spot_img
Friday, March 24, 2023
spot_img

ဒီးမော့ဆို ခြေတော်ရာဘုရားနဲ့ သဲတောင်အနီးတိုက်ပွဲဖြစ်၊ စကစမှ အတွဲလိုက်ဒုံးများနဲ့ လက်နက်ကြီးများ အလွန်အကျူးအသုံးပြုလာ

spot_imgspot_imgspot_imgspot_img



ကန္တာရဝတီတိုင်း(မ်)

ယမန်နေ့ (ဩဂုတ်လ ၂၀ ရက်) မှာ ဒီးမော့ဆိုမြို့ ရူးဖယ်ခူရပ်ကွက်ရှိ ခြေတော်ရာဘုရားနဲ့ သဲတောင် အနီးတွင် စစ်ကောင်စီတပ်နဲ့ KA , KNDF B -19 တို့ တိုက်ပွဲပြင်းထန်ခဲ့ပြီး စစ်ကောင်စီဖက်မှ အတွဲလိုက် ဒုံးတွေနဲ့ လက်နက်ကြီးတွေ အလွန်အကျူး အသုံးပြုလာတယ်လို့ KNDF B-19 မှ ဩဂုတ်လ ၂၀ ရက် နေ့မှာ ထုတ်ပြန်ထားပါတယ်။

မနက် ၅ နာရီ ခွဲဝန်းကျင် အချိန်မှာ တိုက်ပွဲစတင်ဖြစ်ပွားခဲ့ပြီး ညနေပိုင်းအထိ တနေ့ကုန် တိုက်ပွဲဖြစ်ပွားခဲ့ပါတယ်။  KNDF တပ်ဖွဲ့မှရဲဘော်တစ်ဦး ကျဆုံးခဲ့တယ်လို့ ကရင်နီပြည်အစိုးရ ကာကွယ်ရေး ဒု – ဝန်ကြီး ခူးဒယ်နီယာယ်က ပြောပါတယ်။

“တိုက်ပွဲဖြစ်တာဟုတ်တယ် မနက် ၆ နာရီကျော်ကတည်းကနေ ညမိုးချုပ်အထိ သို့သော် ရန်သူဖက်က အကျအဆုံးကို မသိရဘူး ဒီဖက်ကတော့ KNDF တပ်ဖွဲ့ဝင်တစ်ဦး ကျသွားတယ်လို့ ကြားရတယ်။ နောက်ပြီးတော့မှ တစ်ချို့ဒဏ်ယာရတယ်ပေါ့လေ။ ရန်သူဖက်ကထိခိုက်နစ်နာမှုကတော့ မသိရဘူး” လို့ ခူးဒယ်နီယာယ်ကပြောပါတယ်။


စစ်ကောင်စီအာဏာသိမ်းပြီး တစ်နှစ်ကျော်ကာလအတွင်း ကရင်နီပြည်မှာ ယနေ့ချိန်အထိ နေ့စဉ်ရက်ဆက်ဆိုသလို တိုက်ပွဲတွေဖြစ်နေပြီး စစ်ကောင်စီဖက်က လက်နက်ကြီးတွေ သာလွန် အင်အားဖြည့်တင်း အသုံးပြုလာတယ်လို့ ခူဒယ်နီယာယ်ကဆက်ပြောပါတယ်။


ကရင်နီပြည်မှာ စစ်ရေးတင်းမာရှိနေတာကြောင့် ပြည်သူတွေအနေနဲ့ အသွားအလာ ဆင်ခြင်ကြဖို့ ကရင်နီပြည်အစိုးရ ကာကွယ်ရေး ဒု – ဝန်ကြီး ခူဒယ်နီယာယ်က ပြည်သူတွေကို အသိပေးထားပါတယ်။


“တိုက်ပွဲတွေကတော့ ဆက်ဖြစ်နေအုံးမှာပဲ ။သူတို့ အဓိကကတော့ မြို့ပြ ပြည်သူတွေကိုထိန်းနိုင်ဖို့ သူတို့ တပ်ရင်းဌာနချုပ်ကို ထိန်းနိုင်ဖို့ နောက်ပြီးတော့မှ ပြည်ထောင်စုလမ်းမတွေကို ထိန်းနိုင်ဖို့က သူတို့ စစ်ဆင်ရေးတွေ လုပ်နေမှာပဲ။ ” လို့ ခူဒယ်နီယာယ်က ပြောပါတယ်။


ကရင်နီပြည်မှာ တိုက်ပွဲဖြစ်ပွားခြင်းမရှိတဲ့နေရာတွေ၊ စစ်ဘေးရှောင်တွေရှိတဲ့ နေရာတွေကို စစ်ကောင်စီဖက်မှ နေ့စဉ်နီးပါး လက်နက်ကြီးနဲ့ လှမ်းထုတွေ ပြုလုပ်တာကြောင့် ပြည်သူတွေ သေဆုံးမှုတွေရှိသလို ထိခိုက်ဒဏ်ယာ ရတာနဲ့ အဆောက်အအုံတွေ ပျက်စီးတာတွေ ရှိနေပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို လေကြောင်းတိုက်ခိုက်ပြီး နေအိမ် ( ၁၀၀ ) ဝန်းကျင် မီးလောင်ပျက်စီး

