COVID-19 ကြောင့် ပြည်နယ်တွင်းရှိ ကျေးလက်နေပြည်သူတွက် လူမှုစီးပွားပြန်လည်ကုစားဖို့ ကျပ်သန်းပေါင်း ၁၈၅၀ သုံးပြုမည်

စိုးထိုက်အောင်

COVID-19 ကြောင့် လူမှုစီးပွားထိခိုက်သွားတဲ့ ကျေးလက်နေပြည်သူတွေအတွက် ရင်းနှီးမတည်ငွေနဲ့ လုပ်အားခပေးချေတဲ့ ဖွံ့ဖြိုးရေးစီမံကိန်းတွေကို ကျပ်သန်းပေါင်း ၁၈၅၀ ကျပ် ဆောင်ရွက်သွားမယ်လို့ ကယားပြည်နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန ပြည်နယ်ဦးစီးမှူး ဦးကျော်သူအောင်က ပြောပါတယ်။

“စီမံကိန်းက ကိုဗစ်အလွန် ကိုဗစ်ကာလပေါ့နော်။ စီးပွားရေးပြန်လည်ပြီးတော့မှ နိုးဆွတဲ့အလုပ်ကိုလုပ်တာဖြစ်တဲ့အတွက် ကျနော်တို့မှာလက်ရှိအနေအထားမှာ အမြန်ဆုံးအကောင်အထည် ဖော်ဆောင်ရွက်သွားပြီးတော့ ကျနော်တို့ရဲ့ Target (ဦးတည်ချက်) ပေါ့နော်။ လုပ်ငန်းပြီးစီးမှု target က အခုဘတ်ဂျက်ရဲ့ စက်တင်ဘာလကုန်အထိကို target ထားပြီးဆောင်ရွက်သွားမှာဖြစ်ပါတယ်။” လို့ ဦးကျော်သူအောင်က ပြောပါတယ်။

ကျေးရွာတွေအတွက် ရင်းနှီးမတည်စီမံကိန်းအတွက် ကျပ်သန်း ၇၅၀ ၊ လုပ်အားခပေးချေတဲ့ ဖွံ့ဖြိုးရေးစီမံကိန်းမှာ ကျပ်သန်း ၁၁၀၀ ဖြစ်ပြီး စုစုပေါင်း ကျပ်သန်းပေါင်း ၁၈၅၀ သုံးပြုမှာဖြစ်ပါတယ်။

ရင်းနှီးမတည်ငွေကို ကယားပြည်နယ် မြို့နယ် ၇ မြို့နယ်အတွင်းရှိ ကျေးရွာပေါင်း ၄၀ ရင်းနှီးမတည်ငွေ ပံ့ပိုးပေးသွားမှာဖြစ်ပြီး လုပ်အားခပေးချေတဲ့ ဖွံ့ဖြိုးရေးစီမံကိန်းကို ကျေးရွာပေါင်း ၁၁၀ ဆောင်ရွက်သွားမှာဖြစ်ပါတယ်။

စီမံကိန်းနှစ်ခုကို ဆောင်ရွက်မည့် ကျေးရွာတွေကို ရွေးချယ်တဲ့ နေရာမှာ သက်ဆိုင်ရာ ကော်မတီတွေနဲ့ဆွေးနွေးညှိ့နှိုင်းပြီးမှရွေးချယ်ရတာဖြစ်တယ်လို့ဆိုပါတယ် ။

၎င်းက “ ရွာရွေးချယ်တဲ့ နေရာမှာလည်း ကျတော်တို့ဒီကျတော်တို့ သတ်မှတ်ထားတဲ့ စံနှုန်းလေးတွေရှိပါတယ်။ ကျတော်တို့ကမ္ဘာဘဏ်နဲ့ကျတော်တို့ဒါ စီမံဘဏ္ဍာဝန်ကြီးဌာနကနေပြီးတော့ ကျတော်တို့လမ်းညွှန်ထားတဲ့ လမ်းညွှန်ချက်တွေ နောက်တစ်ခုက ကျေးရွာရွေးချယ်တာလည်း စံနှုန်းတွေနဲ့ကျတော်တို့ ဒီပေါ်မှာ အခြေခံပြီးတော့မှ သက်ဆိုင်ရာ လွှတ်တော်ကိုယ်စားလှယ်တွေနော် ကျတော်တို့ TPIC လို့ခေါ်တဲ့ မြို့နယ်စီမံကိန်းရေးစွဲရေးနဲ့အထောက်အကူပြုရေး ကော်မတီတွေ နောက်တစ်ခါကျတော်တို့ အုပ်ချုပ်ရေးအဖွဲ့တွေနဲ့ ကျတော်တို့ပေါင်းစပ်ပြီးတော့ ဒီကျေးရွာတွေကို ကျတော်တို့ရွေးချယ်ထားခြင်းဖြစ်ပါတယ်။” ပြောပါတယ်။

ဇွန်လ အလယ်လောက်မှာ ရှေ့ပြေးစီမံကိန်းအနေဖြင့် လွိုင်ကော်မြို့နယ် ၊ ထီးစဲခါးကျေးရွာမှာ စပြီး အကောင်အထည်ဖော်ဆောင်ရွက်ခဲ့တယ်လို့လည်း သိရပါတယ်။

