spot_img
Sunday, February 5, 2023
spot_img

ထီးပေါ်ဆိုကျေးရွာက ဘုရားကျောင်းနဲ့ အသင်းတော်အိမ်ကို စစ်ကောင်စီဖျက်ဆီး၊ ၃ရက်ဆက်တိုက်တိုက်ပွဲဖြစ်

spot_imgspot_imgspot_imgspot_img

CJ (ကန္တာရဝတီတိုင်း(မ်))

ကရင်နီပြည် ဖရူဆိုမြို့နယ် ထဲက ထီးပေါ်ဆိုကျေးရွာအနီးမှာ စစ်ကြောင်းထိုးရောက်ရှိလာတဲ့ စစ်ကောင်စီတပ်တွေနဲ့ ကရင်နီဒေသခံ ကာကွယ်ရေးတပ်ဖွဲ့ တို့ ၃ ရက်ဆက်တိုက် တိုက်ပွဲဖြစ်ပွားခဲ့တယ်လို့ ဒေသခံတွေက ပြောပါတယ်။

ဇွန်လ ၁၀ ရက်နေ့ကတည်းက စတင်တိုက်ပွဲဖြစ်ပွားခဲ့ပြီး ယမန်နေ့အထိ တိုက်ပွဲတွေရှိနေခဲ့တာဖြစ်ပါတယ်။

ဒါ့အပြင်ထီးပေါ်ဆို ကျေးရွာက ခရစ်ယာန် ဘုရားကျောင်းနဲ့ အသင်းအိမ်တွေကို လည်း စစ်ကောင်စီတပ်က ဖျက်ဆီးခဲ့တယ်လို့ ဒေသခံတွေကပြောပါတယ်။

တိုက်ပွဲအတွင်း နှစ်ဘက်အထိခိုက်စာရင်းကိုတော့ ထုတ်ပြန်ထားခြင်းမရှိသေးပါဘူး။

“တိုက်ပွဲတွင် ၃ ရက် ဆက်တိုက် ပြင်းထန်တာကြောင့် စစ်ရှောင်တွေ အရမ်းများတယ်၊ စစ်ကောင်စီဘက်က ညအချိန်မှာ ရွာအတွင်း ရမ်းသမ်းပစ်တယ်။ အဲ့တာကြောင့် အရမ်းကြောက်ရတယ်” လို့ ဒေသခံ ရွာသားတစ်ဦးကပြောပါတယ်။

စစ်ကောင်စီဘက်က တိုက်ပွဲမရှိတဲ့ ညအချိန်တွေမှာ လက်နက်ကြီးတွေနဲ့ ရမ်းသမ်းပစ်ခတ်တာတွေကြောင့် အနီးနားက ကျေးရွာတွေအတွင်းမှာ ကျရောက်ပေါက်ကွဲပြီး လူနေအိမ်တွေလည်း ပျက်စီးသွားတယ်လို့  ဒေသခံတွေက ပြောပါတယ်။

ဒီးမော့ဆို- ဖရူဆို လမ်းမကြီးတလျောက်ကို ဒေသခံတွေ အသွားအလာမလုပ်ကြဖို့ KNDFက ဇွန်လ ၁၀ ရက်နေ့က သူတို့ရဲ့ facebook စာမျက်နှာမှာ ရေးသားထားပါတယ်။

spot_imgspot_imgspot_imgspot_img

More from the blog

လွိုင်ကော်တိုက်ပွဲအတွင်း စစ်ကောင်စီ (၁၅)ဦး ထက်မနည်းသေဆုံး၊ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် နေအိမ်ပျက်စီးမှုရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ်တစ်နေရာမှာ ယမန်နေ့ (ဖေဖော်ဝါရီ ၄ရက်) ည အချိန် စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲပြင်းထန်ခဲ့ပြီး နှစ်ဖက်ထိခိုက်ကျဆုံးမှုရှိခဲ့တယ်လို့ ကရင်နီတပ်မတော် စစ်ရေးချုပ် ဗိုလ်မှူးကြီး ဘုန်းနိုင် ကပြောပါတယ်။ “ ရန်သူဖက် ၁၅ယောက်သေတယ်လို့ ပြောတယ်။ ကျနော်တို့ဖက် KNDFက တစ်ယောက် ဒဏ်ရာရတယ်။ PDFဖက်က...

