မော်မီမြာ / ကန္တာရဝတီတိုင်း(မ်)
ဖယ်ခုံမြို့အရှေ့ဘက်ကမ်း၊ ဆီးမီးလော့ကျေးရွာအနီးမှာ ဒီကနေ့ (မေလ ၁၈ရက်) မနက် ၇နာရီ ၁၅မိနစ်မှာ စစ်ကြောင်းထိုးလာတဲ့ ၄၂၂တပ်ရင်းနဲ့ KNDF-B03 တို့ ထိတွေ့တိုက်ပွဲဖြစ်ပွားနေတယ်လို့ KNDF-B03က ဒီကနေ့ သတင်းထုတ်ပြန်ပါတယ်။
တိုက်ပွဲအတွင်းမှာ KNDF-B03 တပ်ခွဲ(၄)က ရဲဘော်တစ်ဦးဖြစ်တဲ့ အောင်ရွှေ ကျဆုံးခဲ့ရပြီး ရဲဘော်တစ်ဦး ပြင်းထန်ဒဏ်ရာရခဲ့သလို တစ်ဦး မစိုးရိမ်ရတဲ့ ဒဏ်ရာရရှိခဲ့တယ်လို့ ဖော်ပြထားပါတယ်။
လွိုင်ကော်အမြောက်တပ်နဲ့ ၄၂၂ တပ်ရင်းက လက်နက်ကြီး အဆက်မပြတ်ပစ်ခတ်တာတွေလည်း ရှိတယ်လို့ သိရပါတယ်။
ဆီးမီးလော့ကျေးရွာမှာ စစ်ကောင်စီနဲ့ ကရင်နီဒေသခံ ကာကွယ်ရေးတပ်ဖွဲ့တို့ တိုက်ပွဲဖြစ်ပွားတာ ဒီကနေ့ဆိုရင် လေးရက်မြောက်သွားပြီဖြစ်ပါတယ်။
