ငြိမ်းချမ်းရေးနဲ့ပတ်သက်တဲ့ လူထုအသံတွေကို ပြည်နယ်လွှတ်တော်ကို တင်ပြရာမှာ အားရမှုမရှိ

စိုးထိုက်အောင်

၂၀၁၉ ခုနှစ်အတွင်းမှာ မြို့နယ်အဆင့် ၄ နေရာနှင့် ပြည်နယ်အဆင့် ၁ နေရာ ငြိမ်းချမ်းရေးနဲ့ပတ်သက်ပြီး ဆွေးနွေးပွဲတွေကျင်းပပြုလုပ်ခဲ့ကြပါတယ်။ အဲ့ဒီပွဲတွေက ရလာတဲ့ လူထုအသံတွေကို သက်ဆိုင်ရာ ပြည်နယ်လွှတ်တော်ကို သွားရောက်တင်ပြခဲ့ကြပေမဲ့ ရလဒ်မကောင်းဘူးလို့ ကယန်းမျိုးဆက်သစ်လူငယ် အတွင်းရေးမှူး မူကက်သရင်းကပြောပါတယ်။

ကယန်းမျိုးဆက်သစ်လူငယ် KNGY၊ ကရင်နီပြည်တောင်သူလယ်သမားသမဂ္ဂနှင့် လွှတ်တော်ကိိုယ်စာလှယ်များလွှတ်တော်ရုံးတွင် တွေ့ဆုံခဲ့ကြစဉ် (ဓါတ်ပုံ – KNGY)

“လွှတ်တော်က တစ်ချို့အရာတွေကို အကောင်ထည်ဖော်ရင်ရနိုင်တယ် လို့တော့ပြောတယ် ဒါပေမဲ့အာမခံချက်ရှိတဲ့အချက်တွေတော့ တစ်ချက်မှမပါခဲ့ဘူး။ ဒီအရာတွေက ကျတော်တို့လုပ်နိုင်တယ် ဆိုတာမျိုးတော့မရှိဘူး။” လို့ မူကက်သရင်းက ပြောပါတယ်။

ငြိမ်းချမ်းရေး အတွက် လူထုတွေရဲ့ လိုလားတောင်းဆိုချက် တွေကို လွှတ်တော်ကတဆင့် အစိုးရဆီကိုရောက်ရှိသွားပြီးအကောင်ထည်ဖော်ဆောင်ရွက်စေလိုတာဖြစ်ပါတယ်။

ငြိမ်းချမ်းရေးဖြစ်စဉ်မှာလူထုအသံတွေသိဖို့ ၂၀၁၉ ဒီဇင်ဘာလ၂၀ ရက်နေ့က ကယန်းမျိုးဆက်သစ်လူငယ်(KNGY)နှင့် ကရင်နီပြည်တောင်သူလယ်သားသမဂ္ဂ(KSFU)တို့က လွှတ်တော်ရုံးမှာ တွေ့ဆုံဆွေးနွေးမှုတွေပြုလုပ်ခဲ့ကြပါတယ်။

“ဆွေးနွေးပွဲ ရလဒ်က ထင်ထားသလိုတော့ ဖြစ်မလာဘူးပေါ့နော်။ ကျမတို့ထင်တာကတော့ သူတို့ကလဲ တစ်စုံတရာ အစိုးရကို ပြန်ပြောနိုင်လိမ့်မယ်လို့ထင်ပါတယ်။” လို့ မူကက်သရင်းကပြောပါတယ်။

ငြိမ်းချမ်းရေးနဲ့ပတ်သက်တဲ့ လူထုဆွေးနွေးပွဲတွေကနေ ရလာတဲ့ မြေယာနှင့်ပတ်ဝန်းကျင်အရေး၊ လူငယ်နှင့်ငြိမ်းချမ်းရေး၊ နိုင်ငံရေးနဲ့ဒေသန္တရအုပ်ချုပ်ရေး၊ လူမှုရေးနှင့်ပညာရေး၊ ဌာနေတိုင်းရင်းသားအခွင့်အရေး၊ တောင်သူအရေးနဲ့ စီးပွားရေး၊ အလုပ်အကိုင်အခွင့်အလမ်းစတာတွေကို လွှတ်တော်ကိုယ်စားလှယ်တွေဆီကို တင်ပြဆွေးနွေးခဲ့ကြတာဖြစ်ပါတယ်။

“ကျမတို့ရဲ့သဘောထားကတော့ ငြိမ်းချမ်းရေးတည်ဆောက်ပြီဆိုရင် လူထုတွေရဲ့အသံကို နားထောင်စေချင်တယ်။ လူထုတွေရဲ့ အသံတွေ၊ အကြံပြုချက်တွေကို ယူပြီးတော့မှ ငြိမ်းချမ်းရေရးတည်ဆောက်စေချင်တယ်။” လို့ မူကက်သရင်းက ဆက်ပြောပါတယ်။

