spot_img
Saturday, December 10, 2022
spot_img

ကန္တာရဝတီတိုင်း(မ်)သတင်းထုတ်ဝေမှု လက်မှတ် စစ်ကောင်စီရုတ်သိမ်းကြောင်း ကြေညာ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်အခြေစိုက် ကန္တာရဝတီတိုင်း(မ်)သတင်းဌာနမှ ရေးသားထုတ်ဝေလျက်ရှိတဲ့ သတင်းအကြောင်းအရာများကို ဥပဒေနဲ့အညီစည်းကမ်းချက်ကို လိုက်နာခြင်းမရှိတဲ့အတွက် ထုတ်ဝေခြင်းလုပ်ငန်း အသိအမှတ်ပြုလက်မှတ်ကို ၂၀၂၂ခုနှစ် ဩဂုတ်လ ၂၉ရက်နေ့မှစ ရုတ်သိမ်းလိုက်တယ်လို့ စစ်ကောင်စီရဲ့ကြေးမုံသတင်းစာမှ ဒီကနေ့ စက်တင်ဘာလ ၃ ရက်နေ့မှာ အသိပေးကြေညာထားပါတယ်။

စစ်ကောင်စီက ရုတ်သိမ်းကြောင်းကြေညာတဲ့ အဆိုပါ ထုတ်ဝေခွင့်လက်မှတ်ဟာ ၂၀၂၀ ခုနှစ် ဖေဖော်ဝါရီလ ကတည်းက ထုတ်ဝေခွင့် ကုန်ဆုံးသွားပြီးဖြစ်ပြီး ထပ်မံ သက်တမ်းတိုးထားခြင်းမရှိကြောင်း စာဖတ်ပရိသတ်ကို အသိပေးအပ်ပါတယ်။

 ကန္တာရဝတီတိုင်း(မ်) သတင်းဌာနဟာ ပြီးခဲ့တဲ့ ၂၀၀၄ ခုနှစ်မှာ စတင်တည်ထောင်ခဲ့ပြီး နယ်စပ်ဒေသတွေမှာ အခြေစိုက်ကာ သတင်းလုပ်ငန်းတွေကို စတင်ဆောင်ရွက်ခဲ့ပါတယ်။

 ၂၀၁၂ခုနှစ် မှာ ကရင်နီပြည်တွင်းကိုဝင်ရောက်အခြေချပြီး အရပ်သားအစိုးရ ဖြစ်တဲ့ ဦးသိန်းစိန်အစိုးရလက်ထက်မှာ ပြန်ကြားရေးဝန်ကြီးဌာနမှ ပုံနှိပ်ခြင်း၊ ထုတ်ဝေခြင်းလုပ်ငန်းအသိအမှတ်ပြုလက်မှတ်ကို လျှောက်ထားခဲ့ပါတယ်။

 ကန္တာရဝတီတိုင်း(မ်) သတင်းဌာနက လွတ်လပ်ပြီး အမှီခိုကင်းတဲ့ သတင်းဌာနတစ်ခုဖြစ်ပြီး သတင်းကျင့်ဝတ်နှင့်အညီ ကရင်နီပြည်တွင်းက ဖြစ်ပျက်နေတဲ့ သတင်းအကြောင်းအရာတွေကို ဒီကနေ့အချိန်ထိ တင်ဆင်ပေးလျက်ရှိနေပါတယ်။

ကရင်နီပြည်တွင်းမှာ  ၂၀၁၃ခုနှစ်မှ ၂၀၂၀ခုနှစ်အတွင်း ဂျာနယ်ထုတ်ဝေခဲ့ပြီးနောက် ၂၀၂၁ခုနှစ်မှစ အွန်လိုင်းပလက်ဖောင်းတစ်ခုတည်းသာ သတင်းများကို ရေးသားတင်ဆက်ခဲ့ပါတယ်။

 စစ်ကောင်စီမှ အာဏာသိမ်းပြီးနောက် ကရင်နီပြည်တွင်းက ဖြစ်ပျက်နေတဲ့သတင်းအကြောင်းအရာတွေကို စဉ်ဆက်မပြတ် ရေးသားဖော်ပြခဲ့ကြပါတယ်။

လက်ရှိမှာလည်း အွန်လိုင်းပလက်ဖောင်းမှတဆင့် ဖေ့ဘွတ်၊ ဝက်ဆိုက်၊ ယူကျူ့ တွေမှာ သတင်း၊ ရုပ်သံဗီဒီယိုတွေကို တင်ဆင်ပေးလျက်ရှိနေပါတယ်။

