spot_img
Wednesday, August 10, 2022
spot_img

စစ်ရှောင်စခန်းအချို့ ရာသီ တုတ်ကွေးရောဂါဖြစ်ပွားနေပြီး ခြင်ထောင် လိုအပ်လျက်ရှိ

spot_imgspot_imgspot_imgspot_img

မော်မီမြာ/ကန္တာရဝတီတိုင်း(မ်)

လက်ရှိ မိုးရာသီအကူးအပြောင်းအတွင်း စစ်ရှောင်စခန်းက စစ်ရှောင်တချို့မှာ ရာသီတုတ်ကွေးဖြစ်ပွားနေပြီး ရောဂါကာကွယ်ဖို့အတွက် ခြင်ထောင်ကဲ့သို့ အကာအကွယ်တွေ၊ ဆေးဝါးတွေ လိုအပ်လျက်ရှိနေတယ်လို့ စစ်ရှောင်တွေက ဆိုကြပါတယ်။

စစ်ရှောင်တာ တစ်နှစ်ရှိပြီဖြစ်တဲ့အတွက် ယခင် အိမ်ကနေ ယူလာတဲ့ ခြင်တောင်တွေ စုတ်ပြဲကုန်ပြီလို့ စစ်ရှောင်ပြည်သူ တစ်ဦးက ပြောပါတယ်။

“ ပါတယ် နည်းနည်းပါးပါးတော့ ပါတယ်။ ဒါပေမယ့် ကြာကြာလာတဲ့ အခါကျတော့ ဆွေးကုန်ပြီလေနော။ လေတွေတိုက်လိုက် ခြတွေ စားလိုက်။ တခါတလေဆို နေ့တိုင်း မဖြုတ်ဘူးကော။ ပေါက်ပြဲလိုက် ကြွက်က လာကိုက်လိုက် အဲ့လိုမျိုးဖြစ်နေတယ်။ ဒီမှာလည်း ထုတ်ပေးပါတယ်။ ထုတ်ပေးဆိုလည်း မခိုင်ဘူးလေ ဇာခြင်ထောင်တွေဆိုတော့ ခဏလေးနဲ့ ပျက်မြန်တယ်။ “ လို့ ဒီးမော့ဆိုမြို့နယ်အရှေ့ဖက်ခြမ်း စစ်ရှောင်အမျိုးသမီးတစ်ဦးက ပြောပါတယ်။

စစ်ရှောင်နေရာတချို့တွေမှာ ဆေးဝါး မလုံလောက်တဲ့အတွက် တုတ်ကွေးဖြစ်ရင်တောင် ရိုးရိုးတုတ်ကွေးဆေးပဲ ပေးနေရတယ်လို့

စစ်ရှောင်စခန်းတွေကို ဆေးဝါးကုသပေးနေတဲ့ ဆရာမ တစ်ဦးက ပြောပါတယ်။

“ အခုကတော့ ခြင်ကိုက်တော့ သူတို့ တုပ်ကွေး လက္ခာဏာတွေတော့ ဖြစ်တယ်။ ကျမတို့ ဒီမှာခါကျတော့ ခြင်ကိုက်တာ ငှက်ဖျား ဖြစ်၊ မဖြစ်ဆိုတာကို ငှက်ဖျား တိုင်းပေးလို့မရဘူး။ ဒီမှာလည်း ငှက်ဖျားကို စမ်းသပ်တဲ့ ပစ္စည်းတွေလည်း မရှိတော့ ကျမတို့ တုပ်ကွေးဆိုလည်း တုပ်ကွေး ဆေးလောက်ပဲ ပေးတာပေါ့နော။ သူတို့ ဖျားနာလို့ရှိရင်တော့ အဖျားတွေ တိုင်းမယ်

ရိုးရိုး တုပ်ကွေးဆေးလောက်ပဲ ပေးနိုင်တယ်။ “ လို့ စစ်ရှောင်စခန်းတစ်ခုက ဆေးဆရာမ တစ်ဦး ကပြောပါတယ်။

ရေချောင်းတွေ ၊ မြောင်းတွေ ၊ အိုင်တွေနဲ့ နီးတဲ့ နေရာတွေမှာ ဆိုရင် ခြင်ဆေးဖျန်းတဲ့ ဆေးတွေ ဖျန်းထားစေချင်သလို၊ စစ်ရှောင် တဲတိုင်း မိသားစုတိုင်းကိုလည်း ခြင်ထောင်အလုံအလောက်ရစေချင်တယ်လို့သူက ဆက်ပြောပြပါတယ်။

ကရင်နီပြည်နယ်မှာ စစ်ဘေးရှောင် နှစ်သိန်းဝန်းကျင်ရှိနေပြီး အများစုဟာ တောထဲတောင်ထဲကို စစ်ဘေးရှောင်နေကြရပါတယ်။ ပြီးခဲ့တဲ့နှစ် မေလကစ စစ်ရှောင်နေကြရပြီး ဒီကနေ့အထိ လိုအပ်ချက်များပြားနေဆဲလို့ စစ်ရှောင်ကူညီသူတွေက ပြောပါတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...