ရန်ကုန်ဓာတ်ပုံပြိုင်ပဲတွင် ကယားပြည်နယ်မှ ပထမဆုနှင့် စတုတ္ထဆုရရှိ


ခွန်းကလိုင်းဖရီး

ဓာတ်ပုံ – ခွန်းတူးတူးလေး

ရန်ကုန်မြို့၊ စမ်းချောင်းမြို့နယ်ရှိ ပြင်သစ်ယဉ်ကျေးမှုဌာန၌ ဖေဖော်ဝါရီလ(၂၄)ရက်ည (၇) နာရီအချိန် ကျင်းပပြုလုပ်သည့် (၁၁)ကြိမ်မြောက် ရန်ကုန်ဓာတ်ပုံပြိုင်ပွဲတွင် ကယားပြည်နယ်မှ ပထမဆုနှင့် စတုတ္ထဆုကို ဆွတ်ခူးရရှိခဲ့သည်။

စစ္စတာစန္ဒာလင်း ရိုက်ကူးသည့် “အမြင့်ပျံ” ဓာတ်ပုံဇာတ်လမ်းက ပထမဆုရရှိခဲ့ပြီး၊ ကိုဟယ်ရီဖြိုး ရိုက်ကူးသည့် “အိပ်မက်တွေ ဖြစ်လာမှာလား” ဓာတ်ပုံဇာတ်လမ်းက စတုတ္ထဆုဖြင့် ကယားပြည်နယ်မှ ဆု (၂) ဆု ရရှိခဲ့ခြင်းဖြစ်သည်။

ပထမဆုရရှိခဲ့သည့် ကောင်းသောသိုးထိန်းဖောင်ဒေးရှင်းမှ စစ္စတာစန္ဒာလင်းက “ကျွန်မထိန်းရတဲ့ ကျား၊ မအကြမ်းဖက်ခံရတဲ့ အမျိုးသမီးတွေရဲ့အကြောင်းကို ကျွန်မသိနေတာပေါ့နော်။ သိနေတော့ ကျွန်မ ဒီဓါတ်ပုံသင်တန်းတက်တဲ့အခါမှာ ဇာတ်လမ်းလေးတစ်ခုကို လုပ်ရမယ်ဆိုတော့ ဒီအကြမ်းဖက်ခံရတဲ့ အမျိုးသမီးတွေထဲက ဇာတ်လမ်းတစ်ပုဒ်ကို ကျမက ရွေးလိုက်တာလေ။ ခုလို လုပ်ရတဲ့ ရည်ရွယ်ချက်ကတော့ ကျာ/းမ အကြမ်းဖက်ခံရတဲ့ အကြောင်းအရာကို ဖော်ပြလိုက်တယ်ဆိုရင်၊ အသိပညာပေးလိုက်တယ်ဆိုရင် ပြဿနာများ လျော့ကျလာမလားပေါ့နော် “ ဟု ၎င်းရိုက်ကူးခဲ့သော ဇာတ်လမ်းအကြောင်းကို ပြောပြသည်။

ရန်ကုန်ဓာတ်ပုံပြိုင်ပွဲတွင် ဒုတိယဆုကို ရခိုင်ပြည်နယ်မှရရှိကာ၊ တတိယဆုကို ကချင်ပြည်နယ်မှ ရရှိခဲ့ခြင်းဖြစ်သည်။ အဆိုပါဓာတ်ပုံပြိုင်ပွဲတွင် နိုင်ငံတကာမှ ရုက်ကူးထားသည့် ဓာတ်ပုံဇာတ်လမ်းများကိုလည်း ပြသခဲ့သည်။ ဓာတ်ပုံပြိုင်ပွဲမှ ပထမဆု၊ ဒုတိယဆုနှင့် တတိယဆုရရှိခဲ့သည့် ဓာတ်ပုံဇာတ်လမ်းရိုက်ကူးသူများကို ကာနွန်ကင်မရာဆုနှင့် စတ္ထုဆုရရှိသူကို ခရီးသွားအပန်းဖြေရန် စီစဉ်ပေးလိုက်သည်။

“ အဲ့လို ပြခွင့် ယှဉ်ပြိုင်ခွင့်ဆိုတာ လူငယ်တိုင်းအတွက် တကယ်ကိုကောင်းတာပါ။ တခြားသော နိုင်ငံတကာက ဓာတ်ပုံဆရာတွေနဲ့ အချိတ်အဆက်တွေ၊ အခွင့်အရေးက အများကြီးရတာပေါ့။ အဲ့ဒါက တကယ်ကို ကောင်းတဲ့အစီအစဉ်တစ်ခုပါ။” လို့ စတုတ္ထဆု ရရှိခဲ့သည့် ကိုဟယ်ရီဖြိုးက
ပြောသည်။

လူငယ်ဓာတ်ပုံဝါသနာရှင်များအနေဖြင့် အမြဲတမ်းလေ့ကျင့်မှုလိုအပ်ပြီး အခွင့်အရေးများပေါ်လာပါက အကောင်းဆုံးအသုံးချနိုင်ရန်လိုအပ်ကြောင်း ၎င်းက တိုက်တွန်းသည်။

