spot_img
Monday, February 6, 2023
spot_img

ဒီးမော့ဆိုမြို့ နယ်မှာ မေလ ၁၇ရက်နေ့ တစ်ရက်အတွင်း တိုက်ပွဲ ၃နေရာဖြစ်ခဲ့

spot_imgspot_imgspot_imgspot_img

လေးမြာ / ကန္တာရ၀တီတိုင်း(မ်)

ကရင်နီပြည် ၊ဒီးမော့ဆိုမြို့နယ်အတွင်း မေလ (၁၇) ရက် တစ်ရက်ထဲမှာ ကရင်နီဒေသခံ ကာကွယ်ရေးပူးပေါင်း တပ်ဖွဲ့တွေ နဲ့ စစ်ကောင်စီတပ် တို့ဟာ ဒေါငံခါး၊ မြို့မစျေး နဲ့ ကုန်းသာကျေးရွာ စတဲ့ သုံးနေရာမှာ တိုက်ပွဲဖြစ်ခဲ့တယ်လို့ ပြည်သူ့ကာကွယ်ရေးတပ်ဖွဲ့ အသီးသီးတွေက ထုတ်ပြန်ထားကြပါတယ်။

“ဒီးမော့ဆိုဖက်ကလည်း အဓိကက ရဲစခန်းဖက်မှာ စစ်ကောင်စီဖက်ကစပြီးတော့ လှုပ်ရှားမှုတွေ အပြင်ထွက်တာတို့ ရှိနေတဲ့အချိန်မှာပေါ့။ ကျတော်တို့ ဒီကာကွယ်ရေးတပ်တွေနဲ့ စပြီးတော့ ထိတွေ့မှုဖြစ်တာ ဆိုတော့ ဒီးမော့ဆိုဖက်မှာလည်းဖြစ်တယ်။ ဒါပေမယ့် ဒီးမော့ဆိုဖက်မှာဖြစ်တဲ့တိုက်ပွဲက ကြီးကြီး မားမားတော့ မဟုတ်ဘူလေးနော်။ စစ်ကောင်စီရဲ့ လမ်းခရီးတွေကို ခြုံခိုတိုက်ခိုက်တဲ့ အနေအထား မှာပဲရှိတယ်” လို့ KNDF တာဝန်ရှိသူတစ်ဦးက ပြောပါတယ်။

ဒီးမော့ဆိုမြို့၊ မြို့မစျေးမှာ နံနက် ၁၀နာရီအချိန် စစ်ကောင်စီ နဲ့ ၂နာရီကြာ တိုက်ပွဲဖြစ်ပွားခဲ့တယ်လို့ KNDF B-19 က ထုတ်ပြန်ထားပါတယ်။ ဒါ့အပြင် ဒီးမော့ဆိုမြို့မရဲစခန်းမှာကနေ အပြင်ကို ကင်းထောက်သွားလာနေတဲ့ စစ်ကောင်စီကို ထပ်မံပြီး အလစ်ငိုက်တိုက်ခိုက်ခဲ့ပါတယ်။

စစ်ကောင်စီသုံးဦး သေဆုံးခဲ့ပြီး KNDF ဘက်က ထိခိုက်မှုမရှိခဲ့ဘူးလို့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် ဒေါငံခါးကျေးရွာရှိ ပြည်သူနေအိမ်ပေါ်တပ်စွဲထားတဲ့ စစ်ကောင်စီတပ်ကိုလည်း ပြည်သူ့ကာကွယ်ရေးတပ်- ဒီးမော့ဆို (DMO-PDF) တပ် ဗျူဟာ ၁ A, B, J, F တပ်ရင်း၊ အလယ်ပိုင်းတိုင်း ၁၁၀၂ တပ်ရင်း၊ လွိုင်ကော် PDF နဲ့ KRU မဟာမိတ်တပ်အချို့ပူးပေါင်းကာ မနေ့က သွားရောက်တိုက်ခိုက်ခဲ့ပြီး ၂နာရီ ကြာအောင်တိုက်ပွဲဖြစ်ပွားခဲ့လို့ DMO PDF က သတင်းထုတ်ပြန်ပါတယ်။

ဒေါငံခါးတိုက်ပွဲမှာ စစ်ကောင်စီ ဘက်က (၅)ဦးသေဆုံးခဲ့ပြီး ပူးပေါင်းတပ်ဖွဲ့ဘက်က အထိအခိုက်မရှိ ပြန်လည်ဆုတ်ခွာနိုင်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ည(၈)နာရီ အချိန်မှာတော့ ကုန်းသာကျေးရွာ အနီး စစ်ကောင်စီတပ်တွေ ညကင်းလှည့်နေစဥ် ကရင်နီတော်လှန်ရေးတပ်ပေါင်းစု (KRU) အဖွဲ့ မှ ရှောင်တခင် ပြောက်ကျား ဝင်ရောက်တိုက်ခိုက်ခဲ့ပါတယ်။

တိုက်ခိုက်မူ အတွင်း စစ်ကောင်စီတပ် မှ (၃) ဦးသေဆုံးခဲ့ပြီးထိခိုက်ဒဏ်ရာ ရရှိမူများ ရှိခဲ့ပြီး (KRU) ဘက်မှ ရဲဘော်တစ်ဦး မစိုးရိမ် ဒဏ်ရာအသေးစားရရှိခဲ့ပါတယ်။

စစ်ကောင်စီဖက် မှ အထိနာခဲ့တဲ့အတွက် ည (၈)နာရီ (၂၀) မိနစ် တွင်လက်နက်ကြီး ၊ တင့်ကား လက်နက်ငယ် များရမ်းသမ်းပစ်ခတ်ခဲ့တယ်လို့ သိရပါတယ်။ လက်နက်ကြီး ပစ်ခတ်မှုကြောင့် ပြည်သူနေအိမ် တချို့ ထိခိုက်ပျက်စီးတာတွေလည်း ရှိခဲ့တယ်လို့ သိရပါတယ်။ဓါတ်ပုံ – KNDF B-19

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...