spot_img
Sunday, April 2, 2023
spot_img

စားသုံးကုန်စျေးနှုန်း မြှင့်တက်မှုကြောင့် စစ်ရှောင်တွေအခက်ကြုံနေရ

spot_imgspot_imgspot_imgspot_img

ကန္တာရဝတီတိုင်း( မ် )

နေ့စဉ် ဝယ်ယူစားသောက်နေရတဲ့ စားသုံးကုန်တွေရဲ့ စျေးနှုန်းဟာ ယခင်အာဏာမသိမ်းခင်ကထက် ၂ဆခန့် ပိုမိုမြှင့်တက်နေတာကြောင့် အခက်ကြုံတွေ့နေရတယ်လို့ ကရင်နီ စစ်ရှောင်တွေက ပြောပါတယ်။

စျေးနှုန်းမြှင့်တက်နေပေမယ့်လည်း နေ့စဉ်လိုအပ်တဲ့အစားအစာဖြစ်တဲ့အတွက် ဝယ်ယူစားသောက်နေရတယ်လို့ ဒီးမော့ဆို အနောက်ဘက်ခြမ်းမှာ စစ်ရှောင်နေတဲ့ ဒေါ်ဂျိုးစဖင်းက ပြောပါတယ်။

“ကျမတို့ စစ်ရှောင်တွေအတွက် ဒီကုန်စျေးနှုန်းတွေက မြှင့်သည်ထက်မြှင့်လာတယ်။ ကျမတို့အတွက် အရမ်းကို ခက်တယ်ပြောရမှာပေါ့နော။ မဝယ်လို့လည်းမဖြစ်ဘူး။ တကယ်လို့ ဆီဆိုလို့ရှိရင် နေ့စဉ်စားသုံးရတဲ့ အစားအစာထဲမှာပါတယ်။ မဝယ်လို့ရှိရင်လည်း တကယ်လည်းခက်ခဲတယ်။ ကျမတို့ဆီ။” လို့ သူက ပြောပါတယ်။

လက်ရှိဒီးမော့ဆိုအနောက်ဘက်ခြမ်းမှာ ယခင်က တစ်ထောင့်ငါးရာကျပ် ပေးဝယ်ရတဲ့ စားသုံးစီ ဆီဘူးသေးတစ်ဘူးဟာ လက်ရှိမှာ တစ်ဘူးကို ငါးထောင်အထိ ပေးဝယ်ရတယ်လို့ ဆိုပါတယ်။

အခြားအခြေခံစားသောက်ကုန်ဈေးနှုန်းတွေဟာလည်း အလားတူ မြှင့်တက်လျက်ရှိနေတာပါ။

ကရင်နီပြည်မှာ စစ်ရှောင် နှစ်သိန်းဝန်းကျင်ရှိနေပြီး စစ်ရှောင်ဒေသခံတွေဟာ တစ်နှစ်ကျော်အချိန်အထိ အိုးအိမ်စွန့်ခွာ စစ်ရှောင်နေရတဲ့အတွက် ဝင်ငွေရ အလုပ်အကိုင်လည်းမရှိသလို စားဝတ်နေရေးအတွက် အလှူရှင်ကိုသာ အဓိက မှီခိုနေရပါတယ်။

ကုန်ပစ္စည်းစီးဆင်းမှုကိုလည်း တိုက်ပွဲဖြစ်ပွားတဲ့ကြားက ပစ္စည်းမပြတ်လပ်အောင် လုပ်ဆောင်ရတယ်လို့ ဆိုင်ရှင်တစ်ဦးက ပြောပါတယ်။

“အခု လမ်းကောင်းတဲ့အချိန်ဆိုရင် လွိုင်ကော်မှာ ပြေးယူရတယ်။ နည်းနည်းအန္တာရာယ်ရှိတယ်။ လမ်းအခြေအနေကြည့်ပြီးတော့မှ သွားရတယ်။ တစ်ခါတစ်ခါ အခြေအနေမကောင်းရင်တော့ ပီကင်းစျေးမှာပဲ စျေးကြီးကြီးနဲ့ ဝယ်ရတယ်။” လို့ ဒေသခံ စျေးဆိုင်ရှင်တစ်ဦးက ပြောပါတယ်။

