spot_img
Tuesday, January 31, 2023
spot_img

ယနေ့တိုက်ပွဲအတွင်း အကြမ်းဖက်စစ်ကောင်စီတပ်မှ အနည်းဆုံး (၂၀)ဦးခန့် ထိခိုက်ဒဏ်ရာရ

spot_imgspot_imgspot_imgspot_img

ကန္တာရဝတီတိုင်း(မ်)

ရှမ်းပြည်နယ်တောင်ပိုင်း ပင်လောင်းမြို့နယ် ဆောင်းပြောင်းကျေးရွာအနီးမှာ ဒီကနေ့ စက်တင်ဘာလ (၂၇)ရက်နေ့ ညနေ ၃နာရီခွဲအချိန်မှာ ကလောမြို့မှ ဖယ်ခုံမြို့နယ်ဖက်ကို အင်အားဖြည့်တင်းရန်ဆင်းလာတဲ့ အကြမ်းဖက်စစ်ကောင်စီ ယာဉ်တန်းကို KNDFဖယ်ခုံတပ်ရင်းမှ တိုက်ခိုက်ခဲ့တယ်လို့ KNDF သတင်းနှင့်ပြန်ကြားရေးက သတင်းထုတ်ပြန်ပါတယ်။

အကြမ်းဖက်စစ်ကောင်စီတပ် စစ်ယာဉ်တန်းကား (၄၅)စီးဖြင့် တိုက်ပွဲဖြစ်ပွားခဲ့တဲ့ ကရင်နီပြည်နယ် ဒီးမော့ဆိုမြို့ဖက်ကို စစ်အင်အားဖြည့်တင်းရန် ထွက်လာတယ်လို့ယူဆရပြီး တိုက်ပွဲအတွင်းမှာ စစ်ကောင်စီတပ်ဖက်မှ အနည်းဆုံး (၂၀)ဦးခန့် ထိခိုက်ဒဏ်ရာရရှိခဲ့ပြီး ၎င်းယာဉ်တန်းများက တိုက်ပွဲဖြစ်ပွားရာနေရာမှ ဖယ်ခုံမြို့ဖက်ကို ဆက်လက် ထွက်လာရန် ကြိုးစားလျက်ရှိတယ်လို့ ဖော်ပြထားပါတယ်။

ဒါ့အပြင် ဖယ်ခုံမြို့နယ် နဲ့ မိုးဗြဲအခြေစိုက် အကြမ်းဖက်စစ်ကောင်စီတပ်ရင်းများမှ လက်နက်ကြီးတွေနဲ့ မြို့တွင်းနဲ့ ကျေးရွာဖက်ကို ရမ်းသန်းပစ်ခတ်တဲ့အတွက် ပြည်သူအချို့ ထိခိုက်ဒဏ်ရာရရှိခဲ့သလို ဖယ်ခုံမြို့နယ် ခေါင်းအိကျေးရွာဖက်ကိုလည်း လက်နက်ကြီးတွေနဲ့ အကြမ်းဖက်စစ်ကောင်စီတပ်များမှ ရမ်းသန်းပစ်ခတ်လျက်ရှိတယ်လို့ ဖော်ပြထားပါတယ်။

ဒီကနေ့ နံနက် ၁၀နာရီခွဲအချိန်မှ ညနေ ၄ နာရီအချိန်ထိ KNDF၊ ဖယ်ခုံ PDF ပူးပေါင်းတပ်တို့ ဖယ်ခုံမြို့ ကုန်းဆုံကျေးရွာနဲ့ ကသဲကျေးရွာအနီး ပင်လောင်း-ဖယ်ခုံလမ်းမပေါ်မှာ အကြမ်းဖက်စစ်ကောင်စီတပ်နဲ့ တိုက်ပွဲပြင်းထန်စွာ ဖြစ်ပွားခဲ့တယ်လို့ ဖယ်ခုံ PDF ကလည်း သတင်းထုတ်ပြန်ပါတယ်။

ရှမ်း-ကရင်နီနယ်စပ် ဖယ်ခုံ၊ မိုးဗြဲ၊ ဒီမော့ဆိုမြို့နယ်ဖက်ကို စစ်ကောင်စီတပ်မှ အင်အားအလုံးအရင်းနဲ့ အင်အားတိုးချဲ့လျက်ရှိတဲ့အတွက် ပြည်သူ့ကာကွယ်ရေးပူးပေါင်းတပ်မှ တိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ လက်နက်ကြီးပစ်ခတ်မှုကြောင့် အသက် ၂၀ကျော်အမျိုးသမီးတစ်ဦးနဲ့ အသက် ၄၀ခန့် အမျိုးသားတစ်ဦးတို့ လက်နက်ကြီးစ ထိမှန်ခဲ့ပြီး ကားတစ်စီးလည်း လက်နက်ကြီးထိမှန်ပျက်စီးခဲ့တယ်လို့ ဖော်ပြထားပါတယ်။

အကြမ်းဖက်စစ်ကောင်စီတပ်များမှ ကသဲကျေးရွာအတွင်း နေအိမ်ကို ဝင်မွှေတာတွေ အရပ်သားပြည်သူတွေကို ဖမ်းဆီးရိုက်နှက်ခဲ့သလို ဖယ်ခုံမြို့တွင်းမှာလည်း သေနတ်ပစ်ဖောက်ခြင်းကို ပြုလုပ်ခဲ့တယ်လို့ ဖယ်ခုံPDF က ထုတ်ပြန်ပါတယ်။

စစ်ကား ၂၀စီးက စကခ(၇)တပ်နယ် အတွင်းသို့ တက်သွားပြီး မိုးဗြဲဖက်ကိုတက်သွားတဲ့ စစ်ကား ၂၀စီးနဲ့ ဖယ်ခုံနဲ့ မိုးဗြဲကြား ခေါင်းမိုင်းရွာအနီးမှာ မိုးဗြဲPDF၊ KNDFပူးပေါင်းတပ်ဖွဲ့တို့ ညပိုင်းအချိန်ထိ တိုက်ပွဲပြင်းထန်လျက်ရှိတယ်လို့ ဖယ်ခုံ PDF ကဖော်ပြထားပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...