spot_img
Sunday, January 29, 2023
spot_img

စျေးဆိုင်တွေမှာ ရောင်းချနေတဲ့ စစ်တပ်ထုတ် ဒဂုံ ဘီယာတွေကို ဖယ်ခုံ KNDF ဖျက်ဆီး

spot_imgspot_imgspot_imgspot_img

ကန္တာရဝတီတိုင်း(မ်)

ရှမ်းပြည်နယ်တောင်ပိုင်း ဖယ်ခုံမြို့နယ်အတွင်းရှိ KNDF ရဲ့ စိုးမိုး နယ်မြေထဲမှာ စစ်တပ်ထုတ်ကုန်တွေကို မရောင်းချဖို့၊ အသုံးမပြုဖို့ အသိပေးထားတာတွေရှိသလို စျေးဆိုင်တွေနဲ့ ပစ္စည်းတင်ပို့လာတဲ့ ကုန်ကားတွေမှာ စစ်ဆေးတွေ့ရှိပြီး ဖျက်စီးတာတွေ လုပ်ဆောင်နေပါတယ်။

ပြီးခဲ့တဲ့ ဇွန် ၂၅ ရက်နေ့မှာလည်း ဒဂုံ ဘီယာတချို့ကို စစ်ဆေးတွေ့ရှိတဲ့အတွက် ဖျက်ဆီးခဲ့တယ်လို့ KNDF B-03 တာဝန်ရှိသူတစ်ဦးက ပြောပါတယ်။

“ကျနော်တို့ရဲ့ လှုပ်ရှားနယ်မြေအတွင်းမှာရှိတဲ့ စျေးဆိုင်တွေက တွေ့လာတာပါဗျ။ အရေအတွက်ကိုတော့ ကျနော်တို့လည်း မရေထားမိဘူး။ တချို့ဆိုင်တွေမှာ စစ်တပ်ထုတ်ကုန်တွေ တင်ရောင်းနေတုန်းမို့ စစ်ဆေးရေးဝင်ရတာပါ” လို့ KNDF B-03 က ပြောပါတယ်။

KNDF B-03 အနေနဲ့ အခုလို စစ်တပ်ထုတ်ကုန်တွေကို ဖျက်ဆီးတာတွေ လုပ်ဆောင်တာ ၈ ကြိမ် ရှိပြီလို့ဆိုပါတယ်။ ပြီးခဲ့တဲ့ ဇွန်လ ၂၁ ရက်နေ့မှာလည်း ရှမ်းပြည်နယ်တောင်ပိုင်း ဖယ်ခုံမြို့တွင်းတစ်နေရာမှာ စစ်ကောင်စီထုတ် ဒဂုံဘီယာ အဖာ ၅၄၀ ကို ဖယ်ခုံ PDFကနေပြီး စစ်ဆေးတွေ့ရှိကာ ဖျက်ဆီးတာတွေလည်း ရှိခဲ့ပါတယ်။

ဒဂုံဘီယာတွေကို ပုံစံပြောင်း သယ်ဆောင်လာတာတွေလည်း ရှိနေတယ်လို့ KNDF B-03 က ဆိုပါတယ်။

“ကျနော်တို့ ဖက်မှာတော့ စျေးဆိုင်မှာ ရောင်းတာတော့ ပိတ်ထားတယ်။ ကန့်သတ်ထားတယ်။ မရောင်းဖြစ်တော့ဘူး ပြီးခဲ့တဲ့ တစ်ပတ်ကဆို ကားကို ဖမ်းဆီး စစ်တာ နှစ်ခါမိတော့ ပထမတစ်ခါကတော့ သူတို့ ဒီအတိုင်း ဒဂုံ နီက သူတို့ တံဆိပ်နဲ့ပေါ့နော။ အခုနောက်ပိုင်းက သူတို့ သီးသန့်အနေနဲ့ ဖာအဖြူတွေ လုပ်လာတာတွေ့တယ်။ပြီးခဲ့တဲ့ သုံး၊ လေးရက်က ပဲပေါ့နော” လို့ KNDF B-03 တာဝန်ရှိသူက ဆက်ပြောပါတယ်။

ပြီးခဲ့တဲ့ ဇွန်လ ၄ ရက်နေ့မှာလည်း စစ်ကောင်စီထုတ်ကုန်ဖြစ်တဲ့ ဒဂုံဘီယာ အဖာ ၂၄၀ ကျော် သယ်ဆောင်လာတဲ့ ယာဉ်ကို ဖယ်ခုံ PDF တပ်ရင်း ( ၂ ) နဲ့ KNDF B-03 တို့ စစ်ဆေးတွေ့ရှိပြီး ဖျက်ဆီးခဲ့တာတွေလည်း ရှိခဲ့ပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...