spot_img
Wednesday, November 30, 2022
spot_img

ဖရူဆိုအနောက်ဖက်ခြမ်းရှိ စစ်ရှောင်များ စားနပ်ရိက္ခာ အရေးပေါ်လိုအပ်

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည် ဖရူဆိုမြို့နယ် အနောက်ဖက်ခြမ်းကို ထွက်ပြေးတိမ်းရှောင်နေရတဲ့ စစ်ရှောင်ပြည်သူတွေမှာ စားဝတ်နေရေး ကျပ်တည်းပြီး ရိက္ခာတွေပြတ်လပ်နေပါတယ်။

“ဘယ်နလစာလောက်ရှိနိုင်အုံးမလဲဆိုရင် လောလောဆယ်ကတော့ မရှိသလောက်ကိုဖြစ်နေပြီ။ နည်းနည်းပါးပါး ကိုယ့်နည်းကိုယ့်ဟန်နဲ့ စုဆောင်းထားတာရယ် အလှူရှင်တွေက လာလှူထားတဲ့ စားနပ်ရိက္ခာတွေရယ်ဆို တစ်လစာလောက်တောင် မရှိလောက်တော့ဘူး” လို့ ဖရူဆိုအနောက်ဖက်ခြမ်းက စစ်ရှောင်စခန်းတခုရဲ့ တာဝန်မှူး ကပြောပါတယ်။

တစ်ချို့စစ်ရှောင်ပြည်သူတွေဟာ မိုးရာသီတုန်းက စိုက်ပျိုးခဲ့တဲ့ သီးနှံလေးတွေကို ရိတ်သိမ်းထားလို့ ခံသာပေမယ့် ကျပန်းလုပ်ခဲ့တဲ့ ပြည်သူတွေကတော့ အခုချိန်မှာ ရိက္ခာတွေပြတ်လပ်နေပြီဖြစ်ပါတယ်။
ရိက္ခာအခက်ခဲရှိတာကြောင့် လူများတဲ့မိသားစုတွေဆိုရင် ထမင်းလျော့စားကြတဲ့ အခြေအနေရှိတယ်လို့ သိရပါတယ်။

ဒါ့အပြင် ကုန်စျေးနှုန်းမြင့်တက်တာ၊ လမ်းပန်းဆက်သွယ်ရေးခက်ခဲတာတွေကြောင့် အဟာရရှိတဲ့ အစားအစာကို ဝယ်မစားနိုင်တာမို့ ကလေးတွေ ကျန်းမာရေးချို့တဲ့မှာကို စစ်ရှောင်မိဘတွေက စိုးရိမ်နေကြပါတယ်။

“အခက်အခဲကတော့ အမျိုးမျိုးရှိတယ်။ အခုချိန်ဆို လမ်းခရီးလည်းပိတ်တော့စားဝတ်နေရေးက သိပ်မဖူလုံဘူး။ ငွေရေးကြေးရေးလည်းမရှိတော့ ကုန်စျေးနှုန်းလည်းမြင့်တော့ ကျမတို့က မဝယ်စားနိုင်ဘူးလေး။ အခုက သားသမီးလည်းများတယ်ဆိုတော့ စားဝတ်နေရေးက တော်တော်ခက်ခဲတယ်။ ကလေးတွေအတွက်လည်း အဟာရ ဝဝလင်လင် မကျွေးနိုင်တော့ဘူးလေ။ ပြီးတော့ ကလေးတွေ ကျန်းမာရေးချို့တဲ့မှာ တအားစိုးရိမ်ရတယ်။” လို့ စစ်ရှောင်အမျိုးသမီးတစ်ဦးက ပြောပါတယ်။

လမ်းပန်းဆက်သွယ်ရေးခက်ခဲလာသည်နှင့်အမျှ အလှူရှင်တွေလည်း လာရောက်လှူဒါန်းဖို့ အခက်အခဲရှိနေပြီး တစ်လမှ တစ်ကြိမ်သာ ရောက်လာတယ်လို့သိရပါတယ်။

လက်ရှိကရင်နီပြည်မှာ နေ့စဉ်တိုက်ပွဲဖြစ်ပွားနေပြီး စစ်ဘေးရှောင်တွေတနေ့တခြားတိုးလာနေသလို၊ ထပ်ဆင့်စစ်ဘေးရှောင်နေရသူတွေ ရှိပြီး ကရင်နီလူ့အခွင့်အရေးအဖွဲ့ ရဲ့ စာရင်းအရ စစ်ရှောင် တစ်သိန်းခွဲ ခန့်ရှိနေပါတယ်။

Related Stories