spot_img
Sunday, January 29, 2023
spot_img

ဖရူဆိုမြို့ပေါ်တွင် နေအိမ်ဖောက်ထွင်းကာ ပစ္စည်းခိုးယူခံရမှု များပြား

spot_imgspot_imgspot_imgspot_img

CJ (ကန္တာရဝတီတိုင်း(မ်))

ဖရူဆိုမြို့ပေါ် ရပ်ကွက်တွေမျာရှိတဲ့ စစ်ဘေးရှောင်ပြည်သူအများစုရဲ့  နေအိမ်တွေကို ဖောက်ထွင်းကာ အဖိုးတန်ပစ္စည်းခိုးယူမှု ပိုမိုများပြားလာတယ်လို့ ဖရူဆိုမြို့ဒေသခံ ပြည်သူတွေကပြောပါတယ်။



“ပြည်သူအချင်းချင်း အိမ်ကို လိုက်ဝင်ခိုးနေတာတွေလည်း ရှိတယ်။ ဖရူဆိုမြို့ထဲမှာတော့ ပြည်သူနေအိမ်ကို လိုက်လံ ခိုးယူမှူမှာတော့ အများကြီးရှိတယ်။ ဒါကတော့ မျက်မြင် သက်သေလည်း ရှိသလို တစ်ချို့ကျတော့လည်း သက်သေမရှိဘူးပေါ့။ မျက်မြင်တွေ့ရတာတွေကတော့ ဘယ်သူတွေလည်း မေးရင်လည်း သူတို့လည်း မပြောပြနိုင်ဘူးပေါ့ ပြောမပြရဲတာလည်း ဖြစ်နေတာပေါ။” လို့ ဖရူဆိုဒေသခံတစ်ဦးကပြောပါတယ်။

ဖောက်ထွင်းဝင်ရောက်သူတွေဟာ စစ်ကောင်စီတပ်တွေနဲ့ ရဲတပ်ဖွဲ့ ဝင်တွေ ဖြစ်သလို ပြည်သူအချင်းချင်း က ဝင်ရောက်ခိုးယူတာတွေလည်းရှိတယ်လို့ ဒေသခံတစ်ဦးကပြောပါတယ်။ ခိုးယူခံရတဲ့ နေအိမ်တွေက မြို့ပတ်လမ်းနဲ့ နီးတဲ့ နေအိမ်တွေနဲ့ အနီးနားက ကျေးရွာတွေက နေအိမ်တွေဖြစ်တယ်လို့ ဒေသခံတွေကပြောပါတယ်။


ပြည်သူပိုင်ပစ္စည်းဖျက်ဆီးတာတွေကို အထောက်အထားနဲ့ တိုင်ကြားနိုင်ပြီး ကျူးလွန်သူကို ပြင်းပြင်းထန်ထန်အရေးယူသွားမယ်လို့ ကရင်နီအမျိုးသားများကာကွယ်ရေးတပ် KNDF တပ်ရင်း ၁၅ ရဲ့ တပ်စုမှူးက ပြောပါတယ်။

“တပ်ရင်း ၁၅ အနေနဲ့က နေအိမ်ဖောက်ထွင်း ခိုးတဲ့သူတွေကို ဖမ်းမိတာတော့ မရှိသေးဘူး ဒါပေမယ့် တစ်ခြား ပြစ်မှုရှိတဲ့လူတွေကိုတော့ ဖမ်းမိတာရှိတယ် K… ကို ငါတို့အပ်လိုက်တာပေါ့ ပြီးတော့ KNDF အနေနဲ့ page မှာတော့ ထုတ်ပြန်ချက်တွေလည်း ရှိနေပါတယ်ဟု” KNDF တပ်ရင်း Bo 15 တပ်စုမှုးက ပြောပါတယ်။

လက်ရှိမှာ ဖရူဆိုမြို့ပေါ်နဲ့ အနီးနားက ကျေးရွာတွေက ဒေသခံတွေဟာ တိုက်ပွဲတွေကြောင့်​ စစ်ဘေးရှောင်နေကြရပြီး စစ်ရှောင် ၄၀၀၀ ကျော်ရှိနေတယ်လို့ ကရင်နီလူမှုအသင်းအဖွဲ့ များကွန်ယက် ရဲ့ ထုတ်ပြန်ချက်အရသိရပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...