spot_img
Monday, November 28, 2022
spot_img

ခြေတစ်ဖက်ဆုံးရှုံးသွားပေမယ့် ကျန်တဖက်နဲ့ အာဏာရှင်ကို ဆက်ပြီး တော်လှန်သွားချင်တဲ့ ခူးရယ်

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ်မှာတော့ ပြီးခဲ့တဲ့ မေလ ၂၁ ရက်နေ့ကစပြီး တိုက်ပွဲဖြစ်ပွားလာခဲ့တာ ယနေ့အချိန်ထိပါပဲ။ တိုက်ပွဲအတွင်း ကျဆုံးသူတွေ၊ ထိခိုက်ဒဏ်ရာရသူတွေ အများအပြားရှိလာခဲ့ပါတယ်။ ထိခိုက်ဒဏ်ရာ ရရှိသူတွေထဲမှာ ခြေတစ်ဖက် ဆုံးရှုံးသွားရတဲ့ KNDF တပ်ရင်း (၆) မှ ခူးရယ်( နာမည်လွဲ) လည်း ပါဝင်ပါတယ်။

ခူးရယ်ဟာ တိုက်ပွဲတွေ ပြင်းထန်စွာ ဖြစ်ပွားခဲ့တဲ့ ဒီးမော့ဆိုမြို့နယ် ကုန်းသာကျေးရွာထဲ စက်တင်ဘာလ ၂၈ ရက်နေ့မှာ ကင်းလှည့်ရင်းနဲ့ မိုင်းနင်းမိပြီး ညာခြေတစ်ဖက် ဆုံးရှုံးလိုက်ရပါတယ်။ ခြေထောက် မဆုံးရှုံးခင်မှာ သူဟာ ရှေ့တန်းမှာ တာဝန်ထမ်းဆောင်နေတဲ့ ရဲဘော်တစ်ဦး ဖြစ်ပါတယ်။

ခူးရယ်ကတော့ KNDF စတင်ဖွဲ့စည်းတဲ့ အချိန်မှာပဲ ဝင်ရောက်ခဲ့ပြီး ငြိမ်းချမ်းစွာဆန္ဒဖော်ထုတ်ချိန်မှာ ပြည်သူတွေကို လက်နက်နဲ့ ပြန်လည်ခုခံခဲ့တဲ့အတွက် အာဏာရှင်တော်လှန်ဖို့ ရဲဘော်လုပ်ခဲ့တာဖြစ်တယ်လို့ ဆိုပါတယ်။

ကျောက်ဆည်ကန်တိုက်ပွဲ၊ ဒီးမော့ဆို ကုန်းသာတိုက်ပွဲ၊ ခြောက်မိုင် ဒေါပိုးစီတိုက်ပွဲ စုစုပေါင်း တိုက်ပွဲ ၃ကြိမ် သွားခဲ့ဖူးပြီး လက်ရှိမှာတော့ ခြေတစ်ဖက် ဆုံးရှုံးလိုက်ရပေမယ့် စိတ်ဓာတ်မကျပဲ ရှိတဲ့ မောင်းပြန်တစ်လက်နဲ့ တိုက်ပွဲပြန်ဝင်ချင်တဲ့ ရဲဘော် ဖြစ်ပါတယ်။

ပြည်သူတွေအနေနဲ့လည်း ကိုယ်တတ်နိုင်တဲ့ ဖက်ကနေ ပါဝင်ပေးကြဖို့ တိုက်တွန်းထားပါတယ်။
လက်ရှိ ရဲဘော်ခူးရယ်ရဲ့ အဖြစ်ချင်ဆုံး ဆန္ဒကတော့ “ဒီအရေးတော်ပုံ အမြန်ဆုံးအောင်ဖို့ပဲပေါ့။”

spot_imgspot_imgspot_imgspot_img

More from the blog

စစ်ရှောင်မိသားစုတစ်ခုရဲ့ မနက်စာ

မနက် ၅နာရီခွဲအချိန်မှာ စစ်ရှောင် အိမ်ရဲ့ မီးဖိုချောင်ထဲ ဒေါ်ဂျူးလိယက်ဟာ မိသားစု မနက်စာအတွက် စတင်ချက်ပြုတ်နေတာဖြစ်ပါတယ်။ ဒေါ်ဂျူးလိယက်ကတော့ မနက်စာအတွက် တခြားသူတွေ မျှဝေထားတဲ့ ကျောက်ဖရုံသီးကို ချက်ပြီး သိမ်းထားတဲ့ မုန်ညင်းချဉ်ခြောက်ကို အထောင်းလုပ်ပြီး မနက်စာအတွက် ပြင်ဆင်နေတာဖြစ်ပါတယ်။ သူတို့ဟာ ဒီးမော့ဆိုအနောက်ဖက်ခြမ်း စစ်ရှောင်စခန်း တစ်နေရာမှာ မိသားစု ၅ယောက်နေထိုင်ကြတာဖြစ်ပါတယ်။ စစ်ရှောင်တွေဟာ...

