“ကယားရိုးရာပွဲတွေဆိုရင် ဝက်သားစားမယ်၊ ခေါင်ရည် မူးပြဲနေအောင်သောက်ကြမယ်၊ ပြီးရင် အပျိုမအိမ်သွားလည်မယ်” ဟူ၍ ပေါ့ပျက်ပျက်ပြောဆိုနေမှုများ မကြာခဏ ကြားရတတ်ပါသည်။ ထိုသို့ပြောဆို ဝေဖန်မှုများသည် အကြောင်းမဲ့ ပေါ်ပေါက်လာခြင်း မဟုတ်တန်ရာ၊ အဲ့ဒိုပေါ်မီ အပါအဝင် ကယားရိုးရာပွဲတော် အချို့တွင် လူမှန်းသူမှန်းမသိ အမူးလွန်ကာ လမ်းဘေး၊ ခြံစည်းရိုးဘေးများတွင် ရှုမကောင်း၊ မြင်မကောင်း လဲကျနေသူအချို့ကို တွေ့မြင်ခဲ့ရဖူးပါသည်။ အထူးသဖြင့် မြို့နှင့် နီးသော ကျေးရွာများတွင် ရံဖန်ရံခါ တွေ့ရတတ်ပါသည်။ အင်မတန်မှ အကျည်းတန်လွန်းပြီး ရိုးရာပွဲတော်များ၏ ပုံရိပ်ကိုလည်း အနည်းနှင့်အများဆိုသလို ထိခိုက်စေပါသည်။ ထိုသို့ဖြစ်ရခြင်းမှာ လာရောက် လည်ပတ်သည့် ဧည့်သည်ရော အိမ်ရှင်ပါ နှစ်ဖက်လုံးတွင် လိုအပ်ချက်ရှိသည်ဟု ပြော၍ရနိုင်ပါသည်။ ဧည့်သည်များအနေဖြင့် လူမျိုးတစ်မျိုး၏ ရိုးရာယဉ်ကျေးမှုဓလေ့ထုံးစံများကို […]