spot_img
Friday, May 20, 2022
spot_img

နိုင်ငံတကာအဖွဲ့အစည်းတွေ ကယ်ဆယ်ရေးလုပ်ငန်းအမြန်ဆုံးဆောင်ရွက်သင့်တယ်လို့ဆို

ကန္တာရဝတီတိုင်း(မ်)

ကရင်နီပြည်က စစ်ဘေးရှောင်ပြည်သူတွေအတွက် စားနပ် ရိက္ခာ တွေပြတ်တောက်ခံနေရပြီဖြစ်လို့ လူသားချင်းစာနာထောက်ထားတဲ့ နိုင်ငံတကာအဖွဲ့အစည်းတွေ ကယ်ဆယ်ရေးလုပ်ငန်းတွေအမြန်ဆုံး ဆောင်ရွက်ပေးဖို့လိုနေတယ်လို့ ကရင်နီပြည်အမျိုးသားတိုးတက်​ရေးပါတီ KNPP အတွင်းရေးမှူး ၂ ဦးအောင်ဆန်းမြင့်က တိုက်တွန်း ပြောဆိုလိုက်ပါတယ်။

“တိုက်ပွဲတွေကဆက်ရှိနေမယ် လေယာဉ်နဲ့ဗုံးကြဲမှုတွေရှိနေမယ်ဆိုရင်တော့ လူထုကတော့ ကျနော်တို့ စစ်ဘေးဒဏ်တင်မကဘူး ငတ်မွတ်ခေါင်းပါးဒဏ်ကိုခံရမှာကျိန်းသေတယ်လေ။ ဒါကြောင့်မလို့ ဒါကို လူထုအတွက် အမြန်ဆုံးကယ်ဆယ်ရေးလုပ်ငန်း လုပ်နိုင်အောင်အတွက် နိုင်ငံတကာအဖွဲ့အစည်းတွေ လူသားချင်းစာနာတဲ့အဖွဲ့အစည်းတွေ ကမ္ဘာ့ကုလသမဂ္ဂအဖွဲ့အစည်းတွေက ဒါကိုအမြန်ဆုံးဆောင်ရွက်ပေးဖို့ဆိုပြီးတော့မှ ကျနော်တို့လည်း တိုက်တွန်းတယ် ကျနော်တို့လည်း ရရှိအောင် ကြိုးစားနေတာရှိပါတယ်။” လို့ ဦးအောင်ဆန်းမြင့်က ပြောပါတယ်။

ကရင်နီပြည်နယ်အတွင်းကို ရန်ကုန်၊ မန္တလေးမြို့ကလာတဲ့ ကုန်တင်ကားတွေ လာတဲ့လမ်းကြောင်းတွေဖြစ်တဲ့ ရှမ်းပြည်တောင်ပိုင်း အောင်ပန်းမြို့လမ်းခွဲ- ပင်လောင်း- ဖယ်ခုံ- မိုးဗြဲ ၊ ဆီဆိုင်- ဟိုပုံး နဲ့ တောင်ငူလမ်းကြောင်းဖြစ်တဲ့ လိပ်သို မှာ စစ်ဆေးမေးမြန်းမှုရှိပြီး ဆေးဝါးနဲ့ စားနပ်ရိက္ခာတင်ဆောင်မှုကို ပိတ်ပင်ထားတယ်လို့ ယာဉ်မောင်းမောင်တွေက ပြောဆိုနေကြပါတယ်။

လွိုင်ကော်မြို့ထဲဝင်မယ့် စားနပ်ရိက္ခာ၊ ဆေးဝါး၊ အသုံးအဆောင်ပစ္စည်း သယ်ဆောင်တဲ့ ကုန်တင်ကားတွေကို ပြီးခဲ့တဲ့ ဇန်နဝါရီလ ဒုတိယပတ်ကစပြီး တားမြစ်ထားပါတယ်။

အခုလို ပြည်သူလူထုတွေကို စစ်ကောင်စီက တိုက်လေယာဉ်၊ စစ်ရဟတ်ယာဉ်တွေနဲ့ ဗုံးကြဲတိုက်ခိုက်နေတာတွေ စားနပ်ရိက္ခာ ဖြတ်တောက်နေတာတွေကိုနိုင်ငံတကာအဖွဲ့အစည်းတွေက အမြန်ဆုံးအရေးယူဆောင်ရွက်ဖို့၊ ပြည်သူလူထုရဲ့အသက်အိုးအိမ်လုံခြုံရေးအတွက် ကူညီဆောင်ရွက်ပေးဖို့ ဇန်နဝါရီလ ၈ ရက်နေ့ က KNPP က အရေးပေါ်ထုတ်ပြန် တောင်းဆိုထားပါတယ်။