စတုတ္ထဆုရရှိခဲ့သည့် ကိုဟယ်ရီဖြိုးအနေဖြင့် အင်းလေးကန်ရှိ သနပ်ခါးဟိုတယ်တွင် ၂ ရက် တည်းခို အပန်းဖြေခွင့် ရရှိခဲ့သည်။ ၎င်းရန်ကုန်ဓာတ်ပုံပြိုင်ပွဲတွင် ပြည်နယ်အဆင့် ပ၊ ဒု၊ တ ဆုရရှိခဲ့သည့် ကယား(ကရင်နီ)၊ ရခိုင်၊ ချင်းနှင့် ကချင်ပြည်နယ်တို့မှ ဓာတ်ပုံဇာတ်လမ်း(၁၂) ပုဒ် ပါဝင်ယှဉ်ပြိုင်ခဲ့သည်။ အဆိုပါရန်ကုန်ဓာတ်ပုံပြိုင်ပွဲကို Myanmar Stories အဖွဲ့မှ စီစဉ်ပြုလုပ်ခဲ့ခြင်းဖြစ်သည်။

Comments

comments

Next Post

ဒေသထွက်ကုန်များ ဈေးကွက်ဝင်နိုင်ရန် အမြင်ဖွင့်သင်တန်းပေး

Wed Feb 27 , 2019
မူဂျာမီလှိုင် မိမိတို့ဒေသထွက်ကုန်များကို ဈေးကွက်အတွင်းသို့ မည်သည့်ပုံစံများဖြင့် ဝင်ဆံ့နိုင်အောင် ပြုလုပ်ဆောင်ရွက်သင့်ကြောင်း ဒေသဆိ်ုင်ရာ စီးပွားရေးအမြင်ဖွင့်သင်တန်းတစ်ရပ်ကို ဖယ်ခုံမြို့နယ်တွင် ပြုလုပ်ခဲ့သည်။ “အဓိကက​တော့ ဒီ​ဒေသအလိုက်​ထွက်​ကုန်​​တွေရှိတယ်​ ဒီထွက်​ကုန်​​တွေကို ​ဈေးကွက်​ထဲဘယ်​လို​ရောက်​​အောင်​စဉ်​းစားတဲ့​နေရာမှာ စီးပွား​ရေးဆန်​ဆန်​စဉ်​းစားတတ်​ဖို့အတွက်​၊ စီးပွား​ရေးလုပ်​တဲ့အခါမှာ သဘာဝပတ်​ဝန်​းကျင်​ကို ဘယ်​လိုနည်​းနဲ့ထိခိုက်​​နေလဲ၊ ဘယ်​လိုနည်​းနဲ့ကာကွယ်​သင်​့သလဲဆိုတာကို အဓိက​ပေးချင်​တဲ့ရည်​ရွယ်​ချက်​​ပေါ့” ဟု သင်တန်းဆရာ ဘုန်းမြင့်ကပြောသည်​။ ​ဒေသဆိုင်​ရာ စီးပွား​ရေးအမြင်​ဖွင်​့သင်​တန်​း​ပေးခြင်​းအားဖြင့်လည်​း ၎င်းတို့၏​ ဒေသထွက်​ကုန်​တန်​ဖိုးကိုပိုမိုသိရှိပြီး တစ်ပိုင်​တစ်​နိုင်​စီးပွား​ရေးလုပ်​ငန်​းကို လုပ်​ကိုင်​ရာတွင်​လည်​း မည်​သို့မည်​ပုံ​ဆောင်​ရွက်​ရမည်​ကိုပိုမိုသိရှိ​လာကြောင်​း သင်​တန်​းသားတစ်​ဦးကဆိုသည်​။ “သူတို့ဒီလိုသင်​တန်​း​တွေ​ပေး​တော့ ​ကောင်​းတယ်​။ ကျွန်​​တော်​တို့လည်​းပိုသိရတာပေါ့” ဟု ဦး​လေအိုးနယ်​ကပြောသည်​။ ရှမ်​းပြည်​​တောင်​ပိုင်​း​ဒေသ နှင်​့ ကယား​ဒေသများတွင်​ စီးပွား​ရေးနှင်​့ ပတ်​သက်​​သောမိမိတို့၏ထွက်​ကုန်​တန်​ဖိုးများအသုံးဝင်​မှု၊ အသုံးပြုနိုင်မှုတို့ကို မသိရှိ​သေး​သော​ကြောင်​့ ယခုလိုသင်​တန်​းများပြုလုပ်​​ပေးရန်​ လိုအပ်​​နေ​သေး​ကြောင်​းလည်​းသိရသည်​။ ဖေ​ဖော်​ဝါရီလ ၂၂ရက်​​နေ့မှ ၂၃ ရက်​​နေ့ထိတွင်​ ​မေတ္တာ​ဖောင်​​ဒေးရှင်​းမှ […]