Tuesday, January 18, 2022

“ကြေးရုပ်ကိစ္စနဲ့ လူငယ်ကိစ္စဆွေးနွေးတဲ့နေရာမှာ အားရကျေနပ်မှုသိပ်မရှိဘူးလို့ဘဲ ကျနော်တို့မှတ်ချက်ပြုလိုပါတယ်”

Must read

ကန္တာရဝတီတိုင်း(မ်) ရဲ့ လစဉ် စကားဝိုင်းအစီအစဉ်

https://youtu.be/jSn7JhCNQfc ကရင်နီပြည်နယ်ရဲ့ လူဦးရေ ထက်ဝက်ကျော်ဟာ စစ်ဘေးရှောင်သူများ ဖြစ်လာပါတယ်။ အဲ့ဒီထဲမှာမှ ထပ်ဆင့်ပြေးလွှားတိမ်းရှောင်ရတဲ့ စစ်ဘေးရှောင်တွေလည်း ရှိလာနေပါတယ်။ စစ်ကောင်စီတပ်မှ လေကြောင်းအသုံးပြုပြီး နေ့စဉ်တိုက်ခိုက်လာတဲ့အတွက် စစ်ဘေးရှောင်တွေအတွက် Safe Zone သတ်မှတ်ဖို့...

၂၀၂၂ ဇန်နဝါရီလ ၁၈ ရက် Kantarawaddy Times နေ့စဥ် Online ရေဒီယို အစီအစဥ်

https://soundcloud.com/kantarawaddy-times/kantarawaddy-times-419717568?si=fdfee6b9e2db4090b59c5e105f4ce92a&utm_source=clipboard&utm_medium=text&utm_campaign=social_sharing ဒီနေ့ ၂၀၂၂ခုနှစ်၊ ဇန်နန်ဝါရီလ ၁၈ ရက်နေ့ KT FM ရဲ့ အင်္ဂါနေ့ မနက်ပိုင်း ထုတ်လွင့်မယ့် အစီအစဉ်များမှာ ဗုံးကြဲတိုက်ခိုက်ခံရပြီးနောက် စစ်ရှောင်ပြည်သူများ...

လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာများကို တောင်ကြီးကိုရွေ့ပြောင်း

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့ရှိ ကုတင်(၅၀၀)ဆန့် လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာတွေ ဇန်နဝါရီလ ၁၅ ရက်နေ့မှာ တောင်ကြီးမြို့ကို ရွေ့ပြောင်းသွားတယ်လို့ လွိုင်ကော်မြို့ဒေသခံဆီကနေ သိရပါတယ်။ “တောင်ကြီးကို ပြောင်းချင်တဲ့သူက...

လွိုင်ကော်တိုက်ပွဲအတွင်း ပြည်သူတစ်ဦး လက်နက်ကြီးထိမှန်

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့အတွင်းမှ ဖြစ်ပွားခဲ့တဲ့တိုက်ပွဲကြောင့် ဒေါတမရပ်ကွက်နေ ဒေသခံပြည်သူတစ်ဦး လက်နက်ကြီးထိမှန်ပြီး ထိခိုက်ဒဏ်ရာ ရရှိခဲ့တယ်လို့ ဒေသခံတွေဆီကနေ သိရပါတယ်။ “ တစ်ယောက်ထိထားတယ်။ ဝင်ခေါ်လို့လည်း မဖြစ်နိုင်သေးဘူး။ ဆေးရုံပို့ဖို့လည်း...
နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်နဲ့ အဖွဲ့ဝင် ၆ ဦးပါဝင်တဲ့ ကရင်နီလူငယ်အင်အားစုတို့တွေ့ဆုံစဉ် မြင်ကွင်းတခု

ကန္တာရဝတီတိုင်း(မ်)

