ကန္တာရဝတီတိုင်း(မ်)
ခြောက်မိုင်ကျေးရွာအုပ်စုအတွင်းမှာ စစ်ကောင်စီကနေပြီး လူနေအိမ်တွေကို မီးရှို့ဖျက်ဆီးမှု ဆက်လက်လုပ်ဆောင်နေတယ်လို့ KNDF B-09က ဒီကနေ့(ဇန်နဝါရီလ ၇ ရက်နေ့) မှာ ထုတ်ပြန်ထားပါတယ်။
ခြောက်မိုင်အုပ်စုအတွင်း၊ ဒေါပိုးစီကျေးရွာက လူနေအိမ်တွေကို မနေ့ကတည်းက မီးရှို့ဖျက်ဆီးနေတာဖြစ်ပြီး ဒီကနေ့အထိဆက်လက်မီးရှို့နေတယ်လို့ ဒေသခံတစ်ဦးက ပြောပါတယ်။
” မီးခိုးတော့ အလုံးလုံးထွက်နေတယ်။ပစ်ခတ်သံလည်းကြားတယ်။ အိမ်တွေလည်းရှို့တယ်။လက်နက်ကြီးသံကောကြားရတယ်။ ဒေါပိုးစီရွာဖက်မှာပေါ့။ “
ဒီကနေ့ မနက်ပိုင်း ၇နာရီခွဲအချိန်မှာလည်း လွိုင်ကော်ဖက်မှ ဒီးမော့ဆိုမြို့ ၆မိုင်အုပ်စုအတွင်း လက်နက်ကြီးနဲ့ စတင်ပစ်ခတ်လာပြီး နံနက် ၉နာရီ မိနစ် ၄၀ မှာ တိုက်ပွဲပြင်းထန်မှုဖြစ်ပွားခဲ့တယ်လို့ KNDF B-09 ကထုတ်ပြန်ထားပါတယ်။
ဒေါပိုးစီး၊ ၅မိုင်၊ ၆မိုင် ဖက်မှာ မနေ့က(ဇန်နဝါရီ၆ရက်နေ့) မနက်ပိုင်းကစတင်ပြီး ၈နာရီဝန်းကျင်ကြာ တိုက်ပွဲပြင်းထန်ခဲ့ပါတယ်။၆မိုင်ကျေးရွာအတွင်း နေအိမ် ၄လုံးနဲ့အထက်ကို မီးရှို့ဖျက်ဆီးခဲ့ပြီး ဒီကနေ့လည်း ထပ်မံမီးရှို့နေတာဖြစ်ပါတယ်။
