spot_img
Saturday, April 1, 2023
spot_img

ပျောက်ဆုံးနေတဲ့ ဝမ်းကွဲညီအစ်ကိုနှစ်ဦးကို သေဆုံးလျက်ပြန်တွေ့

spot_imgspot_imgspot_imgspot_img

ကန္တာရဝတီတိုင်း(မ်)

ပြီးခဲ့တဲ့ စက်တင်ဘာ(၂၂)ရက်နေ့ ဒီးမော့ဆိုမြို့အရှေ့ဖက်ခြမ်းက ဝမ်းကွဲ ညီအစ်ကို နှစ်ဦးပျောက်ဆုံးခဲ့ပြီး စက်တင်ဘာ(၂၈)ရက် ဒီကနေ့မှာ ဒီးမော့ဆို ဒေါခလိုက်လင်း ဘောလုံးကွင်းမှာ အသတ်ခံရပြီး ပုပ်သိုးနေတဲ့ ရုပ်အလောင်းကို ပြန်တွေ့ခဲ့တယ်လို့ မိသားစုဝင်တစ်ဦးထံကနေ သိရှိရပါတယ်။

ပျောက်ဆုံးနေတဲ့ ဝမ်းကွဲညီအစ်ကိုနှစ်ဦးမှာစူးရယ်(၂၄နှစ်) နဲ့ ကျော်လင်းပိုင်(၂၁)နှစ်တို့ ဖြစ်ပြီး ၆ရက်လောက်အဆက်အသွယ်မရ ပျောက်ဆုံးခဲ့ပြီး ပြန်လိုက်ရှာတဲ့အခါမှာ ရုပ်အလောင်းသာတွေ့ရှိခဲ့တာ ဖြစ်တယ်လို့အဒေါ်ဖြစ်သူက ပြောပါတယ်။

“သူတို့ ရုပ်အလောင်းကတော့ ဒေါခလိုက်လင်းရဲ့ ဘောလုံးကွင်းမှာပေါ့နော။ ဘောလုံးကွင်းမှာတွေ့တယ် တူလေး ကျော်လင်းပိုင်ခါကျတော့ ဘောလုံးကွင်းထဲမှာ တွေ့တယ်။ စူးရယ်ခါကျတော့ အိမ်သာထဲမှာပါ။” လို့ပြောပါတယ်။

သူတို့နှစ်ဦးကို အကြမ်းဖက်စစ်ကောင်စီက သတ်ဖြတ်ခဲ့တာ ဖြစ်နိုင်ပြီး ပျောက်ဆုံးတဲ့ရက်မှာပဲ အသတ်ခံရတာ ဖြစ်နိုင်တယ်လို့ ဆိုပါတယ်။ ထိုသူနှစ်ဦးမှာ ငွေတောင်ဖက်မှာ ရိက္ခာဝယ်ဖို့သွားရင်း ပျောက်ဆုံးသွားခဲ့တာ ဖြစ်ပါတယ်။

ရုပ်အလောင်း ပြန်လည်တွေ့ရှိတဲ့အချိန်မှာ အရိုးနဲ့ အင်္ကျီသာ ကျန်ရှိတော့တယ်လို့ သိရပါတယ်။ အခုလို ရုပ်အလောင်းသာပြန်တွေ့ရတဲ့အတွက် စိတ်မကောင်းဖြစ်ကြောင်း အဒေါ်ဖြစ်သူက ဆိုပါတယ်။

“သူတို့အတွက် စဉ်းစားနေရတာ တအားကို သနားတာပေါ့နော။ တအားသနားတယ် သူတို့ဘယ်လောက်တောင်မှ နှိပ်စက်ခံရလဲ အဲ့မျိုးပေါ့။ သူ့ရဲ့ အမေတို့နဲ့လည်း ဘယ်လိုပြောမလဲ သူတို့ တအားငိုကြတာပေါ့နော။ အဲ့မျိုးတွေ့တဲ့ခါကျတော့ သူတို့က စစ်တပ်တွေ ဖမ်းသွားလို့ လာ အဲ့မျိုးပေါ့။ နောက်ဆုံးတော့ ရုပ်အလောင်း အဲ့လိုမျိုး ပြန်တွေ့တဲ့ ခါကျတော့ သူတို့ တော်တော်ခံစားရတယ်။ ကိုယ်လည်း ထပ်တူပဲပေါ့။” လို့ ပြောပါတယ်။

