spot_img
Wednesday, August 17, 2022
spot_img

CDM လှုပ်ရှားမှုမှာ ပါဝင်လာတဲ့ ဟိုပုံးမြို့ အမှတ် (၉၀၃) အင်ဂျင်နီယာတပ်ရင်းက တပ်သားတစ်ဦးနှင့် ဆက်သွယ်မေးမြန်းခြင်း

spot_imgspot_imgspot_imgspot_img

စစ်အာဏာကို ဖီဆန်တဲ့ CDM လှုပ်ရှားမှုမှာ ပါဝင်လာတဲ့ ဟိုပုံးမြို့ အမှတ် (၉၀၃) အင်ဂျင်နီယာတပ်ရင်းက လုပ်သက် တစ်နှစ်ခွဲရှိတဲ့ တပ်သားတစ်ဦးဟာ နိုဝင်ဘာလ ၇ ရက်နေ့မှာ ကရင်နီအမျိုးသားများကာကွယ်ရေး KNDF တပ်ရင်း ၂ ဆီကို ပူးပါင်းပါဝင်လာပြီး CDM ပြုလုပ်တာ ဖြစ်ပါတယ်။

သူကတော့ အသက် (၂၂) နှစ်ရှိပြီဖြစ်ပြီး မှိုင်းရှာခွေးကို ထိန်းကျောင်းရတဲ့ တပ်သားတစ်ဦး ဖြစ်တယ်လို့ သိရပါတယ်။ အခုလို လာရောက်ပူးပေါင်းပါဝင်ပေးတဲ့အတွက် KNDF B-02 အနေနဲ့လည်း သူ့ရဲ့ လုံခြုံရေးနဲ့ စားဝတ်နေရေးကို တာဝန်ယူဆောင်ရွက်ပေးသွားမှာ ဖြစ်တယ်လို့ ပြောကြားသွားပါတယ်။

CDM ပြုလုပ်တဲ့ တပ်သားကို ကန္တာရဝတီတိုင်း(မ်) မှ ဆက်သွယ်မေးမြန်းထားတာ ဖြစ်ပါတယ်။

မေး ။ ။ CDMလုပ်ဖြစ်ခဲ့တဲ့ ရည်ရွယ်ချက်ကိုပြောပြပေးပါ။
ဖြေ ။ ။ ဒီ စကစ ရဲ့ အမိန့်ကို မနာခံချင်လို့ သူတို့ရဲ့ တပ်မှာ မနေချင်တော့လို့။ ပြည်သူတွေရဲ့ တော်လှန်မှုကို အားကျလို့ သူတို့တပ်ကနေ ထွက်လာပြီးတော့ CDM ထဲကို လုပ်တာပါ။

မေး ။ ။ အခုလိုမျိုး CDMလုပ်ဖို့ ဘာအကြောင်းအရာတွေက သတ္တိဖြစ်စေခဲ့လဲ။
ဖြေ ။ ။ အဲ့လို ဘယ်သူမှ တိုက်တွန်းပေးတာ မရှိပါဘူး။ ကိုယ့်စိတ်နဲ့ကိုယ် ထွက်လာတာပါ။ ကိုယ့်ရဲ့ ဖြစ်ချင်တဲ့ ရည်ရွယ်ချက်။ အဲ့လိုမျိုး ကူညီချင်တဲ့ ရည်ရွယ်ချက်တစ်ခုနဲ့ပဲ ကိုယ့်ဟာကိုယ် ထွက်လာတာ။

မေး ။ ။ CDMလုပ်ဖို့အတွက် ဘယ်လောက်အထိ အချိန်ယူခဲ့ရလဲ။
ဖြေ ။ ။ နှစ်လလောက် အချိန်ယူခဲ့ရတယ်။ အဲ့လိုမျိုး ထွက်သွားဖို့အတွက်။

မေး ။ ။ CDMဘယ်ရက်က စလုပ်ဖြစ်ခဲ့လဲ။
ဖြေ ။ ။ ၇ ရက်နေ့ (နိုဝင်ဘာ) တနင်္ဂနွေနေ့ကနေ စလုပ်တာပါ။

