ကန္တာရဝတီတိုင်း(မ်) ကရင်နီလူငယ်ငယ်များ၏ ဗိုလ်ချုပ်အောင်ဆန်းမြင်းစီးကြေးရုပ်ရွေ့ပြောင်းရေးလှုပ်ရှားမှုကို ထောက်ခံဆန္ဒပြခဲ့သည့် ပြည်မအင်အားစု လူငယ်တွေအမှုကို လာမည့် ၂၇ ရက်နေ့တွင် အပြီးသတ်အမိန့်ချမှတ်သွားမယ်လို့သိရပါတယ်။ ကယားပြည်နယ် လွိုင်ကော်မြို့ရှိ ကန္နာဟေဝန်ပန်းခြံမှာ ထားရှိတဲ့ ဗိုလ်ချုပ်အောင်ဆန်းကြေးရုပ်ပြောင်းရွေ့ရေးနဲ့ပတ်သက်ပြီး ကရင်နီလူငယ်အင်အားစုရဲ့လှုပ်ရှားမှုကို ထောက်ခံသည့် အနေဖြင့် ရန်ကုန်တွင် ၂၀၁၉ ခုနှစ် ဖေဖေါ်ဝါရီလ ၁၂ ရက်နေ့က ရန်ကုန်မြို့ရှိ ဗန္ဓုလပန်းခြံတွင် ဆန္ဒပြခဲ့ကြတဲ့ ပြည်မလူငယ်အင်အားစုများထဲမှ (၅) ဦးကို ကျောက်တံတားမြို့နယ်ရဲ စခန်းမှ ငြိမ်းစုစည် ပုဒ်မ (၁၉) ဖြင့် တရားစွဲဆိုခဲ့တာဖြစ်ပါတယ်။ တရားမျှတမှု၊ လွတ်လပ်မှုနဲ့သွေးစည်းညီညွတ်မှု သုံးချက်ကိုတန်ဖိုးထား အခြေခံပြီး ကရင်နီလူငယ်တွေရဲ့လှုပ်ရှားမှုဟာ တရားမျှတတဲ့လှုပ်ရှားမှုတစ်ခုဖြစ်တယ်လို့ယုံကြည်တဲ့အတွက် ထောက်ခံဆန္ဒပြခဲ့တာဖြစ်တာဖြစ်တယ်လို့ ဆန္ဒပြရာမှာပါဝင်ပြီးတရာစွဲဆိုခံထားရတဲ့ လူ့ဘောင်သစ် (DPNS) လူငယ် ဥက္ကဌ မအိသဉ္ဇာမောင်ကပြောပါတယ်။ […]
ဖခင်ဖြစ်နေသည့်အတွက် ဗိုလ်ချုပ်ကြေးရုပ်ကိစ္စဖြေရှင်းဖို့ အခက်အခဲရှိဟု ဒေါ်အောင်ဆန်းစုကြည် မှပြောကြား
ကန္တာရဝတီတိုင်း(မ်) ဗိုလ်ချုပ်အောင်ဆန်းဟာ သူ့ရဲ့ဖခင်ဖြစ်တာကြောင့် ကရင်နီလူငယ်နှင့် ဖြစ်ပေါ်နေသည့် ကြေးရုပ်ပြသနာကို ဖြေရှင်းဖို့အခက်အခဲရှိကြောင်း နိုင်ငံတော်အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်က ကရင်နီလူငယ်အင်အားစုနဲ့တွေ့ဆုံစဉ် ပြောကြားလိုက်ပါတယ်။ မနေ့က ကျရောက်တဲ့ ၆၈ နှစ်မြောက် ကယားပြည်နယ်နေ့ကို တက်ရောက်ပြီးနောက် ကယားပြည်နယ်အစိုးရ ဧည့်ရိပ်သာတွင် နိုင်ငံတော်အတိုင်ပင်ခံနှင့် ကရင်နီလူငယ်များတွေ့ဆုံမှုအပြီး နိုင်ငံတော်အတိုင်ပင်ခံက အခုလိုပြောခဲ့တာဖြစ်တယ်လို့လူငယ်များက ပြောဆိုလိုက်တာပါ။ ဗိုလ်ချုပ်အောင်ဆန်းဟာ သူ့ရဲ့ဖင်ဖြစ်လည်းဖြစ်၊ မိသားစုဝင်လည်းဖြစ်တာကြောင့် သူ့အနေနဲ့ကြေးရုပ်ထုကိစ္စကို ဝင်ရောက်ဖြေရှင်းဖို့အခက်အခဲရှိတာကြောင့် သက်ဆိုင်ရာပြည်ထောင်စု ဝန်ကြီးနဲ့ကရင်နီလူငယ်တွေ တွေ့ညှိနှိုင်းဖြေရှင်းဖို့ ဒေါ်အောင်ဆန်းစုကြည်က ပြောကြားခဲ့တယ်လို့ဆွေးနွေးပွဲမှာ ပါဝင် ကရင်နီလူငယ်တစ်ဦးဖြစ်သူ ပါစကွားလယ် (ခ) မျိုးလှိုင်ဝင်းက ပြောပါတယ်။ “ဗိုလ်ချုပ်ကြေးရုပ်ကိစ္စကတော့ နိုင်ငံတော်အတိုင်ပင်ခံက သူ့ရဲ့ဖခင်လည်းဖြစ်၊ မိသားစုဝင်လည်းဖြစ်တဲ့အတွက် သူကိုယ်တိုင်ဝင်ရောက်ဖြေရှင်းဖို့အခက်အခဲဖြစ်တယ်၊ မဖြေရှင်းလိုဘူးဆိုတဲ့ဟာပြောခဲ့တယ်၊ ပြည်ထောင်စုဝန်ကြီးနဲ့ကရင်နီလူငယ်အင်အားစုတွေတိုင်ပင်ပြီး ညှိနှိုင်းကြဖို့ညွန်ကြားခဲ့တယ်ပေါ့၊ ဆိုတော့ကြေးရုပ်ကိစ္စက အဲ့လောက်နဲ့ဘဲပြတ်သွားတယ်” […]
“ကြေးရုပ်ကိစ္စနဲ့ လူငယ်ကိစ္စဆွေးနွေးတဲ့နေရာမှာ အားရကျေနပ်မှုသိပ်မရှိဘူးလို့ဘဲ ကျနော်တို့မှတ်ချက်ပြုလိုပါတယ်”
ကန္တာရဝတီတိုင်း(မ်) ဒီနေ့မှာကျရောက်တဲ့ ၆၈ နှစ်မြောက် ကယားပြည်နယ်နေ့ကို တက်ရောက်လာတဲ့ နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်နဲ့ အဖွဲ့ဝင် ၆ ဦးပါဝင်တဲ့ ကရင်နီလူငယ်အင်အားစုတို့ဟာ မွန်းလွဲပိုင်းအချိန်မှာ ကယားပြည်နယ် အစိုးရ ဧည့်ရိပ်သာမှာ တွေ့ဆုံခဲ့ကြပါတယ်။ဒီတွေ့ဆုံဆွေးနွေးပွဲမှာ ကရင်နီလူငယ်အင်အားစုဘက်က အချက် (၃) ချက်ကို အဓိကထားဆွေးနွေးခဲ့ကြတယ်လို့သိရပါတယ်။ ဒီကိစ္စနဲ့ပတ်သက်ပြီး တွေ့ဆုံပွဲကိုတက်ရောက်ခဲ့သည့် ကရင်နီလူငယ်တစ်ဦးဖြစ်သူ ခူးပါစကွားလယ် (ခ) မျိုးလှိုင်ဝင်းကို ကန္တာရဝတီထိုင်းမ်က