တိုင်းရင်းသားပါတီနှစ်ပါတီပူးပေါင်းပြီး ပါတီအသစ်ထူထောင်ရန်စီစဉ်

ထျိုးမြာ

ကယားပြည်နယ်မှ တိုင်းရင်းသားပါတီနှစ်ခုဖြစ်သည့် လူမျိုးပေါင်းစုံဒီမိုကရေစီပါတီနှင့် ကယားလူမျိုးစုဒီမိုကရေစီပါတီတို့ပူးပေါင်းပြီး ပါတီတစ်ခုတည်းအဖြစ် ပြန်လည်ဖွဲ့စည်းရန် စီစဉ်ထားသည်ဟု လူမျိုးပေါင်းစုံဒီမိုကရေစီပါတီ ဥက္ကဌ ဦးဖိုးရယ်က ပြောသည်။

“ အဲဒီမှာ လူမျိုးပေါင်းစုံဒီမိုကရေစီပါတီနဲ့ ကယားလူမျိုးစုဒီမိုကရေစီပါတီကို ဖျက်သိမ်းလိုက်ပြီးမှ ပါတီအသစ်ထောင်မယ့်အနေအထားမျိုးဖြစ်တယ်ပေါ့နော။ ဆိုတော့ အဲဒီပါတီကို မနက်ဖြန်သဘက်ခါပဲ ပုံတင်နိုင်ဖို့အတွက် ကြိုးစားသွားမယ်။” ဟု ဦးဖိုးရယ်က ပြောသည်။

ကယားလူမျိုးစုဒီမိုကရေစီပါတီနှင့် လူမျိုးပေါင်းစုံဒီမိုကရေစီပါတီသည် ပါတီအသစ်တစ်ပါတီကို ပူးပေါင်းတည်ထောင်ကြပြီးနောက် ကယန်းအမျိုးသားပါတီက အနီးစပ်ဆုံးမဟာမိတ်အနေအထားဖြင့် ဆက်လက်ရှိနေမည်ဟု ကယန်းအမျိုးသားပါတီ ဥက္ကဌ ခွန်းဘီထူးက ပြောသည်။

“ အဓိက,ကတော့ ကယန်းအမျိုးသားပါတီအတွက်က ရှမ်းပြည်နယ်မှာရော ကရင်ပြည်နယ်မှာရော ရှိတဲ့ ပါတီဝင်တွေရဲ့ ဆုံးဖြတ်တဲ့အနေအထားမျိုးအပေါ်မှာလည်း အရမ်းမူတည်ပါတယ်။ ဒါကြောင့် ကျနော်တို့ပါတီက အတင်းအကြပ်ပူးပေါင်းမယ့်အနေအထားမျိူးမရှိဘဲနဲ့ ကျနော်တို့သုံးပါတီမှာတော့ အနီးစပ်ဆုံးမဟာမိတ်ဖြစ်ပြီးတော့မှ ကယားပြည်နယ်မှာတော့ ကျနော်တို့ပူးပေါင်းဆောင်ရွက်နိုင်တဲ့ နည်းလမ်းတွေကို ရှာဖွေနေပါတယ်။ အဲ့ဒီလိုပဲ လုပ်ဆောင်သွားဖို့လည်း ယုံကြည်နေပါတယ် ” ဟု ခွန်းဘီထူးကပြောသည်။

လတ်တလောတွင် နှစ်ပါတီပူးပေါင်းဖွဲ့စည်းဖြင့် နာမည်ကို ညှိနှိုင်းဆွေးနွေးကြရာတွင် ပါတီအမည်ကို ကယားပြည်နယ်ဒီမိုကရက်တစ်ပါတီ(Kayah State Democratic Party ) ဟုပေးထားကြပြီး မှတ်ပုံတင်နိုင်ရန်စီစဉ်သွားကြမည်ဟု ဆိုသည်။

ကြားဖြတ်ရွေးကောက်ပွဲကျင်းပချိန်တွင်လည်း မဟာမိတ်သုံးပါတီအနေဖြင့် ရပ်တည်သွားကြမည်ဖြစ်ကြောင်းနှင့် ဝင်ပြိုင်မည့်မဲဆန္ဒနယ်အတွင်းတွင် ကိုယ်စားလှယ်တစ်ဦးသာ စုပေါင်းသဘောတူညီချက်ဖြင့် ရွေးခြယ်ထားကြပြီး ပါတီအသစ်အမြန်မှတ်ပုံတင်ရရှိပါက ပါတီအသစ်အမည်ဖြင့် ဝင်ပြိုင်မည်ဖြစ်ကြောင်း သိရသည်။

Comments

comments

Next Post

လူထုအသံ

Thu Dec 1 , 2016
လွိုင်ကော်မြို့နယ်အတွင်းရှိ ကျေးရွာတချို့မှ တင်ပြလိုသည့် အခက်အခဲများ ထေးငှားလျားရွာ မှ ဦးစိုးရယ် …………………………………. “ရွာမှာက အခု တစ်ခုရှိတာက ကေဘယ်ကြိုးမြှပ်တာပေါ့။ အဲဒါကို ကန့်ကွက်တဲ့သူ တစ်ချို့ရှိနေတယ်။ ပြီးတော့ တာဝါတိုင်ထောင်တာလည်း ကန့်ကွက်သူ တစ်ချို့ရှိတယ်။ ကျနော်တို့ တစ်ရွာလုံးရဲ့ သဘောထားကို ကောက်ယူတော့ ကေဘယ်ကြိုးက ထောက်ခံသူတွေပိုများပြီးတော့ ဆက်သွယ်ရေး တာဝါတိုင်ကိုကျတော့ ကန့်ကွက်တဲ့သူ ပိုများတယ်။ သူတို့ ကန့်ကွက်တာက သူတို့စက်နဲ့လုပ်တော့ စက်သံက ဆူညံလွန်းတယ် အဲဒီတစ်ချက်ကြောင့်ပါ။ ရှမ်းပြည်နယ်ကနေ လုပ်ပြီး ကျနော်တို့ရွာကို ဖြတ်ဆင်းတာပါ။ ကျနော်တို့ တစ်ခေါက် နှစ်ခေါက်လောက် ညှိပေးပြီးတော့ ဒီနေ့ သူတို့ အပြီး လုပ်နေတယ်။ ကေဘယ်ကြိုးက ထောက်ခံသူတွေများတော့ သူတို့အပြီးလုပ်လိုက်တာပါ […]