တောင်ပေါ်ဒေသတိုင်းရင်းသားစာပေ သင်ကြားနေပြီဖြစ်သော်လည်း လိုအပ်ချက်များရှိနေသေး

မီမြာ၊ဦးမြာ

ကယားပြည်နယ်တွင်းရှိ ဖရူဆိုမြို့နယ် အနောက်ဘက် တောင်ပေါ်ဒေသများတွင် တိုင်းရင်းသားစာပေများသင်ကြားနေပြီဖြစ်သော်လည်း သင်ကြားရေးတွင်အခက်အခဲများရှိနေသေးကြောင်း ဖရူဆိုမြို့နယ် ဟိုယာကျေးရွာအုပ်စု ခူမိုထီကျေးရွာတွင်နေထိုင်သူ ခူးပေါလူက ပြောပါသည်။

တိုင်းရင်းဘာသာ သင်ကြားပေးသောဆရာမသည်တခြားကျေးရွာမှ နေ၍လာရောက်သင်ကြားပေးရသည့်အတွက် လမ်းပန်းဆက်သွယ်ရေးအခက်အခဲများလည်း ကြုံတွေ့နေရသည်ဟု ဆိုပါသည်။

“ မိုးရာသီဆို သွားလာရတာအဆင်မပြေဘူး။ မိုးတအားရွာလို့ရှိရင် သူတို့မသွားနိုင်တော့ဘူး အဲ့လိုဖြစ်တယ် ဖြစ်နိုင်ရင်ဒီ ရွာသားအချင်းချင်းဆို အဆင်ပြေမယ်။ သူတို့သွားလာစရာမလိုဘူး ကလေးကို အချိန်မရွေးစာသင်လို့ရတယ်။ ” ဟု ဦးပေါလူကပြောပါသည်။

ဝေးလံသည့် ကျေးလက်ဒေသများတွင် သက်ဆိုင်ရာ တိုင်းရင်းသားစာပေများကို စတင်သင်ကြားနေပြီဖြစ် သော်လည်း စာအုပ်စာပေများ ၊ ဖတ်စာအုပ်များ လိုအပ်နေသည်ဟု သိရသည်။

မိုနူမနော တိုင်းရင်းသားစာများစသင်နေပြီဖြစ်သည့် ပုလဲရွာမှ ဦးရယ်က “စာပေမှာခါကြတော့ကျတော်တို့က မနူမနောစာတွေသင်ရတယ်။ သင်တာကတော့အခုမှ တစ်နှစ်၊ နှစ်နှစ်အတွင်ဘဲပေါ့။ လိုအပ်ချက်တော့ ရှိသေးတာပေါ့။ ” ဟု ပုလဲလယ်ရွာကဦးမီရယ်ကပြောပါတယ်။

ဖရူဆိုမြို့နယ်၏ အနောက်ဘက်ခြမ်းသည် အများစုမှာ ကယော၊ မနုမနော၊ ပရဲ့ စသည့်တို့ အများစု နေထိုင်ကြပြီး လမ်းပန်းဆက်သွယ်ရေး ခက်ခဲသည့် နေရေဒေသဖြစ်နေသည်။

ကယားပြည်နယ်တွင်တိုင်းရင်းသား မျိုးနွယ်စု ပေါင်းစုံနေထိုင်ပြီး နေရာဒေသအလိုက် တိုင်းရင်းသား စာပေများကို ကျောင်းပြင်ပချိန်တွင် စသင်သင်ကြားနေကြပြီ ဖြစ်သော်လည်း ဆရာ/မ မလုံလောက်ခြင်း၊ ထောက်ပံ့ငွေ မလုံလောက်ခြင်း၊ သင်ထောက်ကူပစ္စည်းမလုံလောက်ခြင်း၊ သင်ကြားသည့်အပိုင်းတွင် ကျောင်းပြင်ပ ချိန်ဖြစ်နေခြင်း၊ စသည့်အခက်အခဲများရှိနေသေးသည်။

Comments

comments

Next Post

ဘတ်ဂျက် Law ကပြနေသော Federalism

Thu Oct 10 , 2019
ပြီးခဲ့တဲ့ ပြည်ထောင်စုလွှတ်တော်အစည်းအဝေးမှာ ၂၀၁၉-၂၀၂၀ ခု၊ ဘဏ္ဍာရေးနှစ် ပြည်ထောင်စုနဲ့တိုင်းဒေသကြီး/ပြည်နယ်များ၏အရအသုံးခန့်မှန်းခြေစာရင်း နဲ့ ပတ်သက်ပြီး အတည်ပြုခဲ့တာ တွေ့ရပါသည်။ မကြာမီ သမ္မတ လက်မှတ်ရေးထိုးပြီး ထုတ်ပြန်ကြေငြာမှာ ဖြစ်သလို တိုင်းဒေသကြီး/ပြည်နယ်များတွင်လည်း ပြည်ထောင်စုမှ အတည်ပြုလိုက်သည့် ထောက်ပံ့ငွေသဘောတူညီချက်ကို ဒေသလွှတ်တော်များတွင် ပြန်လည်အတည်ပြုတင်သွင်းဆောင်ရွက် ကြရမည် ဖြစ်ပါသည်။ မြန်မာနိုင်ငံသည် ခေတ်အဆက်ဆက် ဗဟို ချုပ်ကိုင်မှုအားသာသည့် စနစ်ကိုသာ ကျင့်သုံး ဆောင်ရွက်ခဲ့ကြသလို ၂၀၀၈ ဖွဲ့စည်းပုံ အခြေခံဥပဒေတွင်လည်း ဖယ်ဒရယ် ထက် ဗဟိုချုပ်ကိုင်မှုအလေးသာသော ပုံသဏ္ဍာန်ကို တွေ့ရပေသည်။ ဇယား(၅) ပါ အခွန်လောက်သာ ကောက်ခံခွင့်ရှိနေသလို အသုံးစရိတ်တွင်လည်း ပြည်ထောင်စုမှ ထောက်ပံ့ငွေပေါ်သာ အားထားရပ်တည်မှီခိုနေကြသော ဒေသဘတ်ဂျက်များကို တွေ့ရပေသည်။ ထိုအချက်များသည် တိုင်းရင်းသား […]

ဆက်စပ်သတင်းများ