spot_img
Thursday, February 9, 2023
spot_img

စစ်ရှောင် ရိက္ခာသွားပို့စဉ် စစ်ကောင်စီပစ်ခတ်မှုခံရတဲ့ လူငယ်တစ်ဦးကို သေဆုံးလျက်တွေ့ရှိ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည် ဖရူဆိုမြို့ ဒေါညေးခူကျေးရွာမှာ စစ်ရှောင်ရိက္ခာသွားပို့တဲ့ အသက် ၂၅နှစ်အရွယ် မောင်ပါစကွားလယ်ကို စစ်ကောင်စီက သတ်ဖြတ်ထားတဲ့ရုပ်အလောင်းကို ပြည်သူ့ကာကွယ်ရေးတပ်-ဒီးမော့ဆို (DMO-Local PDF)နှင့် မဟာမိတ်တပ်ပေါင်းစုတို့မှ ဒီကနေ့ ဧပြီလ ၉ရက်နေ့ နံနက်ပိုင်းမှာ နယ်မြေရှင်းလင်းရေးလုပ်နေစဉ် တွေ့ရှိခဲ့တယ်လို့ DMO-PDF က သတင်းထုတ်ပြန်ထားပါတယ်။

သတ်ဖြတ်ခံရတဲ့လူငယ်က မိုးဗြဲမြို့မှာနေထိုင်သူဖြစ်ပြီး ပြီးခဲ့တဲ့ ဧပြီလ ၅ရက်နေ့ မနက် ၈နာရီအချိန်မှာ အဖော်ဖြစ်သူနဲ့ ရိက္ခာသွားပို့စဉ် ဒေါညေးခူကျေးရွာအရောက် စစ်ကောင်စီရဲ့ပစ်ခတ်ခြင်းခံခဲ့ရတာဖြစ်ပါတယ်။

ပစ်ခတ်မှုကြောင့် မောင်ပါစကွားလယ်မှာ ဆိုင်ကယ်ပေါ်က ကျခဲ့ပြီး ကျန်တစ်ဦးမှာ ပေါင်နားထိရှိဒဏ်ရာရခဲ့တယ်လို့ DMO-PDF က ထုတ်ပြန်ထားပါတယ်။ ရိက္ခာသွားရောက်ပို့ဆောင်စဉ် အရပ်ဝတ်ဖြင့်သွားတာဖြစ်ပြီး သေဆုံးသူရုပ်အလောင်းပြန်ရချိန်မှာ ပျောက်ကြားယူနီဖောင်းနဲ့ဖြစ်နေတယ်လို့ ပစ်ခတ်စဉ်ထွက်ပြေးလွတ်မြောက်လာသူက DMO-PDFကိုပြောကြားခဲ့ပါတယ်။

သေဆုံးသူရုပ်အလောင်းကို နေ့ခင်း ၂နာရီမှာ သက်ဆိုင်ရာဆွေမျိုးထံ ပြန်လည်အပ်နှံထားတယ်လို့ သိရပါတယ်။ စစ်ကောင်စီမှ အာဏာသိမ်းပြီးနောက် ဖရူဆိုမြို့နဲ့ ဒီးမော့ဆိုမြို့နယ်အတွင်း အရပ်သားသတ်ဖြတ်ခံရသူ (၁၀၆)ဦးရှိသွားပြီလို့ DMO-PDF ရဲ့ အချက်အလက်စုဆောင်ရေးအဖွဲ့ထံမှ သိရပါတယ်။

ဒါ့အပြင် ဖရူဆိုမြို့မှ ဒီးမော့ဆိုလမ်းအတိုင်း သွားလာတဲ့ အမျိုးသားနှစ်ဦးကို စစ်ကောင်စီတပ်က ပစ်ခတ်ခဲ့ပြီး ဒီကနေ့အချိန်ထိ မတွေ့ရှိရသေးဘူးလို့ DMO-PDF ကပြောပါတယ်။

ဓာတ်ပုံ – ပြည်သူ့ကာကွယ်​ရေးတပ်-ဒီး​မော့ဆို (DMO-PDF)
ဓာတ်ပုံ – ပြည်သူ့ကာကွယ်​ရေးတပ်-ဒီး​မော့ဆို (DMO-PDF)
ဓာတ်ပုံ – ပြည်သူ့ကာကွယ်​ရေးတပ်-ဒီး​မော့ဆို (DMO-PDF)
ဓာတ်ပုံ – ပြည်သူ့ကာကွယ်​ရေးတပ်-ဒီး​မော့ဆို (DMO-PDF)
ဓာတ်ပုံ – ပြည်သူ့ကာကွယ်​ရေးတပ်-ဒီး​မော့ဆို (DMO-PDF)
spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...