မေး ။ ။ တပ်ထဲမှာ တာဝန်ထမ်းဆောင်တုန်းက ဘာတွေ လုပ်ရလဲ။
ဖြေ ။ ။ တပ်ထဲမှာတော့ ထွေထွေထူးထူး တာဝန်တော့ ထမ်းဆောင်တာမဟုတ်ဘူး။ ခွေးထိန်းရတဲ့ တာဝန်ဆိုတော့ ခွေးထိန်းတာပဲ နားလည်တာပေါ့။

မေး ။ ။ တိုက်ပွဲတွေမှာ တာဝန်ထမ်းဆောင်ရတာတွေကော ရှိခဲ့လာ။
ဖြေ ။ ။ အဲ့လိုတော့ မရှိဘူး။

မေး ။ ။ တာဝန်ထမ်းဆောင်နေတဲ့ တပ်မှာ အာဏာသိမ်းပြီးတာ နဲ့ အာဏာမသိမ်းခင် တုန်းကနဲ့ ဘာတွေကွာခြား တာရှိလဲ။
ဖြေ ။ ။ စည်းကမ်းတင်းကျပ်မှုက ပိုပြီးတော့ တင်းကြပ်လာတယ်။ အဲ့လိုမျိုးပဲ ကွာခြားတယ်။

မေး ။ ။ စည်းကမ်းတွေ တင်းကြပ်လာတဲ့ အပေါ်မှာကော အခက်အခဲတစ်စုံတစ်ရာရှိတာတွေရှိလာ။
ဖြေ ။ ။ အခက်အခဲတော့မရှိဘူး။ တပ်ထဲကနေ တပ်အပြင်ကို ထွက်ခွင့်မရှိတော့ဘူး အဲ့လိုပေါ့။ သတင်းတွေ၊ မီဒီယာတွေ ဘာတွေလည်း ကြည့်ခွင့်လည်း မရှိဘူးပေါ့ အဲ့လိုမျိုး။

မေး ။ ။ CDMလုပ်တဲ့အတွက် မိသားစုလုံခြုံရေးအတွက် စိတ်ပူတာတွေရှိလာ။
ဖြေ ။ ။ အဲ့လိုတော့ လူတိုင်းပဲလေ။ နည်းနည်းပါးပါး စိတ်ပူတာတော့ ရှိတာပေါ့။

မေး ။ ။ ထပ်ပြီးဖြည့်စွက်ပြောပြချင်တာမျိုး ရှိပါလား။
ဖြေ ။ ။ မရှိတော့ပါဘူးဗျာ့။

ကျေးဇူးတင်ပါတယ်။

spot_imgspot_imgspot_imgspot_img

More from the blog

KNDF မှာ အမျိုးသမီး ပါဝင်မှု အခန်းကဏ္ဍ အပေါ် အတွင်းရေးမှူး ၃  ခူးရီးဒူနှင့် မေးမြန်းခြင်း

ကန္တာရဝတီတိုင်း(မ်) https://www.youtube.com/watch?v=p-MvzthlhGc ကရင်နီပြည်မှာ စစ်အာဏာသိမ်းပြီးနောက်ပိုင်း တော်လှန်ရေးထဲမှာ အမျိုးသမီး ပါဝင်မှုနှုန်းက များပြားနေတာကို တွေ့ရပါတယ်။ တော်လှန်ရေး အင်အားစုတွေ အထဲက စစ်ကောင်စီနဲ့ မကြာခဏ တိုက်ပွဲဖြစ်နေတဲ့ ကရင်နီအမျိုးသားများကာကွယ်ရေးတပ် ( KNDF ) မှာလည်း အမျိုးသမီးရဲဘော်ပါဝင်မှုများပြားနေပါတယ်။ ဒီတော်လှန်ရေးမှာ အမျိုးသမီး ပါဝင်မှုအခန်းကဏ္ဍက ဘယ်လိုရှိနေပါသလဲဆိုတာကို ကရင်နီအမျိုးသားများကာကွယ်ရေးတပ်...