 အာဏာသိမ်းပြီးနောက်ပိုင်း မြန်မာပြည်တွင်းမှာ စစ်ကောင်စီမှ ကန္တာရဝတီတိုင်း(မ်)သတင်းဌာနအပါအဝင် Myanmar Now၊ DVB ၊ ခေတ်သစ်မီဒီယာ၊ Mizzima၊ 7Day ၊ ရှမ်းပြည်အခြေစိုက် တာချီလိတ်သတင်းအေဂျင်စီ၊ ကချင်ပြည်အခြေစိုက် မြစ်ကြီးနားသတင်းဂျာနယ်၊ The 74 Media တွေကို သတင်းလုပ်ငန်းလုပ်ကိုင်ခွင့် ပိတ်သိမ်းလိုက်ကြောင်း ကြေညာထားပါတယ်။

spot_imgspot_imgspot_imgspot_img

More from the blog

စစ်ရှောင်ဆေးပေးခန်းတစ်ခုမှာ ဆေးဝါးတွေမရှိတော့တဲ့အတွက် ယာယီပိတ်ထားရ

CJ ( ကန္တာရဝတီတိုင်း ( မ် )) ကရင်နီပြည် ဒီးမော့ဆိုမြိုနယ် အရှေ့ဖက်ခြမ်း စစ်ဘေးရှောင်တစ်နေရာမှာ ဖွင့်လှစ်ထားတဲ့ ကိုယ်ထူကိုယ်ထ ကျန်းမာရေးဆေးပေးခန်းတစ်ခု အလှူရှင်တွေကို မှီခိုအားကိုးနေရပြီး လက်ရှိမှာ ဆေးဝါးတွေ မရှိတော့တဲ့အတွက် ဆေးပေးခန်း ယာယီပိတ်ထားနေရတယ်လို့ သိရပါတယ်။ " ဒီဇင်ဘာလ ၈ ရက်နေ့က စတင်ပိတ်တာ...

နိုဝင်ဘာလအတွင်း စိတ်ကြွရူးသွပ်ဆေးပြား ငါးထောင်ကျော်ဖမ်းဆီးရမိ

ကန္တာရဝတီတိုင်း(မ်) နိုဝင်ဘာလအတွင်းမှာဆိုရင် ရောင်းဝယ် နေတဲ့ WY စိတ်ကြွရူးသွပ်ဆေးပြားကို ကရင်နီပြည်ရဲဌာန ( KSP ) ကနေ ဖမ်းဆီးရမိတာ‌ေတွရှိပြီး အရေအတွက် ၅၂၂၅ ပြားအထိ ဖမ်းဆီးရမိတာရှိတယ်လို့ သိရပါတယ်။ လက်ရှိကာလအတွင်းမှာ မူးယစ်ဆေးဝါးရောင်းဝယ်သုံးစွဲမှုတွေရှိနေတဲ့အပေါ် KSPအနေနဲ့ မူးယစ်ဆေးဝါးအန္တာရာယ်နဲ့ပတ်သက်ပြီး အသိပညာပေးတာတွေကို လုပ်ဆောင်နေတာတွေလည်း ရှိတယ်လို့ KSP သတင်းနဲ့...

ဆီးသူးတော်စစ်ဘေးဒုက္ခသည်စခန်းမှာ အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်

ကန္တာရဝတီတိုင်း( မ် ) ကရင်နီပြည် ဒီးမော့ဆိုမြို့နယ် အနောက်ဘက်ခြမ်းက ဆီးသူးတော်စစ်ဘေးဒုက္ခသည်စခန်းမှာ အလှူရှင်မရောက်တာ သုံးလကျော်ပြီဖြစ်တဲ့အတွက် အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်တယ်လို့ စစ်ရှောင်စခန်းကော်မတီတစ်ဦးက ပြောပါတယ်။ လူဦးရေ ၁၀၀၀ကျော်နဲ့ အိမ်ခြေ ၁၆၀ ကျော်ရှိတဲ့ အဲဒီစစ်ဘေးဒုက္ခသည်စခန်းမှာ ၆ အိမ်လောက်က စားဝတ်နေရေး ခက်ခဲတဲ့အတွက် စစ်ဘေးဒုက္ခသည်စခန်းမှာ...

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...