စိုးထိုက်အောင် ဒီးမော့ဆို သစ်တောဦးစီးဌာနအနေနဲ့ ၂၀၁၉-၂၀၂၀ ဘဏ္ဍာနှစ်မှာ မြန်မာနိုင်ငံသစ်တောများပြန်လည်စိမ်းလန်းစိုပြေရေးအတွက် သစ်မျိုး (၁၁)မျိုး ပျိုးပင်ပေါင်း၃၅၆၅၈ ပင်ကို မေလ၊ ဒုတိယပတ်မှာ စတင်ဖြန့်ဝေပေးသွားမယ်လို့ ဒီးမော့ဆိုမြို့နယ်၊ ဖရူဆိုမြို့နယ် သစ်တောဦးစီးဌာနမှုး ဦးစွမ်းထက်ကို ကပြောပါတယ်။ ကျွန်းသစ်၊ သစ်မာ၊ လျှော်ဖြူ၊ ထင်းရူး စတဲ့ သစ်မျိုး (၁၁) မျိုးကို ဒီးမော့ဆိုမြို့နယ် သစ်တော ဦးစီးဌာန မြို့မ ပျိုးဥယာဉ်အတွင်းမှာ ပျိုးထောင်ထားပြီး မည်သူမဆို မှတ်တမ်းရေးသွင်းပြီး လာရောက်ထုတ်ယူနိုင်တယ်လို့ ဆိုပါတယ်။ “ကျတော်တို့ကျွန်းပင်ဆိုတာကတော့ ဥပဒေအရနိုင်ငံတော်ပိုင်ဖြစ်ပါတယ်။ ဒါပေမဲ့ ကျတော်တို့ရဲ့အိမ်ထဲမှာဖြစ်ပါစေ၊ ခြံထဲမှာဖြစ်ပါစေ၊ လယ်ထဲမှာဖြစ်ပါစေပေါ့နော် မိမိကိုယ်ပိုင်စိုက်မယ်ဆိုရင်လဲ ဒီကျွန်းပင်တွေကို ကျတော်တို့ကမှတ်ပုံတင်လို့ရပါတယ် မှတ်ပုံတင်ရင်မိမိကိုယ်ပိုင်ဖြစ်ပါတယ်။” မြို့နယ်သစ်တောဦးစီးမှုး ဦးစွမ်းထက်ကို ကရှင်းပြပါတယ်။ သစ်တောဦးစီးဌာနက […]