spot_img
Wednesday, November 30, 2022
spot_img

နယ်ခြားစောင့်တပ် ၄ ဦးကို စစ်ကောင်စီသတ်ဖြတ်ခဲ့ပြီး၊ ကလေးတွေအပါအဝင် အမျိုးသမီးတွေပါ ဖမ်းဆီးခေါ်ဆောင်

spot_imgspot_imgspot_imgspot_img

ကန္တာရဝတီတိုင်း(မ်)

ဒီကနေ့ ဖရူဆိုမြို့နယ်ကို စစ်ကြောင်းထိုးဝင်ရောက်လာတဲ့ စစ်ကောင်စီတပ်တွေဟာ ဖရူဆိုမြို့နယ်ထဲက နယ်ခြားစောင့်တပ် ၄ဦးကို သတ်ဖြတ်ခဲ့ပြီး လမ်းသွားလမ်းလာ အမျိုးသမီးတွေနဲ့ ကလေး ၁၀ ဦးကို ဖမ်းဆီးခဲ့တယ်လို့ KNDF တာဝန်ရှိသူတစ်ဦးက ပြောပါတယ်။

“အမျိုးသမီးကောကလေးကောပါတယ်ဗျ။ ဒါပေမဲ့လူဦးရေအတိကျတော့ကျနော်မသိဘူး။…
နယ်ခြားစောင့်တပ်တွေတောင်မှ စစ်တပ်ကသတ်တယ်ဆိုတော့ ဘားမှ ပြောစရာအကြောင်းမရှိဘူးလို့ကျနော်ပြောချင်တယ်။ နယ်ခြားစောင့်တပ်က စစ်တပ်ရဲ့ အုပ်ချုပ်မှုရဲ့တစ်နည်းတစ်စုံ ပါဝင်ပတ်သက်ဆက်နွယ်မှုတွေရှိတယ်ဗျား ကျနော်ပြောချင်တာ။ အဲ့လိုလူတွေတောင်မှ လူလိုသူလိုမဆက်ဆံဘဲ သတ်တယ်ဆိုတော့ ဒါက တော်တော်စဉ်းစားရမှာဖြစ်သွားပြီ။ “ လို့ KNDF တာဝန်ရှိသူတစ်ဦးက ပြောပါတယ်။

အသတ်ခံရတဲ့ နယ်ခြားစောင့်တပ်ဖွဲ့ဝင်တွေဟာ ဖရူဆိုမြို့နယ်၊ မိုဆိုကျေးရွာအနီးမှာ ကင်းစခန်းချထားတဲ့ နယ်ခြားစောင့်တပ် တပ်ဖွဲ့ဝင် တွေဖြစ်ပြီး လက်နောက်ပြန်ကြိုးတုတ် သတ်ဖြတ်ခဲ့တယ်လို့ KNDF ရဲ့ ထုတ်ပြန်ချက်မှာ ပါရှိပါတယ်။

ဒီကနေ့ (ဒီဇင်ဘာလ ၂၄) နေ့လည် ၁၁နာရီခွဲအချိန် မှာ ဒီးမော့ဆိုမြို့နယ်ဖက်ကနေ ဖရူဆိုမြို့နယ်ဖက်ကို စစ်ကြောင်းထိုးလာတဲ့ အကြမ်းဖက်စစ်ကောင်စီနဲ့ ကရင်နီတပ်မတော်(KA)၊KNDF ပူးပေါင်းတပ်ဖွဲ့တို့ ဟာ ဖရူဆိုမြို့နယ် မိုဆိုကျေးရွာအနီးမှာ တိုက်ပွဲဖြစ်ပွားခဲ့ပါတယ်။

လေးနာရီကျော်ကြာမြင့်ခဲ့တဲ့ အဲဒီတိုက်ပွဲမှာ စစ်ကောင်စီဖက်က လက်နက်ကြီး ရမ်းသမ်းပစ်ခတ်တဲ့အတွက် မိုဆိုကျေးရွာနေပြည်သူတစ်ဦး ထိခိုက်ခဲ့ပါတယ်။ ဒါ့အပြင် စစ်ကောင်စီကနေပြီးတော့ ဒန်ပါကား(၃)စီး၊ ကားငယ်(၃)စီး၊ ထော်လာဂျီနဲ့ ဆိုင်ကယ် (၅)စီး မီးရှို့ဖျက်ဆီးခဲ့ပါတယ်။

ဖရူဆိုမြို့နယ် အနောက်ဖက်ခြမ်းက ကျေးရွာ ၂၀ ကျော်လောက်လည်း စစ်ရှောင်နေကြရတယ်လို့ သိရပါတယ်။ဒါ့အပြင် ဒီမနက် လွိုင်ကော်မြို့နယ်အတွင်းမှာ လက်နက်ကြီး ပစ်ခတ်မှုရှိခဲ့ပြီး ဘာဒိုကျေးရွာက ဒေသခံတစ်ဦးသေဆုံးပြီး၊ တစ်ဦးဒဏ်ရာရခဲ့ပါတယ်။

spot_imgspot_imgspot_imgspot_img

More from the blog

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...