Tuesday, January 18, 2022

ဒီးမော့ဆိုမြို့နယ်မှာ ဒေသခံတွေ ထပ်မံ စစ်ရှောင်နေရ

တိုက်ပွဲကြောင့် စစ်ရှောင်နေကြတဲ့ ဒီးမောဆို ပြည်သူများ (ဓါတ်ပုံ – CJ)

ကန္တာရဝတီတိုင်း(မ်)

ဒီးမော့ဆိုမြို့ပေါ်မှာ စက်တင်ဘာလ ၈ရက်နေ့ ဒီနေ့မနက်မှာ ၄၂၇တပ်က စစ်ကြောင်းထွက်တဲ့အတွက် ဒေသခံတွေ တိမ်းရှောင်နေကြတယ်လို့ စစ်ရှောင်ကူညီနေသူ တစ်ဦးက ပြောပါတယ်။

“ အခုလောလောဆယ် သိရသလောက်ကတော့ ထီးဆိုဖျဘက်မှာ ၄၂၇ တပ်က စစ်ကောင်စီတွေပေါ့နော။ အဲ့ဒီ စစ်ကြောင်းထွက်တယ်လို့ ကြားထားတယ်။ ပြည်သူတွေက သိထားတော့ အခုကတည်းက ကြိုရှောင်ထားကြတာပေါ့။ အဲ့လိုမျိုး အခြေအနေရှိတယ်။ အခုလက်ရှိအခြေအနေအထိက ပြေးနေတုန်းပဲပေါ့နော။ မနေ့ညက အဓိက မြို့ပေါ်ကနေ ပြေးလာတဲ့လူတွေ အခုချိန်ထိပြေးနေတုန်း။ နောက်ပြီးတော့ ကားတွေဆိုင်ကယ်တွေ အဲ့ဒီလမ်းမကြီးတစ်လျှောက်မှာ သွားနေတုန်းပဲ။ “

မနေ့(စက်တင်ဘာ ၇ရက်)က ဒီးမော့ဆို ရဲစခန်းမှာ စစ်ကောင်စီနဲ့ ကရင်နီအမျိုးသားတပ်မတော် (KA) ၊ ကရင်နီအမျိုးသားကာကွယ်ရေးတပ် (KNDF) ၊ PDFတို့ကြား တိုက်ပွဲပြင်းထန်ခဲ့ပြီး ကျေးရွာ(၁၀)ရွာက ဒေသခံ ၃ထောင်ကျော် တောတောင်တွေထဲ ထွက်ပြေးတိမ်းရှောင် နေကြရပါတယ်။

မနေ့ည(စက်တင်ဘာ ၇ရက်)က ညအချိန်မှာ ထွက်ပြေးတိမ်းရှောင်သူတွေရှိနေပြီး ဒေါပေါ်ကူးကျေးရွာမှာ ထွက်ပြေးတိမ်းရှောင်ရင်း ကားနဲ့ ဆိုင်ကယ်ချိတ်မိပြီး အသက်၈နှစ်အရွယ် ကလေးငယ်တစ်ဦး သေဆုံးခဲ့ရပါတယ်။

စစ်ကောင်စီက လက်နက်ကြီးတွေနဲ့ ပစ်ခတ်မှုကြောင့် စံပြ၆မိုင်မှာ နေအိမ်အချို့မီးလောင်သွားပြီး ဒေါစဲကျေးရွာက နေအိမ် ၄လုံးလက်နက်ကြီးစင်သွားပါတယ်။

More from the blog

လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာများကို တောင်ကြီးကိုရွေ့ပြောင်း

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့ရှိ ကုတင်(၅၀၀)ဆန့် လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာတွေ ဇန်နဝါရီလ ၁၅ ရက်နေ့မှာ တောင်ကြီးမြို့ကို ရွေ့ပြောင်းသွားတယ်လို့ လွိုင်ကော်မြို့ဒေသခံဆီကနေ သိရပါတယ်။ “တောင်ကြီးကို ပြောင်းချင်တဲ့သူက...

လွိုင်ကော်တိုက်ပွဲအတွင်း ပြည်သူတစ်ဦး လက်နက်ကြီးထိမှန်

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့အတွင်းမှ ဖြစ်ပွားခဲ့တဲ့တိုက်ပွဲကြောင့် ဒေါတမရပ်ကွက်နေ ဒေသခံပြည်သူတစ်ဦး လက်နက်ကြီးထိမှန်ပြီး ထိခိုက်ဒဏ်ရာ ရရှိခဲ့တယ်လို့ ဒေသခံတွေဆီကနေ သိရပါတယ်။ “ တစ်ယောက်ထိထားတယ်။ ဝင်ခေါ်လို့လည်း မဖြစ်နိုင်သေးဘူး။ ဆေးရုံပို့ဖို့လည်း...

ကရင်နီပြည်နယ်မှာ စစ်ရှောင်ပြည်သူတွေအတွက် လုံခြုံတဲ့ စစ်မဲ့ဇုံ သတ်မှတ်ဖို့လိုအပ်နေ

ကန္တာရဝတီတိုင်း(မ်) စစ်ကောင်စီတပ်က တိုက်လေယာဉ်တွေ ရဟတ်ယာဉ်တွေနဲ့ လက်နက်ကြီးတွေ ထိုးစစ်ဆင်ခံနေရတဲ့ ကရင်နီပြည်သူလူထုတွေရဲ့ ဘဝ လုံခြုံတဲ့ စစ်မဲ့ဇုံ Safe Zone သတ်မှတ်ဖို့ အရေးတကြီးလိုအပ်နေပြီဖြစ် တယ်လို့ ကရင်နီပြည်နယ်အတိုင်ပင်ခံကောင်စီ(KSCC) ပြောခွင့်ရပုဂ္ဂိုလ် ဦးအောင်ဆန်းမြင့် က...

ကရင်နီပြည်နယ်ရဲဌာန(KSP)နှင့် တွေ့ဆုံမေးမြန်းခြင်း

ကန္တာရဝတီတိုင်း(မ်) ကရင်နီပြည်နယ်ရဲဌာန (KSP) ဟာ CDM လုပ်တဲ့ ရဲတွေနဲ့ ဖွဲ့စည်းထားတဲ့အဖွဲ့ဖြစ်ပြီး ကရင်နီပြည်နယ်အတိုင်ပင်ခံကောင်စီ (KSCC) လက်အောက်က ဌာနတစ်ခုလည်းဖြစ်ပါတယ်။ KSP ကနေပြီးတော့ ကရင်နီပြည်အတွင်း ဖမ်းဆီးရမိထားတဲ့...