ဒုက္ခသည်များမှတ်ပုံတင်ပြုလုပ်ရန် အခက်အခဲရှိနေ

ပြန်လည်အခြေချနေထိုင်မည့် ဒုက္ခသည်များနေရာအတည်တကျနေထိုင်ရန်အတွက် မှတ်ပုံတင်ပြုလုပ်နိုင်ရန် အခက်အခဲရှိနေသည်ဟု ရှားတောမြို့နယ် ပြည်သူ့လွှတ်တော်ကိုယ်စားလှယ် ဒေါ်ဝင့်ဝါထွန်းက ပြောသည်။

“ဒုက္ခသည်စခန်းကနေပြီးတော့ပြန်လည်အတည်တကျနေထိုင်တာမျိုးတော့မရှိသေးဘူး။ သွားလိုက်ပြန်လိုက်ဆိုတာမျိုးရှိတယ်။သူတို့ပြန်လည်အခြေချနေထိုင်ဖို့ခက်ခဲတယ်။” ဟု ဒေါ်ဝင့်ဝါထွန်းကပြောသည်။

နယ်စပ်ဒုက္ခသည်စခန်းတွင် နေထိုင်သူများအနေဖြင့် အတည်တကျပြန်လည်နေထိုင်တာမျိုးမရှိသေးသော်လည်း တောင်ယာလုပ်ကိုင်စိုက်ပျိုးလိုသူတချို့က ဒုက္ခသည်စခန်းနှင့်ကျေးရွာများသို့ အသွားအပြန်ပြုလုပ်၍ စိုက်ပျိုးနေကြသည်။

မယ်စဲမြို့နယ်အတွင်းရှိ ကျေးရွာတချို့တွင် ဒုက္ခသည်စခန်းမှ ပြန်လည်လာရောက်နေထိုင်သူ တချို့ရှိနေသော်လည်း မှတ်ပုံတင်ပြုလုပ်ရန် အခက်အခဲရှိနေသည်ဟု ဖွံ့ဖြိုးရေးလုပ်ငန်း သွားရောက်ဆောင်ရွက်နေသည့် လူငယ်တစ်ဦးက ပြောပါသည်။

“မိသားစုတစ်စုပြန်လာနေတာရှိတယ်။သူတို့မှ အိမ်ထောင်စုလည်းမရှိ မှတ်ပုံတင်လည်းမရှိဘူး။ လဝက ရုံးကလည်းမလုပ်ပေးဘူးပြောတယ်။”ဟု ၎င်းကဆိုသည်။

လူဝင်မှုကြီးကြပ်ရေးဦးစီးဌာနအနေဖြင့် အစိုးရရက်တစ်ရာစီမံချက်တွင် မှတ်ပုံတင်များ ၊ အိမ်ထောင်စုစာရင်းများပြုလုပ်ပေးခဲ့သော်လည်း ဒုက္ခသည်စခန်းမှ တရားဝင်ထွက်လာသူရှိ၊မရှိဆိုသည် အချက်အလက်အသေးစိတ်ကို မသိရှိနိုင်သေးကြောင်း သိရသည်။

ရှားတောမြို့နယ်သည် ယခင်က ကယားပြည်နယ်အတွင်းတွင် တတိယ လူဦးရေအများဆုံးဖြစ်ခဲ့သည့်မြို့နယ်ဖြစ်ပြီး ယခုအခါ အထွေထွေအုပ်ချုပ်ရေးမှူးရုံးမှကောက်ခံထားသည်လူဦးရေစာရင်းအရ ခြောက်ထောင်ကျော်သာရှိကာ ကယားပြည်နယ်အတွင်း လူဦးရေအနည်းဆုံးမြို့အဖြစ် ရပ်တည်နေသည်။

Comments

comments

Next Post

နိုင်ငံတော်တည်ဆောက်မည့်အခန်းကဏ္ဍတွင် မျိုးနွယ်စုငယ်များပါဝင်မှုအားနည်း

Mon Sep 19 , 2016
ငြိမ်းချမ်းရေးဖြစ်စဉ်နှင့် နိုင်ငံတည်ဆောက်မည့်အခန်းကဏ္ဍအပိုင်းတွင် တိုင်းရင်းသားမျိုးနွယ်စုငယ်များပါဝင်မှု အားနည်းနေ သည်ဟု ကော်ယော်မျိုးနွယ်စုကိုယ်စားလှယ် မာတီးယာက ပြောသည်။ နိုင်ငံရေးပါတီမရှိသည့် မျိုးနွယ်စုများ၊ လက်နက်ကိုင်အဖွဲ့အစည်းမရှိသည့် မျိုးနွယ်စုများက နိုင်ငံတော်၏ အခန်းကဏ္ဍများတွင်ပါဝင်မှု အားနည်းနေသည့်အတွက် ရှေ့ဆက် ဆောင်ရွက်ရမည့်လုပ်ငန်းစဉ်များ မျိုးနွယ်စုငယ်များအတွက် အခန်းကဏ္ဍများကို  ထည့်သွင်းစဉ်းစားပေးနိုင်ရန် လိုအပ်သည်ဟု ဆိုသည်။ ” ငြိမ်းချမ်းရေးဆွေးနွေးပွဲပဲပြောပြော ၊ အမျိုးသားချင်းနိုင်ငံရေးဆွေးနွေးပွဲလုပ်ငန်း လမ်းညွန်ရေးဆွဲတဲ့အချိန်မှာသို့မဟုတ်      မူဘောင်တွေရေးဆွဲတဲ့အချိန်မှာ ဒီဟာကို မပါ နိုင်တဲ့မျိုးနွယ်စုတွေကို အခန်းဏ္ဍတစ်ခုအနေနဲ့ ဖော်ပြပေးဖို့ပါ။” ဟု မာတီးယာက ပြောသည်။ တိုင်းရင်းသားလူမျိုးစုများ ရသင့်ရထိုက်သော အခွင့်အရေးရရှိရန်၊ တိုင်းရင်းသားလူမျိုးစုငယ်များက ငြိမ်းချမ်းရေးဖက်ဒရယ်လုပ်ငန်းစဉ်တွင် ပါဝင်ရန် ၊ အခွင့်အလမ်းပေးရှိရန် ၊ တန်းတူအခွင့်အရေးရရှိရန် ၊ မိမိတို့ဒေသတွင် […]