ကန္တာရဝတီ တိုင်း(မ်) ဒီကနေ့ မတ်လ ၂၄ ရက်နေ့ ကရင်နီပြည်၊ ဒီးမော့ဆိုမြို့နယ် အရှေ့ဘက်ခြမ်း တစ်နေရာကို စစ်ကောင်စီတပ်မှ လေကြောင်းဖြင့် တိုက်ခိုက်မှု ပြုလုပ်ခဲ့တယ်လို့ ကန္တာရဝတီတိုင်း(မ်)ရဲ့ မြေပြင်သတင်းထောက်မှ သတင်းပေးပို့ချက်အရ သိရပါတယ်။ ကျေးရွာတစ်ရွာထဲကို ယနေ့ နေ့လည် ၁၂ နာရီ မိနစ် ၄၀ ဝန်းကျင်မှာ...

စစ်ကောင်စီစစ်ကြောင်းထိုးမှုကြောင့် ကရင်နီ စစ်ရှောင်ဦးရေ နှစ်သိန်းခွဲအထိ ရှိလာ

ကန္တာရဝတီတိုင်း(မ်) ကရင်နီပြည်နယ်အတွင်းမှာ စစ်ကောင်စီတပ်ရဲ့ စစ်ကြောင်းထိုးမှုတွေကြောင့် စစ်ရှောင်ပြည်သူ နှစ်သိန်းခွဲအထိ ရှိလာပြီလို့ ကရင်နီပြည်အတိုင်ပင်ခံကောင်စီ(KSCC) ရဲ့ လူသားချင်းစာနာထောက်ထားမှုကော်မတီ တာဝန်ခံ ဦးဗညားက ပြောပါတယ်။ “အနည်းဆုံးကတော့ ၂သိန်းခွဲရှိသွားပြီလို့ ကျနော်တို့က ယတိပြတ်ပြောလို့ရသွားပြီပေါ့နော။ ဘာဖြစ်လို့ အဲ့လိုပြောရတာလဲဆိုရင်တော့ အရင်က ၂ သိန်းဝန်းကျင် ရှိတယ်လို့ ခန့်မှန်းခဲ့ကြတယ်။ ဒီလိုမျိုးခန့်မှန်းချက်ကလည်း မြို့နယ်အလိုက်...

ဒီးမော့ဆိုအရှေ့ဘက် (၂)ပတ်ကျော် တိုက်ပွဲအတွင်း စစ်ကောင်စီတပ်မှ တစ်ရာဝန်းကျင် သေဆုံးပြီး ပူးပေါင်းတပ်မှ (၄)ဦးကျဆုံး

ကန္တာရဝတီတိုင်း(မ်) ဒီးမော့ဆိုအရှေ့ဘက်ခြမ်းမှာ မတ်လ ဒုတိယအပတ်ကနေစပြီး စစ်ကြောင်းထိုးနေတဲ့ စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲဖြစ်ပွားနေတာ ၂ပတ် ကျော် ရှိလာပြီဖြစ်ပါတယ်။ အဲဒီတိုက်ပွဲတွေအတွင်းမှာ နှစ်ဖက် ထိခိုက်ကျဆုံးမှုတွေ ရှိနေပြီး စစ်ကောင်စီဖက် တစ်ရာဝန်းကျင်သေဆုံးပြီး ပူးပေါင်းတပ်မှ (၄)ဦး ကျဆုံးခဲ့တယ်လို့ သိရပါတယ်။ “ အရေအတွက်တော့ မသိဘူး။ ဒါပေမယ့် အကျအဆုံးတော့...

ဒီးမော့ဆိုအရှေ့ဘက်ခြမ်းတိုက်ပွဲအတွင်း KNDF တပ်ရင်း (၁၀)မှ ရဲဘော်နှစ်ဦးကျဆုံး

ကန္တာရဝတီတိုင်း(မ်) တိုက်ပွဲနေ့စဉ်ဖြစ်ပွားနေတဲ့ ကရင်နီပြည် ဒီးမော့ဆိုအရှေ့ဘက်ခြမ်းရှိ ဒေါညေးခူ၊ ဒေါတမကြီးကျေးရွာတိုက်ပွဲအတွင်း ကရင်နီအမျိုးသားများကာကွယ်ရေးတပ် ( KNDF ) တပ်ရင်း (၁၀)မှ ရဲဘော်နှစ်ဦး ကျဆုံးခဲ့တယ်လို့ KNDF တပ်ရင်း (၁၀)က ဒီကနေ့ ( မတ်လ ၂၄ ရက်နေ့) မှာ သတင်းထုတ်ပြန်ပါတယ်။ စစ်ကြောင်းသုံးကြောင်းနဲ့ ထိုးစစ်ဆင်လာတဲ့...