spot_img
Thursday, February 9, 2023
spot_img

ဆောင်နန်းခဲကျေးရွာအနီးမှာ တပ်စွဲထားတဲ့ စစ်ကောင်စီကို ဖယ်ခုံ PDF ဝင်ရောက်တိုက်ခိုက်

spot_imgspot_imgspot_imgspot_img

ကန္တာရဝတီတိုင်း ( မ် )

ဖယ်ခုံမြို့ ဆောင်နန်းခဲကျေးရွာအနီးမှာ တပ်စွဲထားတဲ့ စစ်ကောင်စီတပ်ကို ယမန်နေ့ ( ဇူလိုင်လ ၁၃ ရက်နေ့ )မှာ ဝင်ရောက်တိုက်ခိုက်ခဲ့ပြီး စစ်ကောင်စီဘက်က ၅ဦးသေဆုံးခဲ့တယ်လို့ ဖယ်ခုံ PDF တာဝန်ရှိသူ တစ်ဦးက ပြောပါတယ်။

“စစ်ကောင်စီစခန်းကို အလစ်ငိုက်ဝင်တိုက်လို့ တိုက်ပွဲဖြစ်တာဗျ။ ဆောင်နန်းခဲရွာရဲ့ အပေါ်ဘက်က စခန်းဗျ။ ၅ယောက်လောက်ကျတယ်။ ဒဏ်ရာရတဲ့လူလည်းရှိနေတာ။ လက်ရှိအခြေအနေကတော့ သူတို့လည်း အဲ့ဒီမှာ တပ်စွဲထားတာရှိတယ်ဗျ။” လို့ ၎င်းက ပြောပါတယ်။

တစ်နာရီကြာ တိုက်ပွဲဖြစ်ပွားခဲ့ပြီး စစ်ကောင်စီဘက်က လက်နက်ကြီးတွေနဲ့ ပစ်ခတ်မှုလည်း ရှိခဲ့တယ်လို့ သိရပါတယ်။ ဆောင်နန်းခဲကျေးရွာအနီးမှာ ပြီးခဲ့တဲ့ မေလလယ်ကတည်းက စစ်ကောင်စီတပ်စွဲထားတာဖြစ်ပါတယ်။

တပ်စွဲထားနေတဲ့ စစ်ကောင်စီကို ကရင်နီဒေသခံကာကွယ်ရေး ပူးပေါင်းတပ်ဖွဲ့တွေက မကြာခဏ သွားရောက်ပစ်ခတ်မှုတွေ ရှိနေခဲ့ပါတယ်။

“ကျနော်တို့ကတော့ ပြောက်ကျားပြောက်ကျားကတော့ အမြဲတမ်းပစ်တယ်။ ဒီအတိုင်းပဲ စနိုက်ပါနဲ့ကော။ လက်နက်ကြီးနဲ့သွားပစ်နေတာတွေကော တော်တော်များများတော့ သတင်းသိပ်မထုတ်ဘူး။ ဒါပေမယ့် အမြဲတမ်းတော့ ဖြစ်နေတယ်။ တစ်ရက်ခြား နှစ်ရက်ခြားတော့ ပစ်နေကျပဲ။ စခန်းကို လူအများနဲ့ တက်ပစ်တာကတော့ ဒီတစ်ကြိမ်ပဲဗျ။ ထိတဲ့အချိန်တော့ ရှိတော့ ရှိတယ်ပေါ့။ ဒါပေမယ့် လူများများနဲ့ တကယ် ကြီးကြီးမားမားဖြစ်တာကတော့ မနေ့တုန်းကတော့ ပိုပြီးတော့ များတာပေါ့။” လို့ ဖယ်ခုံ PDF တာဝန်ရှိသူ တစ်ဦးက ပြောပါတယ်။

ဆောင်းနန်းခဲကျေးရွာက နေအိမ်တွေလည်း ရွာလုံးကျွတ်နီးပါး မီးရှို့ခံရတဲ့အတွက် ဒေသခံတွေ စစ်ဘေးရှောင်နေရပြီး လက်ရှိအချိန်အထိ နေရပ်ပြန်နိုင်ခြင်း မရှိသေးပါဘူး။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...