ဆေးဝါး၊ စားနပ်ရိက္ခာ၊ အသုံးအဆောင်တင်ဆောင်တဲ့ ကုန်တင်ကားကိုပေးမဖြတ်တာကြောင့် ရေရှည်ကုန်စည်းစီးဆင်းမှုကို ထိခိုက်စေနိုင်တယ်လို့ ကရင်နီအတိုင်ပင်ခံကောင်စီ (KSCC) ရဲ့ လူသားချင်းစာနာထောက်ထားမှု တာဝန်ခံ ဦးဗညားက ပြောပါတယ်။

ကရင်နီပြည်တွင်းက ပြည်သူလူထု၊ စစ်ရှောင်ပြည်သူတွေအတွက် စားနပ်ရိက္ခာနဲ့ ဆေးဝါးပြတ်လတ်မှု ကြုံတွေ့ရနိုင်တာကြောင့် UN အေဂျင်စီတွေ နိုင်ငံတကာအဖွဲ့အစည်းတွေရဲ့ ထဲထဲဝင်ဝင်ကူညီမှုမရှိဘူးဆိုရင် လူသားချင်းစာနာထောက်ထားမှု ကပ်ဆိုက်မယ့်ကာလကို ရောက်ရှိနိုင်တယ်လို့ ဆိုပါတယ်။

“ကျနော်တို့ရဲ့အခြေအနေတွေက ဒီလိုမျိုးဆက်တိုက်သွားနေမယ်ဆိုရင် အန္တာရာယ်အများကြီးရှိတယ်။အထူးသဖြင့် စားနပ်ရိက္ခာနဲ့ ဆေးဝါးပြတ်လပ်မှုကို ကျနော်တို့ခံစားရမှာဖြစ်ပါတယ်။ ဘာဖြစ်လို့လဲဆိုရင်တော့ ကျနော်တို့ရရှိလာတဲ့ Humanitarian က CSO ကနေ ဖြစ်စေ NGOတွေဖြစ်စေ နိုင်ငံတကာရောက်နေတဲ့ ကျနော်တို့ပြည်သူလူထုတွေကနေ ပေးတာဖြစ်စေ ဒီဟာက ပွင့်ပွင့်လင်းလင်းပြောရရင် အလွန်ဆုံး ကာဗာပေးနိုင်တာက ၃၃၊ ၃၅ရာခိုင်နှုန်းပဲပေးနိုင်တယ်။ အဲ့ဒါကြောင့်မလို့ ရေရှည်မှာ UN အေဂျင်စီတွေ အထူးသဖြင့် World Food Program တွေ ICRC ၊ UNHCR တွေရဲ့ တကယ့်ကို ထဲထဲဝင်ဝင်ကူညီမှုတွေ မရရှိဘူးဆိုရင် ကျနော်တို့ ခုနကပြောတဲ့ Humanitarian Crisis ကျနော်တို့ရင်ဆိုင်ရမှာသေချာပေါက်ပဲလို့ ကျနော်ပြောလိုပါတယ်။” လို့ ဦးဗညားက ဆက်ပြောပါတယ်။

ကရင်နီပြည်နယ်မှာ ကရင်နီတပ်မတော်(KA)၊ KNDF၊ ပြည်သူ့ကာကွယ်ရေးပူးပေါင်းတပ်ဖွဲ့ နဲ့ စစ်ကောင်စီတပ်တို့ တိုက်ပွဲနေ့စဉ်ဖြစ်ပွားနေပြီး တိုက်ပွဲမှာ စစ်ကောင်စီတပ်က တင့်ကားအပြင်လေကြောင်းတိုက်ခိုက်မှုတွေ ဆက်တိုက်အသုံပြုနေပါတယ်။

စစ်ကောင်စီတပ်က စစ်ရာဇဝတ်မှုကျူးလွန်တာ၊ လူသားမျိုးနွယ်အပေါ် ရာဇဝတ်မှုကျူးလွန်တာ၊ လူသားချင်းစာနာထောက်ထားမှုဆိုင်ရာ လိုက်နာစောင့်ထိန်းရမယ့် အပြည်ပြည်ဆိုင်ရာဥပဒေကို ကျူးလွန်နေဆဲဖြစ်တယ်လို့ ကရင်နီလူ့အခွင့်အရေးအဖွဲ့က ဝေဖန်ထောက်ပြထားပါတယ်။