ငွေတောင်အုပ်စု၊ စိုက်ကွင်း(၂) အောင်သပြေကျေးရွာ ဥက္ကဌ ဦးကျော်ဆန်းဦးက “ အလုပ်လက်မဲ့ကတော့ များတယ်ပေါ့ လောလောဆယ်တော့ ကြုံရာအလုပ် နည်းနည်းပါးပါးလုပ်၊ ပြီးတော့ ရွာမှာကျ လက်လုပ်လက်စားများသည့် အတွက်ပေ့ါ။”လို့ပြောပါတယ်။

စီမံကိန်းနဲ့ပတ်သတ်ပြီး ကျေးရွာတွေမှာ စီမံကိန်းအကြောင်းရှင်းလင်းတာတွေ၊ စီမံကိန်းဆောင်ရွက်ဖို့အတွက် ကျေးရွာကော်မတီတွေ ဖွဲ့စည်းတာတွေကိုဆောင်ရွက်နေပြီဖြစ်တယ်လို့ ပြည်နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရပါတယ်။

သက်ဆိုင်ရာကျေးရွာမှာရှိတဲ့ အိမ်ေထောင်စုထဲကမှ အိမ်ထောင်စုအဆင့်အတန်းကိုခွဲခြားပြီး ဆင်းရဲတဲ့ အိမ်ထောင်စု၊ အမျိုးသမီးဦးဆောင်တဲ့ အိမ်ထောင်စု၊ မသန်စွမ်းတွေပါတဲ့ အိမ်ထောင်စု၊ တကယ်ဝင်ငွေလိုအပ်တဲ့ အိမ်ထောင်စုတွေ ရွေးချယ်ဆောင်ရွက်သွားမှာဖြစ်တယ်လို့သိရပါတယ်။

ရင်းနှီးမတည်ငွေကို တစ်နိုင်ငံလုံး ကျေးရွာပေါင်း ၁၇၀၀ နဲ့ ကျပ် ၄၂ ဘီလီယံကို အသုံးပြုသွားမှာဖြစ်ပြီး လုပ်အားခပေးချေတဲ့ ဖွံ့ဖြိုးရေးလုပ်ငန်း စီမံကိန်းကို တစ်နိုင်ငံလုံး ကျေးရွာပေါင်း ၂၅၀၀ နီးပါးနဲ့ လုပ်သား အရေအတွက် ၂.၇ သန်း အတွက် စုစုပေါင်း လုပ်အားခ ကျပ်သန်းပေါင်း ၁၄၉၂၈ သန်း သုံးပြုသွားမယ်လို့သိရပါတယ်။

Comments

comments

Next Post

ကိုဗစ်ထိန်းချုပ်ကာလအတွင်းမှာ ရွေ့လျားဓတ်မှန်စက်ဖြင့် အခမဲ့ရောဂါရှာဖွေပေးလျက်ရှိ

Wed Jul 15 , 2020
နော်ဒွေးအယ်ခူ COVID-19 ကပ်ရောဂါ ကာကွယ်ထိန်းချုပ်တဲ့ ကာလအတွင်း အခက်အခဲရှိနေတဲ့သူတွေအတွက် အဖျားနဲ့ ဆက်စပ်တဲ့ ရောဂါတွေကို ရွေ့လျားဓတ်မှန်စက်ဖြင့် ကယားပြည်နယ် ၊ လွိုင်ကော်မြို့ရှိ မြို့နယ်ခန်းမမှာ အခမဲ့ စမ်းသပ်ပေးနေပြီဖြစ်တယ်လို့ မြန်မာနိုင်ငံဆရာဝန်အသင်း (ကယားပြည်နယ်တာဝန်ခံ) ဒေါက်တာပြည့်ဖြိုးကျော်က ပြောပါတယ်။ “အစတုန်းကတော့ အဖျားလူနာတွေကိုပဲ ကျနော်တို့ကတော့ ကြည့်ပေးတယ်။ မှန်တယ် ဒါပေမယ့်အခုလက်ရှိ အခြေအနေမှာက သွေးလွန်တုတ်ကွေးရာသီကလည်း ရောက်လာပြီး လွိုင်ကော်မှာလည်း သွေးလွန်တုတ်ကွေးလူနာလည်းစတွေ့လာပြီ နောက်တခုက အဖျားရောဂါနဲ့တွဲပြီးတော့မှ တီဗီ ရောဂါကိုလည်း ဒီဆေးခန်းကနေပဲ တစ်ယောက်တွေ့ခဲ့တာပေါ့နော်။”လို့ ဒေါက်တာပြည့်ဖြိုးကျော်က ပြောပါတယ်။ COVID-19 ကပ်ရောဂါကို ကြိုတင်ကာကွယ်တားဆီးထိန်းချုပ်နိုင်ဖို့အတွက် အဖျားရောဂါကုအခမဲ့ဆေးခန်းကို ကယားပြည်နယ် ၊ လွိုင်ကော်မြို့ရှိ မြို့နယ်ခန်းမမှာ ဇွန်လတစ်ရက်နေ့က စတင်ဖွင့်လှစ်ခဲ့ပြီးနောက် ဇူလိုင် […]