မေးမြန်းထားပါတယ်။ ကန္တာရဝတီတိုင်း(မ်) – ဒီနေ့နိုင်ငံတော်အတိုင်ပင်ခံ ဒေါ်အောင်ဆန်းစုကြည်နဲ့တွေ့ဆုံပွဲမှာ ဘယ်သူတွေပါဝင်သေးလဲ။ မျိုးလှိုင်ဝင်း – ကျနော်တို့ကရင်နီလူငယ်အင်အားစုဘက်က (၆) ယောက်နဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်ရယ်၊ ပြည်ထောင်စုဝန်ကြီးတွေရယ်၊ ပြည်နယ်ဝန်ကြီးချုပ်နဲ့ ဌာနဆိုင်ရာက လူတွေ ပါပါတယ်။ ကန္တာရဝတီတိုင်း(မ်) – […]
ဗိုလ်ချုပ်ကြေးရုပ်ပြောင်းရွေ့ရေးနဲ့ပတ်သက်ပြီး ဦးဆောင်လှုပ်ရှားသူ ကရင်နီလူငယ်တစ်ဦးဖြစ်တဲ့ ခွန်းသောမတ်စ်နှင့် တွေ့ဆုံမြေးမြန်းခြင်း
“အခုက ဒီ ၂၀၂၀ ရွေးကောက်ပွဲနီးလာတဲ့အတွက် ဟန်ဆောင် ကော်မတီဖွဲ့ပြီး တိုင်းရင်းသားဒေသမှာ လွဲမှားမှုရှိခဲ့တဲ့ဟာတွေကို ဒီကော်မတီနဲ့ပြန်ဖြည့်မယ်ဆိုတဲ့ပုံစံမျိုးဘဲ။” ကယားပြည်နယ်မှာ တိုင်းရင်းသားတွေနဲ့ အငြင်းပွားနေတဲ့ ဗိုလ်ချုပ်ကြေးရုပ်ကိစ္စကို ဖြေရှင်းဖို့နဲ့တိုင်းရင်းသားဒေသတွေမှာ စစ်ဘက်ရေးရာကိစ္စကလွဲပြီး အငြင်းပွားစရာကိစ္စရပ်တွေကို ဖြေရှင်းဖို့ဆိုပြီး NLD ပါတီက အဖွဲ့ဝင် (၁၅) ဦးပါရှိတဲ့ ဗဟိုတိုင်းရင်းသားရေးရာကော်မတီကို ဒီလ (၂) ရက်နေ့ကဖွဲ့စည်းလိုက်ပါတယ်။ အခုဖွဲ့စည်းလိုက်တဲ့ကော်မတီနဲ့ပတ်သက်ပြီး ဗိုလ်ချုပ်ကြေးရုပ်ပြောင်းရွေ့ရေးနဲ့ပတ်သက်ပြီး ဦးဆောင်လှုပ်ရှားသူတစ်ဦးလည်းဖြစ်၊ ပြည်နယ်အစိုးရက ပုဒ်မ ၁၀ နဲ့တရားစွဲပြီး ထောင်ဒဏ် (၆) လ ကျခံခဲ့ရတဲ့ ကရင်နီလူငယ်တစ်ဦးဖြစ်တဲ့ ခွန်းသောမတ်စ်ကို ကန္တာရဝတီတိုင်းမ်က မေးမြန်းထားပါတယ်။ KT – ထောင်ကလွတ်လာပြီး ဘာတွေများလှုပ်ရှားနေလဲ။ ခွန်းသောမတ်စ် – ထောင်ကလွတ်လာပြီးနောက်ပိုင်းတော့ ကြေးရုပ်နဲ့ပတ်သက်ပြီး လှုပ်ရှားမှုတော့မရှိဘူးပေါ့နော်။ […]
ပြည်နယ်အစိုးရမှ လူငယ်၆ဦးကို ပြင်ဆင်ချက်တက်တဲ့အမှု ခရိုင်တရားရုံးက ပယ်ဖျက်
