spot_img
Wednesday, February 1, 2023
spot_img

ဒီးမော့ဆို အရှေ့ဘက်ခြမ်းက ကျေးရွာတစ်ရွာမှာ ရိုးရာ အဲ့ဒိုပေါ်မှီ ( ခေါ် ) ဒီးကူပွဲ အကျဉ်းချုပ်ပြုလုပ်

spot_imgspot_imgspot_imgspot_img



ကန္တာရဝတီတိုင်း( မ် )

ကရင်နီပြည် ဒီးမော့ဆိုမြို့ နယ် အရှေ့ဘက်ခြမ်းက ကျေးရွာတစ်ရွာမှာ ကယားရိုးရာအဲ့ဒိုပေါ်မှီ ( ခေါ် ) ဒီးကူပွဲ ကို ၁၄ရက်၊ ၁၅ရက်နဲ့ ၁၆ရက်နေ့တွေမှာ အကျဉ်းချုပ်ပြုလုပ်ကျင်းပခဲ့တယ်လို့ သိရပါတယ်။

နိုင်ငံရေးအခြေအနေကြောင့် အခုလို အကျဉ်းချုပ်ပြုလုပ်ခဲ့ရတာဖြစ်ပြီး ရိုးရာဓလေ့ကို ဆက်လက်ထိန်းသိမ်းချင်တဲ့အတွက် မဖြစ်မနေကျင်းပရတာဖြစ်တယ်လို့ ဒေသခံ လူငယ်တစ်ဦးက ပြောပါတယ်။


“ကျနော်တို့ ရိုးရာဓလေ့ကို ထိန်းသိမ်းချင်လို့ မြတ်နိုးလို့ ကိုယ့်ရိုးရာဓလေ့မပပျောက်အောင်လို့ ကျနော်တို့ လုပ်တာဖြစ်တယ်။ ကျနော်တို့ ဘယ်လိုအခြေအနေပဲရောက်ရောက် ကျနော်တို့ ရိုးရာဓလေ့ကို ကျနော်တို့ မဖြစ်မနေ ဒီတစ်နှစ်ကို တစ်ခါပဲ ကျရောက်တဲ့ ဒီရိုးရာဓလေ့ကို မဖြစ်မနေ လုပ်ရမယ်။ လုပ်သင့်တယ်။ ထိန်းသိမ်းသင့်တယ်ဆိုတဲ့ ရည်ရွယ်ချက်နဲ့ ကျနော်တို့ ရအောင် လုပ်တာဖြစ်ပါတယ်။” လို့ ၎င်းက ပြောပါတယ်။

အဲ့ဒိုပေါ်မှီ( ခေါ် ) ဒီးကူပွဲကို အကျဉ်းချုပ်ပြုလုပ်တဲ့အတွက် နှစ်စဉ်ပြုလုပ်နေကျ မီးကျည်လွှတ်တာ၊ ဆွေမျိုးမိတ်ဆွေတွေကို ဖိတ်ခေါ်တာတွေ မပြုလုပ်ခဲ့ဘူးလို့ ဆိုပါတယ်။

စိတ်မလုံခြုံမှုကြားထဲကနေ ဒီလို ရိုးရာပွဲကို မဖြစ်မနေကျင်းပခဲ့တာဖြစ်တယ်လို့ ဒေသခံ လူငယ်တစ်ဦးက ဆက်ပြောပါတယ်။

“စိတ်လုံခြုံမှု လုံးဝမရှိဘူး။ စိုးရိမ်စိတ်နဲ့ပဲ လုပ်ရတယ်ပေါ့နော။ ဥပမာကျနော်တို့ ဒီပွဲကို အကျဉ်းချုပ်လုပ်နေရပေမယ့်လည်း စစ်ကောင်စီကနေ သတင်းတွေကြားပြီးတော့ အပေါ်ကနေ လေယာဉ်နဲ့ လာကျဲချမလား။ သို့မဟုတ်ရင် သူတို့ အဝေးပစ် တာဝေးလက်နက်ကြီးတွေနဲ့ အဝေးကနေ လှမ်းထုမလား။ ကိုယ်ပွဲလုပ်နေတဲ့အချိန်မှာ လှမ်းထုမလား။ စိတ်မလုံခြုံမှုတွေနဲ့ ကိုယ့်ရဲ့ ရိုးရာဓလေ့ပွဲကို ပြုလုပ်ရတယ်။ ခါတိုင်းနှစ်ဆိုရင် အဲ့ဒီလိုမျိုး စိုးရိမ်စိတ်တွေ လုံးဝမရှိဘူး။ လွှတ်လွှတ်လပ်လပ် ပျော်ပျော်ပါးပါးနဲ့ လုပ်ရတယ်။ ဒီနှစ်ခါကျတော့ စိတ်လုံခြုံမှု လုံးဝမရှိဘူး။ ပြီးတော့ စိုးရိမ်စိတ်အပြည်နဲ့ လုပ်ရတယ်ပေါ့နော။” လို့ ၎င်းက ပြောပါတယ်။

ကယားရိုးရာ အဲ့ဒိုပေါ်မှီ( ခေါ် ) ဒီးကူပွဲကို ရိုးရာဓလေ့အရ နှစ်စဉ် တစ်နှစ်တစ်ကြိမ် ကျေးရွာတစ်ရွာပြီးတစ်ရွာ ကျင်းပလေ့ရှိကြပါတယ်။ ဩဂုတ်လဝက်လောက်မှာ စတင်ပြုလုပ်ကြပြီး အောက်တိုဘာလအထိ အလှည့်ကျ ပြုလုပ်ကြပါတယ်။

ပြီးခဲ့တဲ့ ၂၀၂၀ခုနှစ် ကိုဗစ်ရောဂါကူးစက်ပျံ့နှံ့ချိန်မှာလည်း ပွဲကို အကျဉ်းချုပ်သာ ပြုလုပ်ခဲ့ရပါတယ်။ အခြေအနေအမျိုးမျိုးကြားထဲက ရိုးရာဓလေ့ပွဲကို ပွဲကြီး ကျင်းပပြုလုပ်တာရှိသလို အကျဉ်းချုပ်ပြုလုပ်ပြီး ရိုးရာဓလေ့ မပပျောက်အောင် နှစ်စဉ်ကျင်းပလေ့ရှိပါတယ်။

spot_imgspot_imgspot_imgspot_img

More from the blog

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...

အရေးပေါ်ရွေ့ပြောင်းလာတဲ့ စစ်ရှောင်တွေကို စာသင်ကျောင်းမှာနေရာချထား၊ ကျောင်းယာယီပိတ်ထားရ

ကေးဒူ ( ကန္တာရဝတီတိုင်း(မ်)) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ ဇန်နဝါရီလ ၂၅ ရက်နေ့က တိုက်ပွဲကြောင့် အရေးပေါ် ထွက်ပြေးတိမ်းရှောင်လာတဲ့ ဒီးမော့ဆိုအရှေ့ခြမ်းက ဒေသခံကျေးရွာ အပါအဝင် တိုက်ပွဲနဲ့ နီးတဲ့ စစ်ရှောင်စခန်းတွေမှာနေထိုင်တဲ့ လူဦးရေ သုံးထောင်ငါးရာ ဝန်းကျင်လောက် အတွက် နေရာထိုင်ခင်းတွေအခက်ခဲဖြစ်နေတယ်လို့ ဒေသခံတွေက ပြောပါတယ်။ လက်ရှိမှာတော့...