spot_img
Tuesday, September 27, 2022
spot_img

ဒီးမော့ဆိုအနောက်ခြမ်းရှိ စစ်ဘေးရှောင်စာသင်ကြားမှု ကိုဗစ်ကြောင့် ရပ်တန့်ရ

spot_imgspot_imgspot_imgspot_img
ဓာတ်ပုံ – CJ

ကရင်နီပြည်နယ်မှာ ဖြစ်ပွားလျက်ရှိတဲ့ တိုက်ပွဲများကြောင့် ပြည်သူအများအပြား ဘေးလွတ်ရာကို ပြောင်းရွှေ့ခဲ့ကြရပါတယ်။

စစ်ဘေးရှောင်ပြည်သူတွေထဲမှာ ပညာသင်ကြားရမယ့် ကလေးသူငယ်အရွယ်များလည်း ပါဝင်နေတာဖြစ်ပြီး ၄င်းတို့ရဲ့ ပညာရေးနှောက်နှေးမသွားစေဖို့ ကြိုးစားပေမယ့်လည်း တစ်ချို့ကျေးရွာတွေမှာတော့ လက်ရှိ ဖြစ်ပွားနေတဲ့ covid ကပ်ရောဂါကြောင့် ရပ်တန့်လိုက်ရတယ်လို့ သိရပါတယ်။

” ဒီအခြေအနေကြောင့် ကျမတို့ကလေးတွေကို စာသင်ပေးမယ့် အစီအစဥ်ပျက်သွားတယ်ဆိုတာ ဟုတ်ပါတယ်။ ဘာဖြစ်လို့လဲဆိုရင် ရောဂါကြောင့်ပေါ့နော်။ ဘာဖြစ်လို့လဲဆိုရင် လူစုလူဝေးလည်း မနေရဘူး။ ပြီးတော့အဖွဲ့လိုက် လုပ်ရှားလိုမရလို့ အဲ့လိုပျက်သွားတာ ဖြစ်တယ်ပေါ့နော်။” လို့ လိုဘာခိုကျေးရွာမှ စေတနာ့ဝန်ထမ်း ဆရာမတစ်ဦးက ပြောပါတယ်။

လိုဘာခိုကျေးရွာမှာတော့ ကျေးရွာအတွင်းမှာရှိတဲ့ ကျောင်းနေအရွယ်ကလေးများအပြင် စစ်ရှောင်ပြည်သူထဲမှ ကလေးတွေကိုလည်း စာသင်ဖို့စီစဥ်ခဲ့ကြပြီး စုစုပေါင်း ကျောင်းသား/သူဦးရေ (၄၀၀) နီးပါးရှိကာ မှုလတန်းမှ အလယ်တန်းထိ သင်ကြားပေးဖို့ စီစဉ်ထားတာ ဖြစ်ပါတယ်။

ဒီးမော့ဆိုမြိို့နယ် အနောက်ဖက်ခြမ်း ဟိုဝမ်အထက်ကျေးရွာမှာလည်း ပြီးခဲ့တဲ့ ဂျွန်လ တုန်းက တစ်လတာ ကလေးတွေကို စာသင်ကြားပေးခဲ့ပေမယ့်လည်း လိုအပ်ချက်အခက်အခဲများ ရှိနေတဲ့အတွက်ကြောင့် ဆက်မသင်ပေးဖြစ်ဘူးလို့ သိရပါတယ်။

မူလတန်းကနေ အထက်တန်းထိ စာသင်ကြားပေးခဲ့တာဖြစ်ပြီး စာသင်ချိန်တစ်လတာအတွက် ထောက်ပံ့ပေးမယ့်အဖွဲ့အစည်း ရှိခဲ့ပေမယ့် နောက်ပိုင်းမှာတော့ အထောက်အပံ့ မရရှိတော့တဲ့အတွက် ဆက်သင်ကြားနိုင်ဖို့ ခက်ခဲသွားတာဖြစ်တယ်လို့ သိရပါတယ်။

“အရင်တုန်းက ဘုရားကျောင်းမှာသင်ပေးတယ်။ စာက (၄)ပတ်စာပဲ ရှိတယ်လေး။ သူတို့ထောက်ပံ့ပေးတဲ့ စာတွေပေါ့။ ပြီးတော့ အဲ့ဒီ(၄)ပတ် ပြီးတာနဲ့ ပိတ်ခဲ့ရတယ်။ စာအုပ်ကလည်း မလာတော့ဘူး။ နောက်တစ်သုတ်မလာတော့တဲ့ခါကျတော့ ပိတ်ခဲ့ရတယ်။” လို့ ဟိုဝမ်အထက်ရွာမှ ဆရာမတစ်ဦးက ပြောပါတယ်။
စာသင်ချိန်ကာလမှာလည်း ကျောင်းသား၊ ကျောင်းသူ တစ်ရာကျော်အတွက် စာရေးခုံ၊ နေရာထိုင်ခင်း၊ စာရေးကိရိယာ၊ သင်ထောက်ကူပစည်းများနဲ့ ဆရာ/ မ လုံလောက်မှုမရှိပဲ အဆင်ပြေသလိုသာ သင်ခဲ့ရတယ်လို့ ဆိုပါတယ်။