မိုးဗြဲစျေးမှာ အမျိုးသားတစ်ဦး သေနတ်ပစ်ခတ်ခံရ၊ ဈေးပိတ်သိမ်းခဲ့

ကန္တာရဝတီတိုင်း( မ် ) ဒီကနေ့ ဖေဖော်ဝါရီလ ၄ ရက်နေ့ နေ့ လည် ၁၂ နာရီ ဝန်းကျင်အချိန်မှာ ရှမ်း- ကရင်နီနယ်စပ် မိုးဗြဲမြို့ စျေးထဲ အမျိုးသားတစ်ဦး သေနတ်နဲ့ ပစ်ခတ်ခံရတယ်လို့ မျက်မြင်ဒေသခံတွေဆီကနေ သိရပါတယ်။ “စျေးထဲမှာ လူတစ်ယောက် သေနတ်နဲ့ ပစ်ခံရတယ်လေ။ နောက်ကျနော်ကြည့်တဲ့အခါတော့...

လွိုင်ကော်အရှေ့ဘက်ခြမ်းရှိ စစ်ရှောင်ဆေးခန်းတစ်ခု လေကြောင်းတိုက်ခိုက်ခံရ

ကန္တာရဝတီတိုင်း( မ် ) ယမန်နေ့ (ဖေဖော်ဝါရီလ ၃ရက်) က ကရင်နီပြည် လွိုင်ကော်မြို့ အရှေ့ဘက်ခြမ်းမှာ တိုက်ပွဲဖြစ်ပွားခြင်းမရှိဘဲ လေကြောင်းနဲ့ ဗုံးကျဲတိုက်ခိုက်ခံရမှုကြောင့် စစ်ဘေးရှောင်ဆေးခန်းတစ်ခု မီးလောင်ပျက်စီးသွားတယ်လို့ ကရင်နီပြည်ထဲရေးဝန်ကြီးဌာနမှ ပြည်ထဲရေးဝန်ကြီး ခူညေးရယ်က ပြောပါတယ်။ “ မနေ့ည ၆နာရီ ခွဲပေါ့ အဲ့မှာ လေယာဉ်တစ်စင်းနဲ့ လာပစ်တယ်။...

ကရင်နီပြည်မှာ ဇန်နဝါရီလ တစ်လအတွင်း တိုက်ပွဲ (၃၆)ကြိမ်ဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိခဲ့

ကန္တာရဝတီတိုင်း(မ်) ကရင်နီပြည်မှာ ဇန်နဝါရီတစ်လအတွင်း စစ်ကောင်စီတပ်နဲ့ ထိတွေ့တိုက်ပွဲပေါင်း (၃၆)ကြိမ်ဖြစ်ပွားခဲ့ပြီး စစ်ကော်စီဖက် (၂၂)ဦး သေဆုံးခဲ့သလို KNDFမှရဲဘော် ၅ဦး ကျဆုံးခဲ့တယ်လို့ ကရင်နီအမျိုးသားများကာကွယ်ရေးတပ် (KNDF)က ဒီကနေ့ (ဖေဖော်ဝါရီ ၃ရက်နေ့ ) မှာ သတင်းထုတ်ပြန်ပါတယ်။ တိုက်ပွဲအတွင်း နှစ်ဖက်အကျအဆုံးရှိခဲ့သလို လက်ရှိအချိန်ထိ ဒီးမော့ဆိုအရှေ့ဖက်ခြမ်းမှာ ဇန်နဝါရီလ ဒုတိယအပတ်ကတည်းက...