spot_imgspot_imgspot_imgspot_img
Monday, April 22, 2024
spot_imgspot_imgspot_imgspot_img

ပိုးသတ်ဆေး၊ ပေါင်းသတ်ဆေး အသုံးပြုသည့် တောင်သူများ ၆၃ ရာခိုင်နှုန်းရှိ

Author

Date

Category

ဦးမြာ

ကယားပြည်နယ်တွေ တောင်သူများပိုးသတ်ဆေး၊ ပေါင်းသတ်ဆေးအသုံးပြုမှုသည် ၆၃ရာခိုင်နှုန်းထိရှိလာသည်ဟု ကရင်နီပြည် တောင်သူလယ်သမားသမဂ္ဂ မှကောက်ခံသောစစ်တမ်းအရသိရသည်။

ထို့ပြင်တောင်သူများသည် လက်တွေ့အရည်အသွေးပြည့်ဝသော ဒေသမျိုးစေ့ကိုအသုံးပြုမှုနည်းလာကာ ဈေးကြီးပြီးပြန်လည်စိုက်ပျိုး၍မရသော ပြည်ပမျိူးစေံကို အသုံးများလာကြသည်။

မျိုးစေ့၊ ဓာတ်မြေဩဇာမှတွဲပါလာသောအကျိူးဆက်တွေဖြစ်ပြီး ပိုးသတ်ဆေးတွေကိုအသုံးပြုကာ ပိုးသတ်ဆေးအသုံးများလာရခြင်းဖြစ်သည်ဟု ကရင်နီပြည်တောင်သူသမဂ္ဂဥက္ကဌ ဦးတူရယ်ကဆိုပါသည်။

“ကျတော်ပြောချင်တာကနိုင်ငံခြားမှလာတဲ့မျိုးစေ့တွေအများကြီးသုံးလာတဲ့အခါကျတော့ ဒီပိုးသတ်ဆေးတွေကလည်းအများကြီးမဖြစ်မနေသုံးရတဲ့အပိုင်းမှာရှိတာပေါ့။”ဟု ဦးတူရယ်ကပြောပါသည်။

မြန်မာနိုင်ငံသည်စိုက်ပျိုးရေးနိုင်ငံဖြစ်သောကြောင့် ကယားပြည်နယ်တွင် အများအားဖြစ် တောင်ယာလုပ်ငန်းကိုအဓိကလုပ်ကိုင်ကြသည်။

ထိုကဲ့သို့အသုံးပြုမှုကြောင့် စားသုံးသူများလည်း အန္တာရာယ်ရှိလာသည်ဟု ဦးတူရယ်က ယခုလို ပြောပါသည်။

“ကျတော်တို့လယ်ထဲမှာပိုးသတ်ဆေးသုံးလိုက်မယ်ဆိုရင် သဘာဝအရဖြစ်လာတဲ့ငါးတွေ၊ ဖားတွေ၊ တောင်သူလယ်သမားတွေကိုအကျိုးပြုတဲ့ အက်ဆစ်ပိုးတွေ အက်ဆစ်အကောင်တွေကသေကုန်တယ် ဒါမျိုးတွေကိုကျတော်တို့ကြုံနေရတယ် ”ဟု ပြောပါသည်။

ထို့ပြင်တောင်သူလယ်သမားအများစုသည် ပိုသတ်ဆေးအသုံးပြု ရာတွေ ဆေးညွန်းသေချာစွာမဖတ်ရှုခြင်း၊ အပြင်းစားပိုးသတ်ဆေးကိုသာရွေးချယ်အသုံးပြုမှုများခြင်းတို့ကြောင့် စားသုံးသူကျန်းမာရေးအတွက်အပြင် ၊ ဆေးဖြန်းသူကျန်းမာရေးကိုပါထိခိုက်စေပါသည်ဟု ဆိုပါသည်။

ဓာတုပိုးသတ်ဆေးအသုံးပြုမှုကြောင့် သီးနှံများအတိုင်းအတာတစ်ခုအထိ ထွက်ရှိသည့်အသီးနှံများအထွက်တိုးသော်လည်း စားသုံးသူ၏ ကျန်းမာရေးအတွက် လုံခြုံမှု အပြည့်အဝမပေးနိုုင်ပါ။

“ကျမတို့ကပိုးသတ်ဆေးမဖြန်းလို့ရှိရင် ကိုယ်ရဲ့သီနှံဟာပျက်စီးကိန်းဘဲရောက်တော့တယ်။ ကိုယ်စိုက်ပျိုးထားတာဘာမှကိုယ်ကပြန်မစားရတော့ဘူးပေါ့။”ဟု ဒေသခံတောင်သူလယ်သမားတစ်ဦးက ပိုးသတ်ဆေးမဖြစ်မနေသုံးရသည့်အကြောင်းပြောကြားထားပါသည်။

ပိုးသတ်ဆေးအန္တရာယ်သည်ကြီးမားပြီး အဓိကကျန်းမာရေးကိုထိခိုက်စေသည်။ ပိုးသတ်ဆေးကိုစနစ်တကျမဖြန်းလျှင်သို့မဟုတ် လိုတာထက်ပိုဖြန်းလျှင် အန္တရာယ်ရှိပြီး ပိုးသတ်ဆေး၏အဆိပ်သည်ခန္ဓာကိုယ်ထဲဝင်ပြီး လူကိုချက်ချင်းလက်ငင်းအန္တရာယ်ပေးနိုင်သလို ကာလကြာရှည်စွာ လူ၏ကိုယ်ထဲ တဖြည်းဖြည်းလာစုပြီး ကျန်းမာရေးကိုအန္တရာယ်ကြီးပေးနိုင်သည်ဟု Foof to Right စားနပ်ရိက္ခာ ရပိုင်ခွင့်ဆိုင်ရာ ကုလသမဂ္ဂ အထူးကိုယ်စားလှယ် HilalElver က ပိုးသတ်ဆေးနှင့်ပတ်သက်ပြီး ၂၀၁၈ခုနှစ် အောက်တိုဘာလ ၂၄ ရက်နေ့က သတင်းစာရှင်းလင်းပွဲတွင် ပြောကြားသွားခဲ့ပါသည်။

spot_img
spot_img

Recent posts