spot_img
Wednesday, December 7, 2022
spot_img

ဆိုလျားကူးတိုက်ပွဲအတွင်း လွိုင်ကော် PDF ရဲဘော်တစ်ဦးကျဆုံး၊ စစ်ကောင်စီဖက်မှ နှစ်ဦးသေ

spot_imgspot_imgspot_imgspot_img

ကန္တာရဝတီတိုင်း( မ် )

ဖရူဆိုမြို့နယ် ဆိုလားကူးကျေးရွာမှာ ဩဂုတ်လ ၉ရက်နေ့မှ ၁၂ရက်နေ့အထိ ၄ရက်ဆက်တိုက် တိုက်ပွဲဖြစ်ပွားခဲ့ပြီး တိုက်ပွဲအတွင်း လွိုင်ကော် PDF မှ ရဲဘော် စီနီးလို ကျဆုံးခဲ့တယ်လို့ လွိုင်ကော် PDF က ဒီကနေ့ ဩဂုတ်လ ၁၂ရက်နေ့မှာ သတင်းထုတ်ပြန်ပါတယ်။

 အင်အား ၂၀၀၊ စစ်ကြောင်း ၃ ကြောင်းနဲ့ ထိုးစစ်ဆင်လာတဲ့ စစ်ကောင်စီတပ်နဲ့ လွိုင်ကော် PDF အပြင် KA၊ KNDF၊ အလယ်ပိုင်းတိုင်း အထူးစစ်ဆင်ရေး၊ တပ်ရင်း ၁၁၀၁၊ ဒီးမော့ဆို PDF၊ တပ်ရင်း ၁၁၀၇၊ မိုးဗြဲ PDF၊ KRU နှင့် KGZ စတဲ့ မဟာမိတ်ပူးပေါင်းတပ်ဖွဲ့တို့ ဩဂုတ်လ ၉ရက်နေ့ကစ တိုက်ပွဲ စတင်ဖြစ်ပွားခဲ့တာဖြစ်ပါတယ်။

 ဩဂုတ်လ ၉ရက်နေ့ တိုက်ပွဲအတွင်း လွိုင်ကော် PDF မှ အသက် ၁၉နှစ်အရွယ် စီနီးလိုကျဆုံးသွားသလို ရဲဘော်နှစ်ဦးလည်း ဒဏ်ရာရရှိခဲ့တယ်လို့ ဆိုပါတယ်။

တိုက်ပွဲ ၄ရက်အတွင်း စစ်ကောင်စီဘက်က ၂ဦးနဲ့အထက် ကျဆုံးတယ်လို့ ထုတ်ပြန်ချက်မှာ ဖော်ပြထားပါတယ်။

အလယ်ပိုင်းတိုင်းအထူးစစ်ဆင်ရေး စနိုက်ပါအဖွဲ့ကလည်း ဆိုလျားကူးတိုက်ပွဲအတွင်း စစ်ကောင်စီ ၁၁ဦးကို ပစ်ခတ်နိုင်ခဲ့တယ်လို့ ဩဂုတ်လ ၁၀ရက်နေ့မှာ ထုတ်ပြန်ထားတာရှိပါတယ်။

တိုက်ပွဲပြင်းထန်ခဲ့တဲ့အတွက် ဆိုလျားကူးကျေးရွာနဲ့ အနီးအနားက ကျေးရွာတွေ ဘေးလွတ်ရာကို ထွက်ပြေးတိမ်းရှောင်ခဲ့ရပြီး စစ်ကောင်စီတပ်တွေရှိနေတဲ့အတွက် ကျန်ခဲ့တဲ့ ပစ္စည်းတွေကို ပြန်မယူရဲဘူးလို့ ဒေသခံတစ်ဦးက ပြောပါတယ်။

 တိုက်ပွဲအတွင်း လက်နက်ကြီးတွေပစ်ခတ်မှု ရှိခဲ့ပြီး ကျေးရွာနေအိမ်၊ ခန်းမဆောင် ထိခိုက်ပျက်စီးတာတွေလည်း ရှိခဲ့တယ်လို့ သိရပါတယ်။

spot_imgspot_imgspot_imgspot_img

More from the blog

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...

