ဥပဒေစိုးမိုးရေး ချိုးဖောက်မှု ဝန်ထမ်းများပတ်သက်နေဟု ကယားပြည်နယ်လွှတ်တော်ဥက္ကဌဝေဖန်

ထျိုးမြာ/ကန္တာရဝတီတိုင်း(မ်)

ပြည်နယ်အတွင်း တရားဥပဒေစိုးမိုးရေး၌ ချိုးဖောက်ရာတွင် ဝန်းထမ်းများပါဝင်မှုများရှိနေသည်ဟု ကယားပြည်နယ်လွှတ်တော်ဥက္ကဌ ဦးလှထွေးက ဝေဖန်ပြောဆိုလိုက်သည်။

 

“သစ်ကသွားကြားထိုးသံမဟုတ်ဘဲနဲ့ တစ်ခြားပြည်နယ်ကို ရောက်နေတဲ့ကိစ္စတွေဟာ ဂိတ်တွေအဆင့်ဆင့်ရှိပြီးမှ ရောက်တဲ့ကိစ္စတွေဟာ ဌာနဆိုင်ရာတွေပါပါတယ်။ ကျနော်ဒီတရားဥပဒေစိုးမိုးရေးကို ပြောချင်တာကတော့ ကျနော့်မှာ သက်သေအထောက်အထားအခိုင်အလုံရှိပါတယ်။ ဒီကနေလုပ်ပေးမယ်ဆိုရင်တော့ ကျနော်တင်ပေးမယ်။ မလုပ်ပေးဘူးဆိုရင်တော့ ကျနော်က နိုင်ငံတော်အတိုင်ပင်ခံကို ကျနော်တင်တော့မယ် ”ဟု လွှတ်တော်ဥက္ကဌက ပြောကြားသည်။

စက်တင်ဘာလ (၂၈) ရက် Famous Hotel တွင် ပြုလုပ်သည့် ကယားပြည်နယ်တရားဥပဒေစိုးမိုးရေးဌာနနှင့် တရားမျှတမှုဆိုင်ရာ လုပ်ငန်းများ ပေါင်းစပ်ညှိနှိုင်းရေးအဖွဲ့ခွဲ လုပ်ငန်းတာဝန်များအား ရှင်းလင်းတင်ပြသည့်အခမ်းအနားတွင် ၎င်းက ပြောဆိုခဲ့ခြင်းဖြစ်သည်။  

ထို့အပြင် လက်နက်ကိုင်များအနေနှင့်လည်း မိသားစုစားဝတ်နေရေးအတွက် သစ်ခဲများထုတ်ယူရာတွင် တစ်ခြားနိုင်ငံများတွင်သာ ကြီးပွားသွားမည်ဖြစ်သောကြောင့်  အစိုးရနှင့် တရားဝင်တိုင်ပင်လျှင်ပိုအဆင်ပြေနိုင်လိမ့်မည်ဟု ဥက္ကဌက ပြောသွားပါသည်။

“အခုလည်းပဲ ကျနော်သတင်းပေးပါမယ်။ စူပါကာစတန်တွေနဲ့ ခြောက်စီးခြောက်စီးထွက်နေပါတယ် တစ်ညကို အဲ့ဒါဖါးဆောင်းနားမျာ အခုရက်ပိုင်းပဲရှိပါသေးတယ်။ ဘောလခဲကတော့ ကျနော်တို့အစိုးရ စတက်ကတည်းက အခုထိမနားပါဘူး။ ကျနော်ပြောပြတာပါ။ ဒါလည်းပဲ လက်နက်ကိုင်အဖွဲ့အစည်းပေါ့။ ဒီမှာတော့ပါလားမသိဘူး။ ဒါညှိနှိုင်းဖို့လိုမယ်လို့ ကျနော်တို့ထင်ပါတယ်။ စားဝတ်နေရေးဆိုရင်လည်း အစိုးနဲ့ အခြားနည်းလမ်းနဲ့ ညှိနှိင်းစေချင်ပါတယ်။ ဒီလိုမျိုးပဲလုပ်နေမယ်ဆိုရင်ကြီးပွားသွားမှာက တစ်ခြားနိုင်ငံသားတွေပါ။ ကျနော်တို့က ဒုံရင်းဒုံရင်းပါပဲ ” ဟ ုသူကပြောပါသည်။

