spot_img
Monday, March 27, 2023
spot_img

ကျောင်းရှေ့လက်နက်ကြီးကျပြီးနောက် စစ်ဘေးရှောင်စာသင်ကျောင်း နေ့တစ်ပိုင်းသာဖွင့်လှစ်နေ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည် ဒီးမော့ဆိုအနောက်ဖက်ခြမ်းမှာ သြဂုတ်လအတွင်း ကိုယ်ထူကိုယ်ထ စစ်ဘေးရှောင်ကျောင်းတစ်ကျောင်းရှေ့မှာ လက်နက်ကြီးကျခဲ့ပြီးနောက် လက်ရှိမှာတော့ မနက်နေ့တစ်ပိုင်းသာ ကျောင်းဖွင့်လှစ်တော့တယ်လို့ ကျောင်းဆရာမတစ်ဦးကပြောပါတယ်။

“ကျွန်မတို့ကဘာတွေစိုးရိမ်နေရလဲဆိုရင် အထူးသဖြင့်က လက်နက်ကြီးပေါ့နော။ ကျောင်းသာတက်နေရပေမယ့် လက်နက်ကြီးကဘယ်ချိန်ဘယ်နေရာမှာ အ့မျိုးလာမလဲဆိုတာ မသိနိုင်တဲ့အတွက်ကြောင့်ပေါ့နော။စိုးရိမ်မှုတွေအများကြီးနဲ့ကျွန်မတို့ကစာဆက်သင်နေရတယ်ပေါ့နော။ ဘာဖြစ်လို့လဲဆိုရင် ကျွန်မတို့ရဲ့ ကလေးလည်း ပညာရေးမနှောင့်နှေးစေရန်အတွက် လုံခြုံမှုမရှိပေမယ့်လည်း စိုးရမ်မှုတွေအများကြီးရှိပေမယ့်လည်း ကျွန်မတို့ကကြိုးစားပြီးတော့ ဆက်လက်သင်ကြားပေးနေတယ်ပေါ့နော” လို့ ကျောင်းဆရာမတစ်ဦးက ပြောပါတယ်။

ကျောင်းရှေ့မှာ လက်နက်ကြီးကျခဲ့ပြီးနောက် ကျောင်းအမိုးလည်းပေါက်ပြဲသွားတယ်လို့ ဆိုပါတယ်။ ကျောင်းပိတ်ရက်အတွင်းကျခဲ့တာဖြစ်လို့ လူအထိအခိုက်တော့မရှိခဲ့ဘူးလို့ သူကဆက်ပြောပါတယ်။

ကိုယ်ထူကိုယ်ထ စစ်ဘေးရှောင်စာသင်ကျောင်းမှာ တက်ရောက်ကြတဲ့ ကျောင်းသားပေါင်း (၃၀၆) ဦးရှိခဲ့ရာ လက်နက်ကြီးကျပြီးနောက်ပိုင်း (၂၂၂) ဦးသာ ကျောင်းလာတက်တော့တယ်လို့ ကျောင်းဆရာတွေထံကနေ သိရပါတယ်။

ဇူလိုင်လ နောက်ဆုံးပတ်နဲ့ သြဂုတ်လအတွင်း အဲ့ဒီစစ်ရှောင်စခန်းမှာ လက်နက်ကြီး ၇လုံးထက်မနည်းကျရောက်ခဲ့ပြီး ၁၀နှစ်အရွယ် Grade-3 ကျောင်းသားတစ်ဦးဒဏ်ရာရခဲ့သလို ၁၃နှစ်အရွယ် Grade-7 ကျောင်းသူတစ်ဦး သေဆုံးခဲ့ပါတယ်။ ဒါ့အပြင် အရပ်သားထိခိုက်သေခုံးမှုလည်းရှိခဲ့ပါတယ််။

စစ်ဘေးရှောင်စခန်းအပြင် ကျေးရွာအတွင်း စစ်ကောင်စီက ပစ်ခတ်လိုက်တဲ့ လက်နက်ကြီးကျရောက်မှုကြောင့် အရပ်သားထိခိုက်ဒဏ်ရာရရှိမှုက ဩဂုတ်လအတွင်း ၁၀ဦးထက်မနည်းရှိခဲ့တယ်လို့ ကရင်နီလူ့အခွင့်အရေးအဖွဲ့စာရင်းအရ သိရပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို စစ်ကောင်စီတပ်မှ လက်နက်ကြီးတွေ အမြောက်အများ ပစ်ခတ်နေ

ကန္တာရဝတီ တိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းကို ဒီးမော့ဆို အခြေစိုက် ခလရ ၁၀၂ တပ်မှ (၁)မိနစ် (၁) လုံးနုန်းနဲ့ လက်နက်ကြီးတွေ အမြောက်အများ ပစ်ခတ်နေတယ်လို့ သိရပါတယ်။ ယနေ့ ( မတ်လ ၂၆ ) ရက်နေ့ မနက် ၉ နာရီလောက်ကစပြီး...