ဒီးမော့ဆိုအနောက်ခြမ်း စစ်ရှောင်စာသင်ကျောင်းတစ်ခုရဲ့ ကျောင်းဆင်းပွဲ

ကန္တာရဝတီတိုင်း(မ်) ဒီဇင်ဘာလ ၅ရက်နေ့က ဒီးမော့ဆိုအနောက်ဘက်ခြမ်း စစ်ရှောင်ကျောင်းတစ်ကျောင်းမှာ ကျောင်းဆင်းပွဲအခမ်းအနားပြုလုပ်ခဲ့ပါတယ်။ အဲဒီအခမ်းအနားကို ကျောင်းသူ၊ကျောင်းသားတွေ ၊ ကျောင်းသားမိဘတွေနဲ့ ကျောင်သားသမဂ္ဂအဖွဲ့ဝင်တွေ တက်ရောက်ခဲ့ပါတယ်။ အခုလိုကျောင်းဆင်းပွဲ အခမ်းအနားကျင်းပ‌ခွင့်ရတဲ့အတွက် ဝမ်းသာပီတိဖြစ်တဲ့အကြောင်းကို ဆရာမတစ်ဦးက အခုလိုပြောပါတယ်။ "ကျောင်းဆင်းပွဲဆိုကျွန်မ လုံးဝမမျှော်လင့်ဘူး။ အရင်နှစ်ကျမတို့လုပ်တာမိဘ( ၁၀ )ယောက်တောင်မလာဖူးပါဘူး။ ဒီတစ်နှစ်ကျတော့ ကျမဘယ်လိုမှ ပြောမပြနိုင်တဲ့ပီတိကို ကျမခံစားရပါတယ်။ မိဘတွေအများကြီးတက်ရောက်လာတယ်...

လွိုင်ကော် ၅ရက်တာ တိုက်ပွဲအတွင်း စစ်ကောင်စီဘက် တပ်ခွဲမှူးတစ်ဦးအပါအဝင် ၅ဦးသေဆုံး

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ နယ်၊ ပါလောင်းကျေးရွာ နဲ့ ကျေးရွာဝန်းကျင်တွေမှာ နိုဝင်ဘာလ ၂၄ရက်နေ့မှ ၂၉ ရက်နေ့အတွင်း ၅ရက် တိုက်ပွဲပြင်းထန်ဖြစ်ပွားခဲ့ပြီး စစ်ကောင်စီဘက်က တပ်မ ၆၆ လက်အောက်ခံ ခမရ ၁၀၈ တပ်ရင်း တပ်ခွဲမှူးတစ်ဦးအပါအဝင် ၅ဦး သေဆုံးခဲ့တယ်လို့...

လက်နက်ကြီးရန်ကြောင့် စာသင်ကျောင်း ရွေ့ပြောင်းဆောက်လုပ်၊ စာရေးကိရိယာများ လိုအပ်နေ

ကေးဒူ (ကန္တာရဝတီ တိုင်း(မ်)) ကျေးရွာအတွင်းကို လက်နက်ကြီး ကျရောက်လာတာကြောင့် ဒီးမော့ဆိုအရှေ့ဖက်ခြမ်း ကျေးရွာတစ်ခုမှာ ဖွင့်လှစ်နေတဲ့ စာသင်ကျောင်းတစ်ခုဟာ လုံခြုံနိုင်မယ့် တောထဲ တစ်နေရာကို ရွေ့ပြောင်းဆောင်လုပ်နေရပြီး အမိုးအကာ လိုအပ်ချက်တွေလည်းရှိနေတယ်လို့ ကျောင်းမှာ စာသင်ပေးနေတဲ့ စေတနာ့ဝန်ထမ်း ကျောင်းဆရာတစ်ဦးက ပြောပါတယ်။ “ လက်နက်ကြီး ရွာထဲ တစ်ခေါက် နှစ်ခေါက်ကျသွားတယ်။...