တရားဥပဒေစိုးမိုးရေးနှင့် တရားမျှတမှုဆိုင်ရာလုပ်ငန်းများကို အကောင်အထည်ဖော်ဆောင်ရွက်ရန်တွင် လုပ်ငန်းများအဆင်ပြေချောမွေ့စွာနှင့် ထိရောက်အောင်မြင်စွာဆောင်ရွက်နိုင်ရန်အတွက် လိုအပ်သလိုပေါင်းစပ်ညှိနှိုင်းပေးနိုင်ရန်ကယားပြည်နယ် တရားဥပဒေစိုးမိုးရေးဌာနနှင့် တရားမျှတမှုဆိုင်ရာ လုပ်ငန်းများပေါင်းစပ်ညှိနှိုင်းရေးအဖွဲ့ခွဲကို  မေလ ၂၃ရက်နေ့တွင် စတင်ဖွဲ့စည်းခဲ့ခြင်း ဖြစ်သည်။

အဆိုပါအဖွဲ့သည် တရားဥပဒေစိုးမိုးရေးအခြေခံအခွင့်အရေးများကို လေးစားလိုက်နာရန်နှင့် တရားစီရင်ရေးကဏ္ဍအပေါ် အများပြည်သူ၏ယုံကြည်ကိုးစားမှုရရှိရန် ပါဝင်ဆောင်ရွက်ခြင်း ၊ ပေါင်းစပ်ညှိနှိုင်းရေးအဖွဲ့ခွဲများ၏ လုပ်ငန်းများတွင် ဥပဒေဆိုင်ရာအထောက်အကူပေးသည့်အဖွဲ့အစည်းများ၊ အရပ်ဘက်လူမှုအဖွဲ့အစည်းများမှ ကိုယ်စားလှယ်များကိုပါဝင်ဆောင်ရွက်ရန်ဖိတ်ခေါ်ခြင်း စသည်လုပ်ငန်းတာဝန်များကို ဆောင်ရွက်ရမည်ဖြစ်ကြောင်း သိရသည်။

Comments

comments

Next Post

တိုင်းရင်းသားတို့ရဲ့ ကိုယ်ပိုင်ပြဌာန်းခွင့်ခရီး နီးပြီလား

Sat Oct 7 , 2017
ဘိုထီး(ငွေတောင်ပြည်)ရေးသားသည်။ ကိုယ်ပိုင်ပြဌာန်းခွင့်ဆိုတာ ကိုယ့်ဒေသဖွံ့ဖြိုးတိုးတက်ဖို့အတွက် ကိုယ်ကိုယ်တိုင် စီမံဆောင်ရွက်နိုင်တဲ့ အခွင့်အရေးကို ဆိုလိုတာဖြစ်ပါတယ်။ ကိုယ်ရဲ့ပြည်နယ်ဒေသမှာ ဖြစ်ပေါ်တဲ့ ပြဿနာတွေကို အခြားပြင်ပ အဖွဲ့အစည်းက လာရောက် ကူညီဖြေရှင်းလို့ ရချင်ရမယ်။ ဒါပေမဲ့ ကိုယ့်ဒေသဖွံ့ဖြိုးတိုးတက်ဖို့၊ ကိုယ့်ဒေသ အရေးကိစ္စအားလုံးကို ပြည်နယ်ပြင်ပ အဖွဲ့အစည်းက လာရောက်ဦးဆောင်ပြီး ကူညီလို့မရပါဘူး။ ပြည်နယ်ဒေသ အကျိုးအတွက် ပြည်နယ်ပြင်ပက အဖွဲ့အစည်းတွေ လာရောက်ဦးဆောင်ပြီး ကူညီမယ်ဆိုရင် ဗဟိုချုပ်ကိုင်မှုစနစ်ကနေ အာဏာရှင်စနစ် ဖြစ်သွားနိုင်ပါတယ်။ ဒီနေ့ဒီအချိန်ထိ တိုင်းရင်းသားပြည်နယ်ဒေသမှာ ကိုယ်ပိုင်ပြဌာန်းခွင့် မရသေးတာဟာ နိုင်ငံတော်အစိုးရအနေနှင့် တိုင်းရင်းသားတွေကို ကိုယ်ပိုင်ပြဌာန်းခွင့် မပေးလို့ မဟုတ်ပါဘူး။ ကိုယ့်ပြည်နယ်အကျိုးထက် ကိုယ်တစ်ဦးတစ်ယောက် အကျိုးအတွက်ပဲ ဦးစားပေးတဲ့ တိုင်းရင်းသား အချို့ပြည်နယ်ဒေသတွင်းမှာ ရှိနေသေးလို့ပဲ ဖြစ်ပါတယ်။ မြန်မာနိုင်ငံလုံးဆိုင်ရာ […]

ဆက်စပ်သတင်းများ