UNFC အဖွဲ့ဝင်မှ နုတ်ထွက်ရန် KNPP ဗဟို​ကော်​မတီဝင်​များ ​ဆွေး​နွေး​နေဟုသိရ

ကန္တာရဝတီတိုင်းမ်

ကရင်နီအမျိုးသား တိုးတက်ရေးပါတီ KNPP က ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC မှ နုတ်ထွက်ရန် ဗဟိုကော်မတီ အစည်းအဝေးတွင် ဆွေးနွေးတိုင်ပင်ထားကြောင်း သိရသည်။

̏ ထွက်မယ်။ ဘယ်လိုပြောရမလဲ… သေချာတော့မပြောနိုင်သေးဘူးပေါ့၊ ဒါပေမယ့် လုပ်မယ်ဆိုလည်း ကျနော်တို့ဘဲ မလုပ်ဘူးဆိုလည်း ကျနော်တို့ဘဲကျန်တယ်လေ မထူးတော့ဘူး၊ ဒီအဖွဲ့အစည်း နားလိုက်တာပဲကောင်းမယ်လို့ ပြောကြတယ်။ ဒါပေမယ့် အတည်ပြုချက်တော့မရသေးဘူး ˝ဟု KNPP အတွင်းရေးမှူး ၂ ခူးဒယ်နီယယ်က ပြောသည်။

တစ်နိုင်ငံလုံး အပစ်အခတ်ရပ်စဲရေး သဘောတူစာချုပ်လက်မှတ် NCA ထိုးခြင်းမထိုးခြင်းသည်လည်း ဆွေးနွေးချက်များအပေါ်တွင်သာ မူတည်ကြောင်း ၎င်းကဆက်ပြောသည်။

ကြော်ငြာ

လက်ရှိတွင် KNPPနှင့် ANC တို့သာ စာရင်းထဲတွင် အမာခံအဖြစ်ကျန်ရှိနေပြီး ကျန်သည့်အဖွဲ့များသည် နုတ်ထွက်ခွင့်တောင်းထားကြောင်း နိုင်ငံရေးလေ့လာသူ ကျော်ထင်အောင်ကပြောသည်။

̏ KNPP နှင့် ANC ပဲ အာမခံကျန် NMSP နှင့် LDU က လက်မှတ်ထိုးသွားပြီး SSPP က NCA အဖြေမဟုတ် ဆိုတဲ့ FPNCC ထဲ ပါသွားပြီး နုတ်ထွက်ခွင့် တောင်းထားပေမဲ့ တရားဝင် နုတ်ထွက်ခွင့် မရသေး၊ ဒါကြောင့် KNPP က Bi lateral နဲ့ ပြန်စကားပြောနေခြင်းဖြစ်တယ်၊ ဒီလ ၃၁ ရက်နေ့ EAOs ထိပ်သီး ညီလာခံမှာ အဖြေတွေပေါ်လာမယ်˝ ဟု ပြောသည်။

ငြိမ်းချမ်းရေးကော်မရှင် PC နဲ့ ကရင်နီအမျိုးသားတိုးတက်ရေးပါတီ(KNPP) ကိုယ်စားလှယ် တို့ ငြိမ်းချမ်းရေးကိစ္စနှင့်ပတ်သက်ပြီး မတ်​လ ၁ဝ ရက်​​နေ့ ထိုင်​းနိုင်​ငံချင်​းမိုင်​တွင်​ တွေ့ဆုံကြသည်​ဟုသိရသည်။ NCAထိုးရေးမထိုးရေးသည်လည်း ငြိမ်းချမ်းရေးဆွေးနွေးပွဲပေါ်တွင် မူတည်ကြောင်း ခူးဒယ်နီယယ်က ပြောသည်။

̏ NCA ထိုးဖို့တော့ ဆွေးနွေးမှုအပေါ်မှာပဲ မူတည်တယ်။ ဆွေးနွေးတဲ့အချိန်ကျရင် အဖြေဘယ်လိုထွက်လာမလဲ မသိသေးဘူး၊ ကျနော်တို့တောင်းဆိုထားတာတွေ လိုချင်တာတွေ အဆင်ပြေမယ်ဆိုရင် ထိုးသင့်ရင်ထိုးမယ်˝ ဟုပြောသည်။

KNPP သည် အစိုးရနှင့် တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူ စာချုပ် (NCA) ကို လက်မှတ်ရေးထိုးနိုင်ရေး အတွက် အစိုးရနှင့် ညှိနှိုင်းနေသည့် အဖွဲ့ဖြစ်ကာ ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) တပ်ပေါင်းစု အဖွဲ့ဝင်လည်းဖြစ်သည်။

လက်ရှိတွင် UNFCအဖွဲ့ဝင် ၅ဖွဲ့ရှိပြီး ရှမ်းပြည်တိုးတက်ရေးပါတီ SSPP သည်လည်း ၂၀၁ရ ခုနှစ် ဩဂုတ်လတွင် နုတ်ထွက်စာ တင်ထားသကဲ့သို့ NCA လက်မှတ်ထိုးခဲ့သည့် မွန်ပြည်သစ်ပါတီနှင့် လားဟူအဖွဲ့ LDU တို့လည်း နုတ်ထွက်ခွင့် တောင်းထားကြောင်း သိရသည်။

Comments

comments

Next Post

KG အတန်း သင်ရိုးညွန်းတမ်း ကရင်နီဒုက္ခသည်စခန်းမှာ စတင်ပြုပြင်ရေးဆွဲနေ

Mon Mar 11 , 2019
ခူးဖရဲရယ် ထိုင်း-မြန်မာ နယ်စပ် ကရင်နီဒုက္ခသည်အမှတ် ၁ စခန်းရှိ ကရင်နီပညာရေးဌာန လက်အောက်ဖြစ်သည့် သင်ရိုးညွန်းတမ်းဖွံ ့ဖြိုးရေးဌာနနှင့် ကရင်နီအမျိုးသမီးအစည်းအရုံး လက်အောက်ရှိ မူကြိုအဖွဲ့မှ ပူးပေါင်းပြီး လာမည့် ၂၀၁၉-၂ဝ ပညာသင်နှစ်မှာ KG တန်းကို သင်ရိုးညွန်းတမ်းအသစ်နှင့် သင်ကြားနိုင်ရန်အတွက် စတင်ပြုပြင်ရေးဆွဲနေပါသည်။ MTBMLE (Mother Tongue Based Multi Logical Education) မိခင်ဘာသာစကား အခြေပြု ပညာရေးစနစ်ဖြစ် ပြုပြင်ပြောင်းလဲနိုင်ရေးနှင့် နိုင်ငံတကာ စံချိန်စံနှုန်း ကိုက်ညီနိုင်ရန်အတွက် ရည်ရွယ်ပြီး လာမည့်နှစ်မှာ အခြေခံမူလတန်းအဆင့်မှ စတင် အကောင်အထည်ဖော် နိုင်ရန်သင်ရိုးညွန်းတမ်းကို ပြုပြင်ရေးဆွဲရခြင်းဖြစ်သည်။ “ပထမဦးစားပေးက မိခင်ဘာသာစကား အခြေပြု ပညာရေးစနစ်ဖြစ် ပြောင်းလဲနိုင်အောင်ပေါ့။ လက်ရှိ သင်ကြားနေတဲ့ […]

ဆက်စပ်သတင်းများ