ဒီနေ့မှာကျရောက်တဲ့ ၆၈ နှစ်မြောက် ကယားပြည်နယ်နေ့ကို တက်ရောက်လာတဲ့ နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်နဲ့ အဖွဲ့ဝင် ၆ ဦးပါဝင်တဲ့ ကရင်နီလူငယ်အင်အားစုတို့ဟာ မွန်းလွဲပိုင်းအချိန်မှာ ကယားပြည်နယ် အစိုးရ ဧည့်ရိပ်သာမှာ တွေ့ဆုံခဲ့ကြပါတယ်။
ဒီတွေ့ဆုံဆွေးနွေးပွဲမှာ ကရင်နီလူငယ်အင်အားစုဘက်က အချက် (၃) ချက်ကို အဓိကထားဆွေးနွေးခဲ့ကြတယ်လို့သိရပါတယ်။ ဒီကိစ္စနဲ့ပတ်သက်ပြီး တွေ့ဆုံပွဲကိုတက်ရောက်ခဲ့သည့် ကရင်နီလူငယ်တစ်ဦးဖြစ်သူ ခူးပါစကွားလယ် (ခ) မျိုးလှိုင်ဝင်းကို ကန္တာရဝတီထိုင်းမ်က မေးမြန်းထားပါတယ်။

ကန္တာရဝတီတိုင်း(မ်) – ဒီနေ့နိုင်ငံတော်အတိုင်ပင်ခံ ဒေါ်အောင်ဆန်းစုကြည်နဲ့တွေ့ဆုံပွဲမှာ ဘယ်သူတွေပါဝင်သေးလဲ။
မျိုးလှိုင်ဝင်း – ကျနော်တို့ကရင်နီလူငယ်အင်အားစုဘက်က (၆) ယောက်နဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်ရယ်၊ ပြည်ထောင်စုဝန်ကြီးတွေရယ်၊ ပြည်နယ်ဝန်ကြီးချုပ်နဲ့ ဌာနဆိုင်ရာက လူတွေ ပါပါတယ်။

ကန္တာရဝတီတိုင်း(မ်) – ဒီတွေ့ဆုံပွဲမှာ ကရင်နီလူငယ်အင်အားစုဘက်က ဘယ်အကြောင်းအရာကို အဓိက ဆွေးနွေးခဲ့ကြလဲ။
မျိုးလှိုင်ဝင်း – အဓိကတော့ အချက်သုံးချက်ကိုဆွေးနွေးပါတယ်။ ပထမအချက်က တပ်မတော်ကမြေသိမ်းတဲ့ကိစ္စရယ်၊ တောင်သူတွေတရားစွဲဆိုခံနေရတဲ့ကိစ္စဆွေးနွေးတယ်၊ ဒုတိယအချက်က ဗိုလ်ချုပ်ကြေးရုပ်ကိစ္စပေါ့၊ တတိယအချက်ကတော့ ကျနော်တို့ကရင်နီလူငယ်တွေရဲ့လိုက်အပ်ချက်နဲ့ပတ်သက်ပြီး အချက် (၆) ချက်ကို ဆွေးနွေးခဲ့တာပေါ့နော်။

ကန္တာရဝတီတိုင်း(မ်) – ဟုတ်ကဲ့။ ဆိုတော့ ပထမအချက်ဖြစ်တဲ့ တောင်သူကိစ္စဆွေးနွေးမှုက အခြေအနေဘယ်လိုရှိလဲ။ အားရကျေနပ်မှုရောရှိလား၊ လက်ရှိအချိန်တောင်သူ ၄၁ ယောက်ကို တပ်မတော်ကတရားစွဲဆိုထားတယ်ဆိုတော့လေ။
မျိုးလှိုင်ဝင်း – တောင်သူတရားစွဲဆိုခံရတဲ့ကိစ္စကတော့ အားရကျေနပ်မှုရှိပါတယ်။ နိုင်ငံတော်အတိုင်ပင်ခံက ဒီကိစ္စကို ပြည်ထောင်စုစိုက်ပျိုးရေးဝန်ကြီးဒေါက်တာအောင်သူကို တာဝန်လွဲပေးပြီး၊ ပြည်ထောင်စုရှေ့နေချုပ်နဲ့တိုင်ပင်ခိုင်းတယ်၊ နောက်ပြီးတော့ တပ်မတော်ကာကွယ်ရေးဦးစီးချုပ်ဌာနနဲ့ညှိနှိုင်းပြီး ဖြေရှင်းဖို့အတွက် မြန်မြန်ဆန်ဆန်လုပ်ပေးဖို့တာဝန်ပေးလိုက်တဲ့အတွက် အလားအလာကောင်းတယ်လို့ကျနော်တို့ဘက်ကမြင်ပါတယ်။