မြန်မာနိုင်ငံမှာ စစ်အာဏာသိမ်းပြီးနောက်ပိုင်း ကျပ်ငွေတန်ဖိုး အလွန်ကျဆင်းနေပြီး မြန်မာပြည်တဝှမ်း စက်သုံးဆီ၊ စားသုံးကုန် ပစ္စည်းတွေ၊ အခြေခံ လူသုံးကုန်ပစ္စည်းတွေ စျေးနှုန်းမြှင့်တက်လာခဲ့ပါတယ်။

spot_imgspot_imgspot_imgspot_img

More from the blog

လူထုထောက်ခံမှုရှိနေသ၍ ပါတီဆက်ရှိနေအုံးမယ်လို့ KySDP ပြော

ကန္တာရဝတီတိုင်း( မ် ) ကရင်နီပြည်နယ်အခြေစိုက် တိုင်းရင်းသားပါတီအပါအဝင် တိုင်းရင်းသားပါတီ ၄၀ ကို ဖျက်သိမ်းကြောင်း စစ်ကောင်စီရဲ့ ရွေးကောက်ပွဲကော်မရှင် ( UEC ) က မတ်လ ၂၈ ရက်နေ့မှာ ကြေညာခဲ့ပေမယ့် လူထုထောက်ခံမှုရှိနေသ၍ ကတော့ ပါတီဆက်လက်ရှိနေအုံးမှာဖြစ်တယ်လို့ ကယားပြည်နယ် ဒီမိုကရက်တစ်ပါတီ ( KySDP...

နှစ်ရက်တိုက်ပွဲအတွင်း စစ်ကောင်စီတပ်မှ (၁၅)ဦးသေဆုံး၊ လေကြောင်းတိုက်ခိုက်မှုပြုလုပ်ခဲ့

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း ဒေါလျားခူကျေးရွာအနီးရှိ ညေးဘူးခူတောင်ပေါ် ဖက်ကို စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီတပ်မတော်(KA)၊ KNDF ပူးပေါင်းတပ်ဖွဲ့နဲ့ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၁၅ ဦးသေဆုံးခဲ့သလို လက်နက်ခဲယမ်းအသုံးအဆောင်ပစ္စည်းတွေ သိမ်းဆည်းမိခဲ့တယ်လို့ ကရင်နီအမျိုးသားများကာကွယ်ရေးတပ် (KNDF) က ဒီကနေ့ မတ်လ ၃၁ ရက်နေ့မှာ...

တစ်လကျော်ကြာတိုက်ပွဲပြင်းထန်နေတဲ့ ဖယ်ခုံ-ပင်လောင်း နယ်စပ်မှာ လေကြောင်းတိုက်ခိုက်မှုပြင်းထန်စွာ အသုံးပြုနေ

ကန္တာရဝတီတိုင်း(မ်) ပင်လောင်းမြို့နယ်ဖက် စစ်ကြောင်းထိုးနေတဲ့ စစ်ကောင်စီတပ်နဲ့ ပြည်သူ့ကာကွယ်ရေးပူးပေါင်းတပ်ဖွဲ့တို့ ထိတွေ့တိုက်ပွဲ အပြင်းအထန်ဖြစ်ပွားနေတာ တစ်လကျော်ကြာရှိနေပြီဖြစ်ပြီး စစ်ကောင်စီဖက် လေကြောင်းတိုက်ခိုက်မှု ပြင်းထန်စွာ သုံးနေတယ်လို့ ပြည်သူ့ကာကွယ်ရေးပူးပေါင်းတပ်ဖွဲ့တွေက ဆိုကြပါတယ်။ မတ်လ (၂၉)ရက်နေ့ ဖယ်ခုံ-ပင်လောင်းနယ်စပ်တစ်နေရာမှာ ဖြစ်တဲ့ တိုက်ပွဲမှာ စစ်ကောင်စီဖက် တိုက်လေယာဉ် (၄)စင်းနဲ့ အပြင်းအထန် တိုက်ခိုက်ခဲ့တယ်လို့ ဆိုပါတယ်။ အဲဒီရက်တိုက်ပွဲမှာ...

ဒီးမော့ဆိုအရှေ့ဘက်ခြမ်းရှိ အထက်တန်းစာသင်ကျောင်း လေကြောင်းတိုက်ခိုက်ခံရ

ကန္တာရဝတီတိုင်း(မ်) ဒီကနေ့ မတ်လ ၃၀ ရက်နေ့ မွန်းလွဲ ၁ နာရီအချိန်မှာ ဒီးမော့ဆိုမြို့နယ်အရှေ့ဘက်ခြမ်းကို စစ်ကောင်စီ လေကြောင်းအသုံးပြုတိုက်ခိုက်ခဲ့တဲ့အတွက် အထက်တန်း စာသင်ကျောင်းတစ်ကျောင်း ထိမှန်ပျက်စီးခဲ့ရပါတယ်။ “၁ နာရီ ၁၆မိနစ်မှာ တိုက်လေယာဉ် နှစ်ပတ် ပတ်ပြီးဝဲတာ ဝဲပြီးတော့ ၁၈မိနစ်လောက်မှာ တစ်ခါတည်းတန်းပစ်တာ။ ၈ခေါက်တိတိပစ်တယ်။ လေယာဉ်ဒုံးနဲ့လည်းပစ်တယ် ရွာတစ်လျှောက်...