spot_img
Sunday, January 29, 2023
spot_img

ပညာရေးဝန်ထမ်း ၆ဦးကို အကြမ်းဖက်အဖွဲ့အစည်းကို အားပေးကူညီမှုနဲ့ အရေးယူမည်

spot_imgspot_imgspot_imgspot_img

ကန္တာရဝတီတိုင်း ( မ် )

ကရင်နီပြည် အတွင်းက စစ်ကောင်စီလမ်းညွှန်မှုနဲ့ လွိုင်လင် အထက်တန်းကျောင်းမှာ သင်ကြားနေတဲ့ ­Non-CDM ဆရာ၊ဆရာမ ၆ဦးကို ထိန်းသိမ်းထားပြီး ၎င်းတို့ကို အကြမ်းဖက်အဖွဲ့အစည်း အားပေးကူညီမှုနဲ့ အရေးယူဆောင်ရွက်သွားမယ်လို့ ကရင်နီပြည် ရဲဌာန ( KSP ) ပြောရေးဆိုခွင့်ရှိသူ ကိုဘိုဘိုက ပြောပါတယ်။

“အဓိက စစ်ကောင်စီရဲ့ အကြမ်းဖက်လုပ်ရပ်တွေကို တစ်ထောင့်တစ်နေရာကနေ ပံ့ပိုးပေးနေတဲ့ စစ်ကောင်စီ ဝန်ထမ်း အဖြစ်ဆက်မလုပ်ဘဲ CDM လုပ်ဖို့ KSCC က ကြေငြအသိပေးပြီးသာဖြစ်တဲ့ အတွက် ကျနော်တို့ လွမ်းမိုးဧရိယာအတွင်းက Non-CDM တွေကို အကြမ်းဖက်အဖွဲ့အစည်းကို အားပေးကူညီ မှု နဲ့ အရေးယူသွားမှာ ဖြစ်ပါတယ်” လို့ ကိုဘိုဘိုက ပြောပါတယ်။

တည်ဆဲဥပဒေထဲက အကြမ်းဖက်မှု တိုက်ဖျက်ရေးဥပေဒနဲ့ အရေးယူသွားမှာဖြစ်ပြီး ဒေသန္တရဥပဒေ၊ Customary law (ဓလေ့ထုံးတမ်း ဥပဒေ) တွေနဲ့ လည်း အရေးယူသွားမယ်လို့ ဆိုပါတယ်။ ကရင်နီပြည် အတိုင်ပင်ခံကောင်စီ ( KSCC ) ရဲ့ ခွင့်ပြုချက် ဒါမှမဟုတ် ဒေသခံတွေရဲ့ ခွင့်ပြုချက်မရှိပဲ စစ်ကောင်စီရဲ့ ညွှန်ကြားမှုနဲ့ ကျောင်းဖွင့်လှစ်တဲ့အတွက် ဒေသခံတွေက တိုင်ကြားတာကြောင့် အဆိုပါ ပညာရေးဝန်ထမ်း ၆ ဦးကို ခေါ်ယူစစ်ဆေးတာ ဖြစ်တယ်လို့ ဆိုပါတယ်။

ပြီးခဲ့တဲ့ ဇွန်လ ၂၄ရက်နေ့မှာ KSP နဲ့ KNDF B-12 တို့ ပူးပေါင်းပြီး သွားရောက်ခေါ်ယူစစ်ဆေးခဲ့တာဖြစ်တယ်လို့ KNDF B-12 တာဝန်ရှိသူ တစ်ဦးက ပြောပါတယ်။

“ကျနော်တို့က ခေါ်ယူစစ်ဆေးတယ်ဆိုတာထက်က ဒီအတိုင်း ဒီစစ်ကောင်စီနဲ့ ပတ်သက်တဲ့အရာတွေကို ဟန့်တားနိုင်ဖို့ အဓိက ဟန့်တာြခင်းဖြစ်တယ်ပေါ့နော။ ဒီအတိုင်း သူတို့ အပြစ်ရှိတာကို စစ်ဆေး မေးမြန်းတာထက် အဓိက ဒီဟာကို ရပ်တန့်ဖို့ ကျနော်တို့ ခဏထိန်းသိမ်းထားတဲ့ သဘောမျိုးပါပဲ။” လို့ KNDF B-12 တာဝန်ရှိသူ တစ်ဦးက ပြောပါတယ်။

လွိုင်ကော်မြို့နယ် လွိုင်လင်လေး အ.ထ.က ကျောင်းဟာ ပြီးခဲ့တဲ့ ၂၀၂၁-၂၀၂၂ ပညာသင်နှစ်မှာ ဖွင့်လှစ်တာတွေ မရှိပေမယ့် ၂၀၂၂-၂၀၂၃ ပညာသင်နှစ်အတွက် ဖွင့်လှစ်တာ တစ်လနီးပါးရှိပြီလို့ သိရပါတယ်။

ကရင်နီပြည်က ပညာရေးဝန်ထမ်း ၃ထောင်ကျော်ဟာ CDM ကို ပြုလုပ်နေပြီး Non-CDM တွေကိုလည်း ထိရောက်တဲ့ အရေးယူမှုတွေ ပြုလုပ်သွားမယ်လို့ ကယားပြည်နယ်လုံးဆိုင်ရာ ဆရာများသမဂ္ဂ အဖွဲ့ဝင်တစ်ဦးက ပြောပါတယ်။

“ ကျနော်တို့ ပြည်နယ်ရဲ့ အနေအထားအရ Non-CDM ရဲ့အရေအတွက်က ဘယ်လောက်မှ မရှိဘူးပေါ့နော။ ကျနော်တို့ တော်လှန်ရေးကာလ အရေးတော်ပုံအောင်တဲ့ အချိန်မှာ ဒီ Non-CDM တွေနဲ့ ပတ်သက်ပြီး ပြင်းပြင်းထန်ထန်အရေးယူမှုတွေ လုပ်မှာဖြစ်ပါတယ်။” လို့ ၎င်းက ဆက်ပြောပါတယ်။


ပြီးခဲ့တဲ့ ၂၀၂၂ခုနှစ် ဖေဖော်ဝါရီလ ၁၃ရက်နေ့မှာ ကရင်နီပြည်အတိုင်ပင်ခံ ကောင်စီ ( KSCC ) ကနေ စစ်ကောင်စီယန္တရားတွေကို လည်ပတ်အောင် ပြုလုပ်နေတဲ့ ထောက်တိုင်အားလုံးကို ချေမှုန်းဖြိုလှဲသွားမယ်လို့ ထုတ်ပြန်ထားခဲ့ ပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...