ကရင်နီအမျိုးသားခုခံတော်လှန်ရေး​နေ့မှာ (KNPP) အမြဲတမ်း ပါတီ ဗဟိုကော်မတီဝင် ရီမာန်ထူးနဲ့ တွေဆုံမေးမြန်းခြင်း

https://youtu.be/RCXetUa48n4 ဒီကနေ့ ဩဂုတ်လ (၉)ရက်နေ့မှာ ကျရောက်တဲ့ ကရင်နီအမျိုးသား ခုခံတော်လှန်ရေး (၇၄)နှစ်ပြည့်မှာ ကရင်နီအမျိုးသား တိုးတက်ရေးပါတီ (KNPP) အမြဲတမ်း ပါတီ ဗဟိုကော်မတီဝင် တစ်ဦး ဖြစ်တဲ့ ဆရာကြီး ရီမာန်ထူး နဲ့ ကန္တာရဝတီတိုင်း(မ်) ကတွေ့ ဆုံမေးမြန်းထား ဖြစ်ပါတယ်။ ကရင်နီအမျိုးသားခုခံတော်လှန်ရေးဆိုတာ ဘာလဲ၊ ဘယ်လိုကြောင့်...

ကရင်နီအမျိုးသား ခုခံတော်လှန်ရေးနေ့ အပေါ် မှာ KNDF ရဲ့ အတွင်းရေးမှူး ၃ ခူးရီးဒူနဲ့ တွေ့ဆုံမေးမြန်းခြင်း

https://youtu.be/v7JwtpK3p80 ဩဂုတ်လ (၉)ရက်နေ့မှာ ကျရောက်မယ့် (၇၄) နှစ်ပြည့် ကရင်နီအမျိုးသားခုခံတော်လှန်ရေးနေ့ နဲ့ ပတ်သက်ပြီး လက်ရှိတော်လှန်ရေးမှာပါဝင်နေတဲ့ ကရင်နီအမျိုးသားများကာကွယ်ရေးတပ် (KNDF) ရဲ့ အတွင်းရေးမှူး (၃) ဖြစ်တဲ့ ခူးရီးဒူ နဲ့ ကန္တာရဝတီတိုင်း(မ်) က တွေ့ဆုံ မေးမြန်းထားတာ ဖြစ်ပါတယ်။ တွေ့ဆုံမေးမြန်းမှုမှာ - နှစ်ပေါင်း...

စစ်ကောင်စီရဲ့လုပ်ရပ်အပေါ် ဒေသတွင်းအဖွဲ့အစည်း၊ စစ်ရှောင်တွေက ဘာပြောဆိုကြပါသလဲ။

ဇူလိုင်လအတွင်းမှာဆိုရင် စစ်ကောင်စီကနေ ပစ်ခတ်လိုက်တဲ့ လက်နက်ကြီးက တိုက်ပွဲဖြစ်ပွားရာနဲ့ဝေးတဲ့ ကျေးရွာတွေ စစ်ရှောင်စခန်းတွေမှာကျရောက်တာရှိပါတယ်။ လက်နက်ကြီးထိမှန်မှုကြောင့် သေဆုံးခဲ့တဲ့ စစ်ရှောင်ပြည်သူလည်းရှိသလို ထိခိုက်ဒဏ်ရာရတဲ့သူတွေလည်း များစွာရှိနေတယ်။ စစ်ကောင်စီရဲ့လုပ်ရပ်အပေါ် ဒေသတွင်းအဖွဲ့အစည်း၊ စစ်ရှောင်တွေက ဘာပြောဆိုကြပါသလဲ။ ခူးရီးရယ် ( ကရင်နီအမျိုးသားများကာကွယ်ရေးတပ်(KNDF) အတွင်းရေးမှူး -၃ ) “စစ်ကောင်စီက သမိုင်းစာမျက်နှာပြန်ကြည့်မယ်ဆိုလို့ရှိရင် လူထုကိုအကျိုးပေးတာ၊ လူထုအကျိုးကို...