ကန္တာရဝတီတိုင်း(မ်) – ဒုတိယအချက်ဖြစ်တဲ့ ဗိုလ်ချုပ်ကြေးရုပ်ကိစ္စဆွေးနွေးမှုက အခြေနေဘယ်လိုရှိလဲ။
မျိုးလှိုင်ဝင်း – ဗိုလ်ချုပ်ကြေးရုပ်ကိစ္စကတော့ နိုင်ငံတော်အတိုင်ပင်ခံက သူ့ရဲ့ဖခင်လည်းဖြစ်၊ မိသားစုဝင်လည်းဖြစ်တဲ့အတွက် သူကိုယ်တိုင်ဝင်ရောက်ဖြေရှင်းဖို့အခက်အခဲဖြစ်တယ်၊ မဖြေရှင်းလိုဘူးဆိုတဲ့ဟာပြောခဲ့တယ်၊ ပြည်ထောင်စုဝန်ကြီးနဲ့ကရင်နီလူငယ်အင်အားစုတွေတိုင်ပင်ပြီး ညှိနှိုင်းကြဖို့ညွန်ကြားခဲ့တယ်ပေါ့၊ ဆိုတော့ကြေးရုပ်ကိစ္စက အဲ့လောက်နဲ့ဘဲပြတ်သွားတယ်။

ကန္တာရဝတီတိုင်း(မ်) – ဆိုတော့… ကရင်နီလူငယ်တွေအနေနဲ့ပြည်ထောင်စုဝန်ကြီးနဲ့တွေ့ဆုံပြီး ကြေးရုပ်ကိစ္စကို ဘယ်အချိန်မှာညှိနှိုင်းသွားဖို့ရှိလဲ။
မျိုးလှိုင်ဝင်း – ပြည်ထောင်စုဝန်ကြီးနဲ့ဘယ်လ၊ ဘယ်ရက်မှာတွေ့မယ်ဆိုတာကတော့ ကျနော်တို့ မသတ်မှတ်ရသေးပါဘူး။

ကန္တာရဝတီတိုင်း(မ်) – ဟုတ်ကဲ့ … တတိယအချက်ဖြစ်တဲ့ ကရင်နီလူငယ်အင်အားစုတွေရဲ့လိုအပ်ချက် (၆) ချက်ကို ဆွေးနွေးခဲ့တယ်ဆိုတော့ အဲ့ဒီလိုအပ်ချက်တွေက ဘာတွေလဲ၊ ဆွေးနွေးရတာရော ပြေလည်မှုရခဲ့ကြလား။
မျိုးလှိုင်ဝင်း – ကရင်နီပြည်လူငယ်အင်အားစုရဲ့အသံ (၆) ချက်က ကယားပြည်နယ်မှာ လူငယ်တွေအားလုံးစုစည်းနိုင်ဖို့ Youth Centre ( လူငယ်စင်တာ) တစ်ခုထားပေးဖို့၊ နောက်ပြီး မျိုးနွယ်စုလူငယ်တွေပေါ့နော်၊ ကယား၊ ကယန်း၊ ကယောစတဲ့လူငယ်တွေကို ပြည်နယ်အစိုးရက ငွေရေးကြေးရေးအရ တတ်နိုင်သလောက်ပံ့ပိုးပေးဖို့၊ နောက်တစ်ခုက ပြည်နယ်တွေမှာ အလုပ်အကိုင် အခွင့်အလမ်းဖန်တီးပေးဖို့လိုတယ်ဆိုတဲ့ဟာ၊ နောက်ပြီးပြည်နယ်အစိုးရက ထုတ်ပြန်ထားတဲ့ ဒေသန္တရအမိန့် ပုဒ်မ ၁၈၈ ကိုပြန်ရုတ်သိမ်းပေးဖို့၊ နောက်တစ်ခုက Youth Policy ( လူငယ်မူဝါဒရေးရာ) နဲ့ပတ်သက်ပြီး ပြန်လည်သုံးသပ်ပေးဖို့၊ အရင်က NLD လူငယ်နဲ့ပရဟိတတွေဘဲပေါင်းပြီးလုပ်သွားတဲ့ဟာ … အဲ့ဒါတွေကို အဓိက တင်ပြဆွေးနွေးခဲ့တယ်။