ကန္တရဝတီတိုင်းမ် အလုပ်နှင့်ထောင်ဒဏ်၆လ ချမှတ်ခံခဲ့ရပြီး ကရင်နီ လူငယ် ၆ ဦးကို ပြည်နယ်အစိုးရက မကျေနပ်လို့ ပြင်ဆင်ချက်ထပ်တက်တဲ့အပေါ်ဒီနေ့ လွိုင်ကော်ခရိုင်တရားရုံးကနေ ပယ်ဖျက်လိုက်ပြီဖြစ်တယ်လို့သိရပါတယ်။ ပြည်နယ်အစိုးရမှ နိုင်လွတ်လုံ ပုဒ်မ၁၀ ဖြင့် တရားစွဲဆိုခဲ့တဲ့ လူငယ်၆ ဦးကို လွိုင်ကော်မြို့နယ်တရားရုံးက နိုဝင်ဘာလ ၇ ရက်နေ့မှာ အလုပ်နဲ့ထောင်ဒဏ် ၆လချမှတ်လိုက်ပြီးဖြစ်ပေမယ့် ပြည်နယ်ဝန်ကြီးချုပ်ကနေ မကျေနပ်တဲ့အတွက် ထောင်ဒဏ် တစ်နှစ် ထပ်မံချပေးဖို့အတွက် ပြင်ဆင်ချက် ထပ်တက်ထားတာ ဖြစ်ပါတယ်။ ဒီလို လူငယ်တွေကို ထောင်ချတဲ့အတွက်လည်း လူငယ်တွေဘက်က မကျေနပ်လို့ အယူခံတက်ခဲ့တဲ့အပေါ်မှာလည်း ခရိုင်တရားရုံးက ပလပ်လိုက်ပြီဖြစ်တယ်လို့ တရားရင်ဆိုင်ခဲ့ရတဲ့ လူငယ်ထဲမှ ကိုဒီးဒီက အခုလို ရှင်းပြပါတယ်။ ကိုဒီးဒီက “ခရိုင်ရုံးက ကျတော်တို့ကို အမိန့်ချလိုက်တယ်ပေါ့နော […]
ပြည်နယ်အစိုးရက ကရင်နီလူငယ်တွေကို ပြင်ဆင်ချက် ထပ်တက်မည့်အပေါ်ပြည်နယ်အတွင်း တက်ကြွလှုပ်ရှားသူတွေရဲ့ ထင်မြင်သုံးသပ်ချက်
ပြည်နယ်အစိုးရမှ နိုင်လွတ်လုံ ပုဒ်မ ၁၀ နဲ့ တရားစွဲဆိုထားတဲ့ ကရင်နီလူငယ် ၆ ဦးကို ပြီးခဲ့တဲ့ နိုဝင်ဘာလ ၇ ရက်နေ့မှာ အလုပ်နဲ့ ထောင်ဒဏ် ၆ လ ချမှတ်ခဲ့ပါတယ်။ ဒီကိစ္စနဲ့ ပတ်သက်ပြီး ပြည်နယ်အစိုးရက နိုဝင်ဘာလ ၂၇ ရက်နေ့မှာ ပြင်ဆင်ချက် ထပ်တက်မယ်လို့ ကရင်နီလူငယ်တွေဆီကို စာရောက်ရှိလာခဲ့တယ်လို့ သိရပါတယ်။ ဒီဖြစ်စဉ်နဲ့ ပတ်သက်ပြီး ကယား(ကရင်နီ)ပြည်နယ်အတွင်းက တက်ကြွလှုပ်ရှားသူတွေရဲ့ ထင်မြင်သုံးသပ်ချက်တွေကို ဖော်ပြလိုက်ပါတယ်။ သူတို့က အဲ့လို ပြန်ပြင်ဆင်တယ် ပြန်တက်တယ်ဆိုတော့ လူငယ်တွေကို သက်သက် ဖိနှိပ်တယ်လို့ မြင်တယ်။ ပြီးတော့မှ လူငယ်တွေက သူတို့ကို အဲ့လောက်ထိ ပြောခဲ့တာမျိုးတွေ မရှိခဲ့ဘူးပေါ့။ ဒါပေမဲ့ […]
