spot_img
Friday, December 2, 2022
spot_img

ယာခင်းသွားသည့် အရပ်သား ၅ ဦးကို စကစ က လမ်းပြအဖြစ်ဖမ်းဆီး၊ စစ်ဆေးမေးမြန်းပြီး ပြန်လည်လွတ်ပေး

spot_imgspot_imgspot_imgspot_img


CJ (ကန္တာရဝတီတိုင်း(မ်))


ကရင်နီပြည် ဖရူဆိုမြို့ နယ် ဆိုလျားကူး ကျေးရွာအနီးမှာ ယာခင်းသွားတဲ့ အရပ်သား ၅ဦးကို ဩဂုတ်လ ၃၀ ရက်နေ့ မနက်ပိုင်းမှာ စစ်ကောင်စီက ဖမ်းဆီးကာ လမ်းပြအဖြစ် ခေါ်ဆောင်သွားခဲ့ကြောင်း ဖမ်းဆီခံရသူတွေနဲ့ နီးစပ်သူတစ်ဦးကပြောပါတယ်။

ဖမ်းထားတဲ့ အရပ်သားတွေကို စစ်ဆေးမေးမြန်းမှုတွေ ပြုလုပ်ပြီးနောက် နေ့လယ်ပိုင်းလောက်မှာ ၎င်းတို့ စီးနှင်းလာတဲ့ ထော်လာဂျီကို ထားခဲ့ခိုင်းပြီး ပြန်လည်လွတ်ပေးခဲ့ကြောင်း ဒေသခံဆီက သိရပါတယ်။

“ပြည်သူ့ကာကွယ်ရေးတပ်ဖွဲ့(PDF) ရှိမရှိ စစ်ဆေးမေးမြန်းတယ်၊ ဒီရွာကပဲလား မေးတယ်၊ ဘုရားကျောင်းကို လိုက်ပြခိုင်းတယ်၊ ထော်လာဂျီတော့ ပေးမမောင်းပြန်တော့ဘူး ထားခဲ့လိုက်တယ်။” လို့ ပြန်လည်လွတ်လာသူ မိသားစုနဲ့ နီးစပ်သူ တစ်ဦးက ပြောပါတယ်။

ဩဂုတ်လ ၃၀ ရက်နေ့ မနက်ပိုင်း ၇ နာရီခန့် အချိန်မှာ စစ်ကောင်စီတပ်သားတွေဟာ ဆိုလျားကူးကျေးရွာထဲကို  စစ်ကြောင်းထိုးလာခဲ့ပြီး အရပ်သားတွေကို သေနတ်နဲ့ ချိန်ရွယ် ဖမ်းဆီးခဲ့တာဖြစ်ပါတယ်။

သတင်းရင်းမြစ်ရဲ့ အဆိုအရတော့ ရိုက်နက်တာတွေမရှိဘူးလို့ သိရပါတယ်။


“သူတို့ကို ဖမ်းတာ ဒီမနက်လေး၊ လမ်းမကြီးဘေး တစ်လျောက်တော့ တပ်စွဲထားတယ်လို့ ပြောကြတယ်၊ သေချာတော့ မသိဘူး၊ အမျိုးသမီးတွေပါ ဖမ်းထားလို့ စိုးရိမ်တာ အခုတော့ ပြန်လွတ်လာပါပြီ။ ” လို့ ဖရူဆိုဒေသခံ တစ်ဦးက ပြောပါတယ်။

ပြီးခဲ့တဲ့ ဩဂုတ်လ ၁၃ ရက်နေ့မှာလည်း ဖရူဆိုမြို့နယ် ခိုးစားမောကျေးရွာမှ ဒေသခံ အသက်ကြီးပိုင်း လေးဦးကို စစ်ကောင်စီ ဝင်ရောက်ဖမ်းဆီးပြီး ဖရူဆိုမြို့ အခြေစိုက် ခမရ ၅၃၁ တပ်စခန်းမှာ တစ်ည ထိန်းသိမ်းခံခဲ့ရတယ်လို့ သိရပါတယ်။

ဖရူဆိုမြို့နယ် အတွင်းမှာ စစ်ကောင်စီ မကြာခဏ ထိုးစစ်ဆင်မှုကြောင်း ပြည်သူများ အသွားအလာ မပြုလုပ်ကြဖို့ KNDF က သြဂုတ်လ ၁၇ ရက်နေ့မှာလည်း ထုတ်ပြန်ထားကြောင်း သိရသည်။

spot_imgspot_imgspot_imgspot_img

More from the blog

စစ်တပ်အား ရိက္ခာပို့ပေးသော BGF ကားတစ်စီး ဖမ်းဆီးခံရ၊ မူးယစ်ဆေးဝါး အချို့တွေ့ရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ် ပါလောင်း ကျေးရွာမှာ စစ်ကောင်စီကို ရိက္ခာပို့ဆောင်ပေးနေတဲ့ နယ်ခြားစောင့်တပ် BGF ရဲ့ကားတစ်စီးကို ကရင်နီတော်လှန်ရေးတပ်ပေါင်းစုတို့မှ ဖမ်းဆီးခဲ့ပြီး ကားပေါ်မှာ မူးယစ်ဆေး-ရာဘ(စိတ်ကြွရူးသွပ်ဆေးပြား) နှစ်ထောင်ဝန်းကျင်ကိုလည်း စစ်ဆေးတွေ့ရှိခဲ့တယ်လို့ ယမန်နေ့ (ဒီဇင်ဘာလ၁ရက်နေ့) က မြေပြင်သတင်းအရင်းအမြစ်ရဲ့ သတင်းပေးပို့ချက်အရသိရှိရပါတယ်။ BGF ၆ဦး နဲ့အတူ လက်နက်ခဲယမ်းတချို့ကိုဖမ်းဆီးမိခဲ့ပြီး မူးယစ်ဆေး...

သေးဆူလဲ – နန်းမယ်ခုံ ကျေးရွာ တစ်ကြောမှာ စစ်ကောင်စီတပ်ပြန်ဆုတ်ခွာ၊ စစ်ရေးတင်းမာနေသေး

ကန္တာရဝတီတိုင်း( မ် ) ဒီးမော့ဆိုမြို့ နယ် သေးဆူလဲ - နန်းမယ်ခုံ ကျေးရွာ တစ်ကြောမှာ စစ်ကောင်စီတပ် မနေ့က ( နိုဝင်ဘာလ ၃၀ ရက်နေ့ ) စပြီး ပြန်လည်ဆုတ်ခွာသွားတယ်လို့ ကရင်နီပြည် ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်ရက်သုံးရက်လောက်ရှိပြီ။ သေးဆူလဲ-...

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...