စစ်ရှောင်ပြည်သူတွေကို ရိက္ခာဝေမယ်လို့ပြောဆိုပြီး ဓါတ်ပုံရိုက်ပြီးနောက် ဝေထားတဲ့ရိက္ခာတွေကို ပြန်သိမ်းယူသွား

ကန္တာရဝတီတိုင်း(မ်) လွိုင်ကော်မြို့ နမ့်ဘော်ဝမ် ရပ်ကွက်အတွင်းရှိ စစ်ဘေးရှောင်ပြည်သူတွေကို စစ်ကောင်စီ က ရိက္ခာဝေပေးမယ်လို့ပြောဆိုကာ ဒီကနေ့ (မတ်လ ၂၅ ရက်နေ့ ) မှာ စုရုံးခေါ်ဆောင်ပြီး ဓါတ်ပုံမှတ်တမ်းရယူခဲ့ပေမဲ့ ဝေငှထားတဲ့ ရိက္ခာထုပ်တွေကို ပြန်လည်တောင်းယူခဲ့တယ်လို့ စစ်ရှောင်တွေဆီကနေ သိရပါတယ်။ နမ့်ဘော်ဝမ်ရပ်ကွက်အတွင်းမှာ ရှိတဲ့ဘုရားကျောင်းမှာ စစ်ဘေးရှောင်တွေကို ခေါ်ယူစုရုံးပြီး ကုလားပဲထုပ်...

ဒီးမော့ဆိုအနောက်ဘက်ခြမ်းမှာ လက်နက်ကြီးကျပြီး ဒေသခံထိခိုက်မှုရှိခဲ့၊ ဖရဲသီးစိုက်ခင်းလည်းပျက်စီး

ကန္တာရဝတီတိုင်း( မ် ) ယမန်နေ့ မတ်လ ၂၄ရက်နေ့ မနက် ၁၀နာရီကျော်အချိန်မှာ ကရင်နီပြည် ဒီးမော့ဆိုမြို့နယ်အနောက်ဘက်ခြမ်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့တဲ့အတွက် ဒေသခံတချို့ ထိခိုက်ခဲ့သလို ဖရဲသီးစိုက်ခင်းလည်း ပျက်စီးခဲ့တယ်လို့ ဒီးမော့ဆိုအနောက်ဘက်ခြမ်းမှာ နေထိုင်သူတစ်ဦးက ပြောပါတယ်။ "အိမ်ကတော့ လူနေအိမ်ပဲ မိန်းက‌လေးထိတယ်ပြောတယ်။ မိန်းကလေးနှစ်ယောက်။ ဒီကျတာက ဖရဲသီးခြံစိုက်ခင်းထဲမှာက...

ဒီမော့ဆို အရှေ့ဘက်ခြမ်းမှ ဆွေမျိုးများထံ ယာယီ ပြောင်းရွေ့လာတဲ့ စစ်ရှောင်ကလေးအချို့ ဝမ်းပျက်ဝမ်းလျောဖြစ်နေ

CJ (ကန္တာရဝတီတိုင်း(မ်)) ကရင်နီပြည် ဒီမော့ဆိုမြို့နယ် အရှေ့ဘက်ခြမ်းမှာ မတ်လ ၁၀ ရက်နေ့ ကတည်းက ဖြစ်ပွားတဲ့ တိုက်ပွဲတွေကြောင့် အနောက်ဘက်ခြမ်းက ဆွေမျိုးတွေဆီကို ယာယီ ပြောင်းရွေ့လာတဲ့ စစ်ရှောင်တွေအထဲက ကလေးတွေဟာ ဝမ်းပျက်ဝမ်းလျောဖြစ်နေတယ်လို့ စစ်ရှောင်အမျိုးသမီးတစ်ဦးက ပြောပါတယ်။ "အကြောင်းရင်းက ဘာလဲ မသိဘူး၊ ရေရှားတဲ့ နေရာလဲ မဟုတ်ဘူး၊...