ကရင်နီလူငယ်၆ဦးကို ြပစ်ဒါဏ်ချမှတ်သည့်အပေါ် ပြည်နယ်အစိုးရမှ ပြင်ဆင်ချက် ထပ်တက်
ကန္တာရဝတီတိုင်း(မ်) အလုပ်နှင့်ထောင်ဒဏ် ၆ လ ချမှတ်ခံရတဲ့ ကရင်နီလူငယ် ၆ ဦးနဲ့ ပတ်သက်ပြီး ကယားပြည်နယ် အစိုးရအဖွဲ့က ကျေနပ်မှုမရှိ၍ ပြင်ဆင်ချက် ထပ်တက်ထားတယ်လို့ ထောင်ဒဏ်ချမှတ်ခံထားရပြီး ပြီးခဲ့တဲ့ ၂၅ ရက်နေ့မှာ ပြန်လည် လွတ်မြောက်လာတဲ့ ခူးကြူးဖဲကေး(ခ) ဂူးဂူးက ပြောပါတယ်။ “ လွိုင်ကော်မြို့ နယ်တရားရုံးက ကျတော်တို့ကို ထောင်ဒဏ် ၆ လချတယ် ဆိုတော့ ဒီအပေါ်မှာ သူက( ပြည်နယ်ဝန်ကြီးချုပ်) ကျေနပ်မှု မရှိဘူး။ ကျေနပ်မှု မရှိတဲ့အတွက် ကျတော်တို့ကို နောက်ထပ် ထောင်ဒဏ် တစ်နှစ် ထပ်ချပေးဖို့အတွက် ဒီ လွိုင်ကော်ခရိုင်တရားရုံးမှာ သူက ပြင်ဆင်ချက် ထပ်တက်တယ်” လို့ ခူးကြူးဖဲကေး(ခ) […]
တရားစွဲခံ ကရင်နီ ၆ ဦးထဲမှ တဦး လွတ်မြောက်လာ၊ လူနည်းစုအခွင့် အရေးအတွက် ဆက်လက်ကြိုးပမ်းမယ်လို့ဆို
ကန္တာရဝတီတိုင်း(မ်) နိုဝင်ဘာလ ၂၅ ရက်နေ့တွင် ကရင်နီလူငယ် ၆ ဦးထဲမှ တစ်ဦးဖြစ်တဲ့ ခူးကြူးဖဲကေး(ခ) ဂူဂူး လွိုင်ကော်မြို့ နယ် အကျဉ်းထောင်မှ ပြန်လည်လွတ်မြောက်လာခဲ့ပါတယ်။ “၂၅ ရက်နေ့ ၁၁ လပိုင်း ၂၀၁၉ မှာ ကျတော်ထောင်လျော့ရက်နဲ့ ထောင်က လွတ်လာပြီဖြစ်တယ်။ တစ်လက်စတည်းမှာပဲ ထောင်ကနေ လွတ်လွတ်ချင်းမှာ ဘာပြောချင်လဲဆိုတော့ တရားရုံးတွေမှာလည်း ကျတော် ပြောခဲ့သလိုပဲ တိုင်းရင်းသား လူနည်းစုတွေအတွက် အထူးအခွင့်အရေးဆိုင်ရာ ကျင့်စဉ်ဖြစ်တဲ့ effective action တစ်ရပ် ဖြစ်ပေါ်လာအောင် ဆက်လက်ပြီးတော့ ကြိုးစားသွားမယ် တိုက်ပွဲဝင်သွားမယ်။” လို့ ခူးကြူးဖဲကေး(ခ) ဂူဂူး ကပြောပါတယ်။ ခူးကြူးဖဲကေး(ခ) ဂူဂူးကို ပြီးခဲ့တဲ့ ဇွန်လ ၂ […]