ကန္တာရဝတီတိုင်း(မ်) – အဲ့ဒီ အချက် ၆ ချက်ဆွေးနွေးလိုက်တဲ့အပေါ် တုန့်ပြန်မှုအခြေအနေကဘယ်လိုရှိလဲ။
မျိုးလှိုင်ဝင်း – တုန့်ပြန်မှုအခြေအနေက သူတို့ကတော့ အစိုးရဌာနတွေကနေပြီး ဒီကိစ္စကို တတ်နိုင်သလောက်အမြန်ဆုံး ကူညီဖြေရှင်းပေးမယ်ပေါ့၊ လုပ်နိုင်သလောက်လုပ်သွားပေးကြမယ်ဆိုပြီးတော့ဘဲ အဆုံးသတ်လိုက်တယ်။

ကန္တာရဝတီတိုင်း(မ်) – ပြည်နယ်အစိုးရဘက်က ဒီတွေ့ဆုံပွဲမှာ ဝင်ရောက်ဆွေးနွေးတာမျိုးရှိလား
မျိုးလှိုင်ဝင်း – ဆွေးနွေးတာမရှိပါဘူး၊ ကျနော်တို့နဲ့နိုင်ငံတော်အတိုင်ပင်ခံကဘဲ အဓိကဆွေးနွေးကြတာပါ၊ ပြည်နယ်အစိုးရက ဝင်မဆွေးနွေးဘူး။

ကန္တာရဝတီတိုင်း(မ်) – ဟုတ်ကဲ့၊ ဆိုတော့၊ ဒီနေ့တွေ့ဆုံပွဲနဲ့ပတ်သက်ပြီး ကရင်နီလူငယ်အင်းအားစုအနေနဲ့အားရကျေနပ်မှုရှိလား၊ ဆွေးနွေးမှုတွေအပေါ် ဘယ်လိုမျိုးသုံးသပ်လဲ။
မျိုးလှိုင်ဝင်း – တောင်သူကိစ္စနဲ့ပတ်သက်ပြီး တစ်စုံတရာ အားရကျေနပ်မှုရှိတယ်လို့ကျနော်တို့မှတ်ယူတယ်၊ ကြေးရုပ်ကိစ္စနဲ့ လူငယ်ကိစ္စဆွေးနွေးတဲ့နေရာမှာ အားရကျေနပ်မှုသိပ်မရှိဘူးလို့ဘဲ ကျနော်တို့မှတ်ချက်ပြုလိုပါတယ်။