ကရင်နီပြည်အတွင်း စစ်ကြောင့် နေရပ်စွန့်ခွာထွက်ပြေးတိမ်းရှောင်သူ ဦးရေ တစ်သိန်းခုနှစ်သောင်းထိ ရှိနေပြီလို့ လည်း ကရင်နီအရပ်ဖက်အဖွဲ့အစည်းတွေက ပြောဆိုထားပါတယ်။

spot_imgspot_imgspot_imgspot_img

More from the blog

တပ်မ-၃၃ တပ်ကြပ်ကြီးတစ်ဦးကို ဖမ်းဆီးရမိ

ထွေးရယ် ကန္နရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းရှိ အမှတ် ( ၁) ခရိုင် တစ်နေရာမှာ စစ်ကောင်စီတပ်ရဲ့ တပ်မ-၃၃ တပ်ကြပ်ကြီးတစ်ဦးကို ဖမ်းဆီးရမိခဲ့ပါတယ်။ ကရင်နီအမျိုးသား ကာကွယ်ရေးတပ် KNDF B-09 နဲ့ ကရင်နီတပ်မတော် KAတို့ပူးပေါင်းပြီး မေလ ၁၆ ရက်ည (၉)နာရီ ဝန်းကျင်မှာ ကင်းလှည့်ရင်း...

ဖယ်ခုံ၊ ဆီးမီးလော့ကျေးရွာမှာ ဒီကနေ့အထိ တိုက်ပွဲဖြစ်ပွားနေ

လဲသျှို့ / ကန္တာရဝတီတိုင်း ( မ် ) ဖယ်ခုံမြို့နယ်၊ ဆီးမီးလော့ကျေးရွာကို မေလ ၁၅ ရက်နေ့ကတည်းက ထိုးစစ်ဆင်လာတဲ့ စစ်ကောင်စီတပ်သားတွေ နဲ့ ကရင်နီဒေသခံကာကွယ်ရေး ပူးပေါင်းတပ်ဖွဲ့တို့ ဒီကနေ့ မေလ ၁၉ ရက်နေ့အထိ တိုက်ပွဲဖြစ်ပွားနေပြီး ဖယ်ခုံအရှေ့ဖက်ကမ်းဒေသမှာ တိုက်ပွဲဖြစ်ပွားတာ ငါးရက်မြောက်ရှိသွားပြီဖြစ်ပါတယ်။ ဖယ်ခုံPDF ၊...

ကရင်နီပြည်က စစ်ဘေးရှောင်ကလေးငယ် ၂၀၀ ဝန်းကျင် အာဟာရချို့တဲ့မှုရှိနေ

လဲသျို့ /ကန္တာရဝတီတိုင်း( မ် ) ကရင်နီပြည်က စစ်ရှောင်ကလေးငယ် ၂၀၀ ဝန်းကျင်ဟာ လုံလောက်တဲ့ အာဟာရမရရှိပဲ အာဟာရချို့တဲ့နေတယ်လို့ လူထုကျန်းမာရေးနှင့်ဖွံ့ဖြိုးရေးကွန်ယက် CHDN ဒါရိုက်တာ ဆရာဖိလစ်က ပြောပါတယ်။ ဒါဟာ CHDN နယ်မြေအတွင်း လက်လှမ်းမီ သလောက် ကောက်ယူထားတဲ့ စာရင်းဖြစ်ပြီး ဒီထက်ပိုများနိုင်တယ်လို့ ဆရာဖိလစ်က ဆက်ပြောပါတယ်။ “တစ်ရက်မှာ...

ဒီကနေ့ မနက် ဆီးမီးလော့ကျေးရွာအနီး တိုက်ပွဲမှာ KNDF-B03 ရဲဘော် တစ်ဦး ကျဆုံး

မော်မီမြာ / ကန္တာရဝတီတိုင်း(မ်) ဖယ်ခုံမြို့အရှေ့ဘက်ကမ်း၊ ဆီးမီးလော့ကျေးရွာအနီးမှာ ဒီကနေ့ (မေလ ၁၈ရက်) မနက် ၇နာရီ ၁၅မိနစ်မှာ စစ်ကြောင်းထိုးလာတဲ့ ၄၂၂တပ်ရင်းနဲ့ KNDF-B03 တို့ ထိတွေ့တိုက်ပွဲဖြစ်ပွားနေတယ်လို့ KNDF-B03က ဒီကနေ့ သတင်းထုတ်ပြန်ပါတယ်။ တိုက်ပွဲအတွင်းမှာ KNDF-B03 တပ်ခွဲ(၄)က ရဲဘော်တစ်ဦးဖြစ်တဲ့ အောင်ရွှေ...