စူးရယ်ဖြစ်သူမှာ ဖဲလျားရွာကဖြစ်ပြီးသားသမီးသုံးယောက်နဲ့ဇနီး ဖြစ်သူ ကျန်ရစ်ခဲ့တာ ဖြစ်ပါတယ်။
ကရင်နီပြည်မှာဆိုရင် အာဏာသိမ်းကာလအတွင်း သေဆုံးသူ ၁၀၃ ဦးရှိသွားပြီ ဖြစ်ပြီး စစ်ကောင်စီဖက်မှ အရပ်သားပြည်သူတွေကို သတ်ဖြတ်တာ (၇၄)ဦးရှိသွားပြီ ဖြစ်ပါတယ်။

spot_imgspot_imgspot_imgspot_img

More from the blog

လူထုထောက်ခံမှုရှိနေသ၍ ပါတီဆက်ရှိနေအုံးမယ်လို့ KySDP ပြော

ကန္တာရဝတီတိုင်း( မ် ) ကရင်နီပြည်နယ်အခြေစိုက် တိုင်းရင်းသားပါတီအပါအဝင် တိုင်းရင်းသားပါတီ ၄၀ ကို ဖျက်သိမ်းကြောင်း စစ်ကောင်စီရဲ့ ရွေးကောက်ပွဲကော်မရှင် ( UEC ) က မတ်လ ၂၈ ရက်နေ့မှာ ကြေညာခဲ့ပေမယ့် လူထုထောက်ခံမှုရှိနေသ၍ ကတော့ ပါတီဆက်လက်ရှိနေအုံးမှာဖြစ်တယ်လို့ ကယားပြည်နယ် ဒီမိုကရက်တစ်ပါတီ ( KySDP...

နှစ်ရက်တိုက်ပွဲအတွင်း စစ်ကောင်စီတပ်မှ (၁၅)ဦးသေဆုံး၊ လေကြောင်းတိုက်ခိုက်မှုပြုလုပ်ခဲ့

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း ဒေါလျားခူကျေးရွာအနီးရှိ ညေးဘူးခူတောင်ပေါ် ဖက်ကို စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီတပ်မတော်(KA)၊ KNDF ပူးပေါင်းတပ်ဖွဲ့နဲ့ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၁၅ ဦးသေဆုံးခဲ့သလို လက်နက်ခဲယမ်းအသုံးအဆောင်ပစ္စည်းတွေ သိမ်းဆည်းမိခဲ့တယ်လို့ ကရင်နီအမျိုးသားများကာကွယ်ရေးတပ် (KNDF) က ဒီကနေ့ မတ်လ ၃၁ ရက်နေ့မှာ...

တစ်လကျော်ကြာတိုက်ပွဲပြင်းထန်နေတဲ့ ဖယ်ခုံ-ပင်လောင်း နယ်စပ်မှာ လေကြောင်းတိုက်ခိုက်မှုပြင်းထန်စွာ အသုံးပြုနေ

ကန္တာရဝတီတိုင်း(မ်) ပင်လောင်းမြို့နယ်ဖက် စစ်ကြောင်းထိုးနေတဲ့ စစ်ကောင်စီတပ်နဲ့ ပြည်သူ့ကာကွယ်ရေးပူးပေါင်းတပ်ဖွဲ့တို့ ထိတွေ့တိုက်ပွဲ အပြင်းအထန်ဖြစ်ပွားနေတာ တစ်လကျော်ကြာရှိနေပြီဖြစ်ပြီး စစ်ကောင်စီဖက် လေကြောင်းတိုက်ခိုက်မှု ပြင်းထန်စွာ သုံးနေတယ်လို့ ပြည်သူ့ကာကွယ်ရေးပူးပေါင်းတပ်ဖွဲ့တွေက ဆိုကြပါတယ်။ မတ်လ (၂၉)ရက်နေ့ ဖယ်ခုံ-ပင်လောင်းနယ်စပ်တစ်နေရာမှာ ဖြစ်တဲ့ တိုက်ပွဲမှာ စစ်ကောင်စီဖက် တိုက်လေယာဉ် (၄)စင်းနဲ့ အပြင်းအထန် တိုက်ခိုက်ခဲ့တယ်လို့ ဆိုပါတယ်။ အဲဒီရက်တိုက်ပွဲမှာ...

ဒီးမော့ဆိုအရှေ့ဘက်ခြမ်းရှိ အထက်တန်းစာသင်ကျောင်း လေကြောင်းတိုက်ခိုက်ခံရ

ကန္တာရဝတီတိုင်း(မ်) ဒီကနေ့ မတ်လ ၃၀ ရက်နေ့ မွန်းလွဲ ၁ နာရီအချိန်မှာ ဒီးမော့ဆိုမြို့နယ်အရှေ့ဘက်ခြမ်းကို စစ်ကောင်စီ လေကြောင်းအသုံးပြုတိုက်ခိုက်ခဲ့တဲ့အတွက် အထက်တန်း စာသင်ကျောင်းတစ်ကျောင်း ထိမှန်ပျက်စီးခဲ့ရပါတယ်။ “၁ နာရီ ၁၆မိနစ်မှာ တိုက်လေယာဉ် နှစ်ပတ် ပတ်ပြီးဝဲတာ ဝဲပြီးတော့ ၁၈မိနစ်လောက်မှာ တစ်ခါတည်းတန်းပစ်တာ။ ၈ခေါက်တိတိပစ်တယ်။ လေယာဉ်ဒုံးနဲ့လည်းပစ်တယ် ရွာတစ်လျှောက်...