- Advertisement -
- Advertisement -

Latest article

ကန္တာရဝတီတိုင်း(မ်) ရဲ့ လစဉ် စကားဝိုင်းအစီအစဉ်

https://youtu.be/jSn7JhCNQfc ကရင်နီပြည်နယ်ရဲ့ လူဦးရေ ထက်ဝက်ကျော်ဟာ စစ်ဘေးရှောင်သူများ ဖြစ်လာပါတယ်။ အဲ့ဒီထဲမှာမှ ထပ်ဆင့်ပြေးလွှားတိမ်းရှောင်ရတဲ့ စစ်ဘေးရှောင်တွေလည်း ရှိလာနေပါတယ်။ စစ်ကောင်စီတပ်မှ လေကြောင်းအသုံးပြုပြီး နေ့စဉ်တိုက်ခိုက်လာတဲ့အတွက် စစ်ဘေးရှောင်တွေအတွက် Safe Zone သတ်မှတ်ဖို့...

၂၀၂၂ ဇန်နဝါရီလ ၁၈ ရက် Kantarawaddy Times နေ့စဥ် Online ရေဒီယို အစီအစဥ်

https://soundcloud.com/kantarawaddy-times/kantarawaddy-times-419717568?si=fdfee6b9e2db4090b59c5e105f4ce92a&utm_source=clipboard&utm_medium=text&utm_campaign=social_sharing ဒီနေ့ ၂၀၂၂ခုနှစ်၊ ဇန်နန်ဝါရီလ ၁၈ ရက်နေ့ KT FM ရဲ့ အင်္ဂါနေ့ မနက်ပိုင်း ထုတ်လွင့်မယ့် အစီအစဉ်များမှာ ဗုံးကြဲတိုက်ခိုက်ခံရပြီးနောက် စစ်ရှောင်ပြည်သူများ...

လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာများကို တောင်ကြီးကိုရွေ့ပြောင်း

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့ရှိ ကုတင်(၅၀၀)ဆန့် လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာတွေ ဇန်နဝါရီလ ၁၅ ရက်နေ့မှာ တောင်ကြီးမြို့ကို ရွေ့ပြောင်းသွားတယ်လို့ လွိုင်ကော်မြို့ဒေသခံဆီကနေ သိရပါတယ်။ “တောင်ကြီးကို ပြောင်းချင်တဲ့သူက...

လွိုင်ကော်တိုက်ပွဲအတွင်း ပြည်သူတစ်ဦး လက်နက်ကြီးထိမှန်

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့အတွင်းမှ ဖြစ်ပွားခဲ့တဲ့တိုက်ပွဲကြောင့် ဒေါတမရပ်ကွက်နေ ဒေသခံပြည်သူတစ်ဦး လက်နက်ကြီးထိမှန်ပြီး ထိခိုက်ဒဏ်ရာ ရရှိခဲ့တယ်လို့ ဒေသခံတွေဆီကနေ သိရပါတယ်။ “ တစ်ယောက်ထိထားတယ်။ ဝင်ခေါ်လို့လည်း မဖြစ်နိုင်သေးဘူး။ ဆေးရုံပို့ဖို့လည်း...

ကရင်နီပြည်နယ်မှာ စစ်ရှောင်ပြည်သူတွေအတွက် လုံခြုံတဲ့ စစ်မဲ့ဇုံ သတ်မှတ်ဖို့လိုအပ်နေ

ကန္တာရဝတီတိုင်း(မ်) စစ်ကောင်စီတပ်က တိုက်လေယာဉ်တွေ ရဟတ်ယာဉ်တွေနဲ့ လက်နက်ကြီးတွေ ထိုးစစ်ဆင်ခံနေရတဲ့ ကရင်နီပြည်သူလူထုတွေရဲ့ ဘဝ လုံခြုံတဲ့ စစ်မဲ့ဇုံ Safe Zone သတ်မှတ်ဖို့ အရေးတကြီးလိုအပ်နေပြီဖြစ် တယ်လို့ ကရင်နီပြည်နယ်အတိုင်ပင်ခံကောင်စီ(KSCC) ပြောခွင့်ရပုဂ္ဂိုလ် ဦးအောင်ဆန်းမြင့် က...