဲခံရသူများမဟုတ်ဟုဆို

spot_imgspot_imgspot_imgspot_img

ကန္တာရဝတီတိုင်း(မ်)

ကယား(ကရင်နီ)ပြည်နယ် လွိုင်ကော်မြို့ ခရစ္စတူးဘုရင်ဗဟိုဘုရားကျောင်းရှိ ဂရုဏာဆေးခန်းမှာ ပရဟိတ ဆေးကုပေးနေတဲ့ CDM ဆရာဝန် ၂ဦးနဲ့ သူနာပြု ၄ဦးက ယခင်က ၅၀၅ (က)ဖြင့် တရားစွဲဆိုခံ ထားရသူများမဟုတ်ကြောင်း ၎င်းဘုရားကျောင်းရှိ တာဝန်ရှိသူ တစ်ဦးက အတည်ပြုပြောကြားသွားပါတယ်။

ဖေဖော်ဝါရီလ မှာ CDM ပြုလုပ်ခဲ့တဲ့ မြို့နယ် ကုသရေး ဦးစီးဌာနက ဆရာဝန် ၂ဦး၊ လွိုင်ကော် ပြည်သူ့ဆေးရုံက သူနာပြု ၄ဦးကို ပုဒ်မ ၅၀၅(က)နဲ့ မတ်လမှာ တရားစွဲထားပြီး ထွက်ပြေးတိမ်းရှောင်နေတဲ့အတွက်ကြောင့် ဥပဒေအရ အရေးယူသွားမယ်လို့ နိုဝင်ဘာလ ၂၃ ရက်နေ့ မြဝတီသတင်းဌာနကနေ ထုတ်လွှင့်ချက်က ယခင်က တရားစွဲဆိုခံထားရတဲ့သူမဟုတ်ကြောင်း ပြန်လည်တုန့်ပြန်ပြောဆိုလိုက်ခြင်းဖြစ်ပါတယ်။

” ဒီမှာရှိတဲ့ ဆရာဝန်တွေ သူနာပြုတွေက ဘယ်သူမှ ၅၀၅(က) နဲ့စွဲထားတဲ့သူတွေ ဘယ်သူမှ မပါဘူးလေ။ အဲ့ဒီထဲ တစ်ယောက်မှမပါဘူး။ အခုကျမှ သူတို့ တပ်ပြီးတော့ လုပ်မလား အဲ့တာတော့ မပြောတတ်ဘူးပေါ့နော။ “

စစ်ကောင်စီက နိုဝင်ဘာလ ၂၂ ရက်နေ့ နံနက်ပိုင်းတွင် လွိုင်ကော်မြို့ နောင်ယားရပ်ကွက်မှာရှိတဲ့ ခရစ္စတူးဘုရင် ဗဟိုဘုရားကျောင်းဝင်းထဲက ကရုဏာ ဆေးခန်းရှိ ဆရာဝန်နဲ့ သူနာပြုတွေ စုစုပေါင်း ၁၈ ယောက်ကို ဖမ်းဆီးခေါ်ဆောင်သွားပြီး နိုဝင်ဘာလ ၂၃ရက်နေ့ ည ၆ နာရီကျော်မှာ ပြန်လွှတ်ပေးလိုက်ပြီးနောက် ည ၈ နာရီမှာ မြဝတီသတင်းဌာနက အခုလို ထုတ်ပြန်ကြေငြာလိုက်တာဖြစ်ပါတယ်။

လက်ရှိမှာတော့ ကရုဏာဆေးခန်းကို ခေတ္တပိတ်ထားရပြီး တတ်နိုင်သမျှညှိ့နှိုင်းမှုတွေပြန်လည်ပြုလုပ်ပြီး ပြန်လည်ဖွင့်လှစ်နိုင်ဖို့ ကြိုးစားသွားမယ်လို့ ဆေးခန်းနဲ့နီးစပ်သူ တစ်ဦးက ပြောပါတယ်။

” လောလောဆယ်ကတော့ အခြေအနေအရ ခဏလေးပေါ့နော။ တစ်ပတ်ဖြစ်ဖြစ် နှစ်ပတ်ဖြစ်ဖြစ် ရပ်နားထားပြီးတော့မှ ဒီကြားကာလမှာ ဆွေးနွေးမှုလေးတွေ အဆင်ပြေသွားမယ်ဆိုရင်တော့ ပြန်ပြီးတော့ လည်ပတ်နိုင်မယ်လို့ မျှော်လင့်ပါတယ်။ လည်ပတ်နိုင်တဲ့ အချိန်မှာလည်း ကျနော်တို့ ကြော်ငြာပေးသွားမှာ ဖြစ်ပါတယ်။ “

ဆေးခန်းမှာ ဆေးကုသပမှု ခံယူနေတဲ့ လူနာ၄၈ဦးကိုလည်း လွိုင်ကော်ပြည့်သူ့ဆေးရုံကို လွဲပြောင်းလိုက်ပါတယ် လို့သိရပါတယ်။

ကရုဏာဆေးခန်းဟာ ဆေးခန်လိုင်စင်ပဲရှိပြီး ဆေးရုံလိုင်စင်မရှိပဲ အတွင်းလူနာတွေကို ထားတာကြောင့် ဝင်ရောက်စစ်ဆေးတာဖြစ်တယ်လို့ ဝင်ရောက် စစ်ဆေးတဲ့အချိန်မှာ ပြောတဲ့ အသံဖိုင်တစ်ခု လူမှုကွန်ယက်စာမျက်နှာမှာ ပျံ့နှံနေတာလည်း ရှိပါတယ်။

ကရုဏာဆေးခန်းဟာ ၁၉၉၈ခုနှစ်မှာ ဆေးခန်းလိုင်စင်ရရှိခဲ့တာ ဖြစ်ပါတယ်။ စစ်အာဏာသိမ်းပြီးနောက်ပိုင်းမှာ လူနာတွေဟာ ဂရုဏာဆေးခန်းကိုပဲ ပြသတာတွေ များလာပြီး ခွဲစိတ်ဖို့နဲ့ မွေးလူနာတွေအတွက် အဆောင်တိုးချဲ့ပြီး ဆောင်ရွက်ပေးခဲ့ရတာဖြစ်ပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...