ဒါ့အပြင် covid စည်းကမ်းနှင့်အညီသင်ကြားနိုင်ဖို့အတွက် လိုအပ်တဲ့ mask နှင့် လက်သန့်ဆေးရည်တွေလည်း လိုအပ်ချက်ရှိနေတယ်လို့ သင်ကြားပေးခဲ့တဲ့ စေတနာ့ဝန်ထမ်း ဆရာမတွေက ပြောပါတယ်။

spot_imgspot_imgspot_imgspot_img

More from the blog

မိုးဗြဲမြို့ မွေတော်ဘုရားဘုန်းကြီးကျောင်းမှာ ၈ရက်ကြာ ပိတ်မိနေတဲ့ ပြည်သူတွေရှိနေသေး

ကန္တာရဝတီတိုင်း( မ် ) ရှမ်း-ကရင်နီနယ်စပ် မိုးဗြဲမြို့ မွေတော်ဘုရား ဘုန်းကြီးကျောင်းမှာ စက်တင်ဘာလ ၁၉ရက်နေ့ကနေ ဒီကနေ့ ၂၆ရက်နေ့အထိ ပြည်သူတချို့ ပိတ်မိနေတာ ၈ ရက်မြောက်ရှိပြီဖြစ်တယ်လို့ ကယ်ဆယ်ရေးဆောင်ရွက်နေကြတဲ့ အဖွဲ့ဆီကနေ သိရပါတယ်။ “မြို့တွင်းက မွေတော်ဘက်မှာတော့ အဲ့ဒီဘက်မှာတော့ ညီမတို့လည်း ဝင်လို့မရဘူး။ စစ်ကောင်စီမြို့ထဲမှာ အကုန်လုံး ထိုင်ထားတယ်ဆိုတော့...

စက်တင်ဘာလအတွင်း DMO-PDF ရဲဘော် ၄ဦးကျဆုံး၊ စုစုပေါင်း ကျဆုံးသူ ၃၉ဦးရှိနေပြီး အများစုမှ လက်နက်ကြီးထိမှန်ကျဆုံးခဲ့ရ

ကန္တာရဝတီတိုင်း(မ်) စက်တင်ဘာလ ၉ရက်နေ့ကနေ ၂၆ရက်နေ့အထိ ဒီးမော့ဆိုမြို့နယ် ပြည်သူ့ကာကွယ်ရေးတပ် (DMO-PDF)ရဲဘော် ၄ဦး ကျဆုံးခဲ့ပြီး ၄ဦးထဲမှာ ရဲဘော် ၂ဦးကတော့ မိုင်းနင်းမိပြီး ကျဆုံးခဲ့တယ်လို့ (DMO-PDF)သတင်းနဲ့ပြန်ကြားရေး တာဝန်ရှိသူတစ်ဦးက ပြောပါတယ်။ အာဏာသိမ်းမှုနောက်ပိုင်း ဒေသအတွင်း တိုက်ပွဲတွေမှာ ကျဆုံးခဲ့ရတဲ့ ရဲဘော် ၃၉ဦးရှိပြီ အပြန်အလှန်ပစ်ခတ်မှု၊ လက်နက်ကြီးထိမှန်မှု၊ တာဝန်ထမ်းဆောင်ရင်း...

အစဉ်အလာမပြတ် ကယားရိုးရာ အဲဒိုပေါ်မှီ(ခေါ်) ဒီးကူပွဲ ပြုလုပ်

CJ (ကန္တာရဝတီတိုင်း(မ်)) ဖရူဆိုမြို့နယ် အနောက်ဘက် စစ်ဘေးရှောင် တစ်နေရာမှာ နှစ်စဉ် အစဉ်အလာမပြတ် ကျင်းပလာခဲ့ကြတဲ့ ကယားရိုးရာ အဲဒိုပေါ်မီ (ခေါ်) ဒီးကူပွဲကို စက်တင်ဘာလ ၂၅ ရက်နေ့က အကျဉ်းချုံး ကျင်းပပြုလုပ်ခဲ့ပါတယ်။ "ကျမတို့က ဒီရိုးရာကို ပယ်ဖျက်လို့မရတဲ့ အတွက်ကြောင့်ပေါ့နော။ ကျမတို့ အဓိက တန်ဖိုးထားတဲ့ အရာမလို့...

စစ်ကောင်စီတပ်မှ ပြည်သူပိုင် တိရိစ္ဆာန်တွေကို ခိုးယူသတ်ဖြတ်တာတွေ လုပ်ဆောင်နေ

ကန္တာရဝတီတိုင်း(မ်) ဖရူဆိုမြို့၊ ထီးကူးဆို ရပ်ကွက်အတွင်းက ဒေသခံတွေရဲ့ နွားတွေကို စစ်ကောင်စီတပ်ဖွဲ့တွေနဲ့ ရဲတပ်ဖွဲ့ ခိုးယူသတ်ဖြတ်တာတွေ လုပ်ဆောင်နေတယ်လို့ ကရင်နီအမျိုးသားများကာကွယ်ရေးတပ်(KNDF)က ဒီကနေ့(စက်တင်ဘာ ၂၄ရက်)မှာ သတင်းထုတ်ပြန်ထားပါတယ်။ ဒေသခံပြည်သူတွေရဲ့ နွားတွေကို ခိုးယူသတ်ဖြတ်ပြီး ဆိုင်ကယ်သုံးစီးနဲ့ သယ်ဆောင်နေကြတဲ့ စစ်ကောင်စီတပ်ဖွဲ့နဲ့ရဲတပ်ဖွဲ့ ၁၀ဦး ကို ယမန်နေ့ ည ၄နာရီအချိန် KNDF...