ပြည်နယ်အတွင်းလက်ရှိ စစ်တပ်ကနေ တောင်သူတွေအပေါ် တရားစွဲထားတဲ့ကိစ္စကိုလည်း ပြည်နယ်လွှတ်တော်ကနေ တောင်သူတွေတရားမျှတရဖို့အတွက် အသံထွက်ပေးဖို့တောင်းဆိုခဲ့ကြပေမယ့်လည်း အားရကျေနပ်မှုမရှိခဲ့ကြပါလို့ ကရင်နီပြည်တောင်သူလယ်သမား သမဂ္ဂ ဥက္ကဌကိုတူရယ်ကပြောပါတယ်။

“လွှတ်တော်ကိုယ်စလှယ်တွေအနေနဲ့ကတော့ လွှတ်တော်ပိုင်းဆိုင်ရာအနေနဲ့သူတို့က ဒီတောင်သူတွေရဲ့အရေးကိစ္စကို ဒီပြည်နယ်အဆင့်မှာတောင်ရွက်ပေးနိုင်တဲ့နည်းလမ်းတွေက ကုန်သွားပီဆိုတဲ့ပုံစံမျိုးပြောလာတော့ ကျတော်စိတ်တော့မကောင်းဘူးပေါ့။”လို့ကိုတူရယ်က ပြောပါတယ်။

တောင်သူတွေကို တရားစွဲထားတဲ့ကိစ္စရပ်တွေ ၊ တပ်သိမ်းမြေတွေကြောင့် တောင်သူတွေ စားဝတ်နေရေး အခက်ကြုံရတာတွေဟာလည်း ငြိမ်းချမ်းရေးဖြစ်စဉ်လုပ်ငန်းတွေမှာ လာပြီးတော့ အကျိုးသက်ရောက်စေနိုင်တဲ့အတွက်ကြောင့် အခုလို တင်ပြရခြင်းဖြစ်တယ်လို့လည်း သိရပါတယ်။

လက်ရှိကယားပြည်နယ်လွှတ်တော်အနေနဲ့ ပြည်နယ်ငြိမ်းချမ်းရေးနဲ့ပတ်သက်တာတွေ၊ တောင်သူအရေးနဲ့ပတ်သက်တာတွေ ဘာတွေဆောင်ရွက်ဖို့အစီအစဉ်ရှိလဲဆိုတာ ကို ကန္တာရဝတီတိုင်း(မ်)က လွှတ်တော်ရုံးကို မေးမြန်းချက်တချို့တင်ပြထားပေမယ့်လည်း ယခုချိန်ထိ ပြန်လည်ဖြေကြားခြင်းမရှိသေးပါဘူး။

Comments

comments

Next Post

အခြေခံပညာကျောင်းပညာသင်ကာလတိုးပါက ဆရာ/မတွေ အချိန်ဇယားရှုပ်ထွေးပြီး အခက်တွေ့နိုင်

Mon Jan 13 , 2020
ကန္တာရဝတီတိုင်း(မ်) အခြေခံပညာ ကျောင်းတွေကို ပညာသင်ကာလ မတ်လကုန်အထိ သတ်မှတ်လိုက်မယ်ဆိုရင် တက္ကသိုလ်ဝင်တန်းစာမေးပွဲအခန်းစောင့် ဆရာ/မတွေတခြား စာစစ်ဖို့ လုပ်ငန်းတွေအစ အချိန်ဇယားတွေ ရှုပ်ထွေးပြီး အခက်အခဲတွေကြုံတွေ့နိုင်တယ်လို့ ပညာရေးဝန်ထမ်းမှ အမည်မဖော်လိုသူ ဆရာမ တစ်ဦးက ပြောပါတယ်။ ၎င်းက “ဘယ်လိုဇတ်ပဲလာလာကနေရမဲ့ဘဝပါ။ အခုလိုကျောင်းတက်မယ်ဆိုရင်ဖြင့် ဆရာမအားလုံးအတွက်ကတော့ စာစစ်ဖို့ စာသင်ဖို့ အချိန်ဇယားတွေရှုပ်ထွေးပြီး ဒုက္ခတော့ရောက်လိမ့်မယ်။ မြေပြင်အခြေအနေမသိတဲ့သူ လူကြီးဖြစ်ရင် ဒုက္ခရောက်တာပဲလေ။ ဆယ်တန်းစောင့်နေတဲ့ အလယ်တန်းဆရာမတွေက သူ့ရဲ့ ငါတန်းကနေ ရှစ်တန်းဘယ်လိုထားရမလဲ၊ ဆယ်တန်းပြီးတော့ ကိုးတန်းဘယ်စစ်၊ ဆယ်တန်းစာအရင်စစ်မလား၊ အများကြီးပဲဒုက္ခကတော့ မီးစင်ကြည့်ကတာပေါ့။” လို့ ပြောပါတယ်။ ပြီးခဲ့တဲ့ ဇန်နဝါရီလ ၂ ရက်နေ့က ပညာရေးဝန်ကြီးကနေပြီး မတ်လအထိ အခြေခံပညာကျောင်းတွေကို ဖွင့်လှစ်ရမှာဖြစ်ပြီး မိဘတွေ […]

ဆက်စပ်သတင်းများ