ကယန်းနှစ်သစ်ကူးပွဲကို ကြိုဆိုတဲ့အနေနဲ့ ကျေးရွာတချို့မှာ စစ်ရှောင်တွေနဲ့အတူ ပြိုင်ပွဲတွေ ကျင်းပပြုလုပ်

ကန္တာရဝတီတိုင်း( မ် ) နိုဝင်ဘာလ ( ၂၃ ) ရက်နေ့မှာ ကျရောက်မယ့် ၂၇၆၂ခုနှစ် ကယန်းနှစ်သစ်ကူးနေ့ အကြိုပွဲအနေနဲ့ ကျေးရွာဒေသတချို့မှာ ဆိုရင် စစ်ရှောင်တွေနဲ့အတူ ပြိုင်ပွဲတွေ ကျင်းပ ပြုလုပ်ခဲ့ကြပါတယ်။ ဖယ်ခုံမြို့ ကိုယ်ထူကိုယ်ထကျောင်းတစ်ကျောင်းမှာ ကလေးငယ်တွေအတွက် ပန်းချီ၊ ကဗျာ၊ စာစီစာကုံး၊ စာဖတ်ပြိုင်ပွဲ နဲ့...

စစ်ကောင်စီရွေးကောက်ပွဲလုပ်ဖို့ ပြင်ဆင်နေတဲ့အပေါ် ကရင်နီလူထုတွေရဲ့ ပြောဆိုချက်

လာမယ့် ၂၀၂၃ခုနှစ်မှာဆိုရင် အာဏာသိမ်းစစ်ကောင်စီကနေ ရွေးကောက်ပွဲ လုပ်ဖို့အတွက် ပြင်ဆင်နေတဲ့အပေါ်မှာ ကရင်နီပြည်တွင်း ပြည်သူလူထုတချို့ရဲ့ သဘောထားအမြင်ဘယ်လိုရှိနေလဲ ဆိုတာနဲ့ ပတ်သက်ပြီး မေးမြန်းထားတာဖြစ်ပါတယ်။ CDM ပညာရေးဝန်ထမ်းတစ်ဦး “ ကျမသဘောထားနဲ့ အမြင်ကတော့ပေါ့နော သူတို့ကို ယုံကြည်မှုမရှိနိုင်သေးဘူး။ ဘာလို့လည်းဆိုရင် ၂၀၂၀ ရွေးကောက်ပွဲတုန်းကတောင်မှ ပွင့်လင်းမြင်သာမှုရှိအောင်နဲ့ လူတိုင်းလက်ခံနိုင်အောင် လုပ်ထားခဲ့တဲ့ ရွေးကောက်ပွဲတောင်...

စစ်ရှောင်စခန်း (၆)ခု စုပေါင်းပြီး ပြုလုပ်ခဲ့ကြတဲ့ ကမ္ဘာကလေး များနေ့ အခမ်းအနား

ကန္တာရဝတီတိုင်း(မ်) ဒီးမော့ဆို အနောက်ဖက်ခြမ်းစစ်ရှောင်စခန်း (၆)ခု စုပေါင်းကြပြီး နိုဝင်ဘာလ ၂၀ရက်နေ့မှာ ကျရောက်မယ့် ကမ္ဘာ့ကလေးသူငယ်များနေ့ အခမ်းအနားကို စုပေါင်းပြီး ကျင်းပခဲ့ကြပါတယ်။ အခမ်းအနားကို ကလေးသူငယ်တွေ၊ မိဘတွေ ပါဝင်တက်ရောက်ခဲ့ကြပါတယ်။ အခုလို ကျင်းပပြုလုပ်ခြင်းကတော့ ကလေးသူငယ်တွေရဲ့ အခွင့်အရေးတွေကို လျစ်လျူမရှုဖို့အတွက် မိဘနဲ့ အစိုးရတွေကို အသိပေးတာလည်း ဖြစ်သလို ပြန်ပြီးတော့...