spot_img
Sunday, January 29, 2023
spot_img

လူဦးရေရဲ့ ၂၀ ရာခိုင်နှုန်းကို ကာကွယ်ဆေးထိုးဖို့ စီစဉ်နေပြီဖြစ်ကြောင်း NUG ပြော

spot_imgspot_imgspot_imgspot_img
အမျိုးသားညီညွတ်ရေးအစိုးရ (NUG)မှ ဒေါက်တာဆာဆာ

ကန္တာရဝတီတိုင်း(မ်)

မြန်မာနိုင်ငံလူဦးရေရဲ့ ၂၀ရာခိုင်းနှုန်းကို ကိုဗစ်-၁၉ ကာကွယ်ဆေးထိုးပေးဖို့အတွက် စတင်ဆောင်ရွက်နေပြီလို့ အမျိုးသားညီညွတ်ရေးအစိုးရ (NUG)မှ ဒေါက်တာဆာဆာက ဒီကနေ့ဇူလိုင်လ ၂၅ ရက်နေ့ ညနေပိုင်းမှာ ပြုလုပ်ခဲ့တဲ့ သတင်းစာရှင်းလင်းပွဲမှာ ပြောကြားသွားပါတယ်။

“ မြန်မာနိုင်ငံ လူဦးရေရဲ့ ၂၀ ရာခိုင်နှုန်းကို အနည်းဆုံး ဗာကာလုပ်နိုင်ဖို့ ကြိုးစားနေတယ်ဆိုတာကိုလည်း ပြည်သူတွေကို ပြောကြားလိုပါတယ်။ ဆိုတော့ ၂၀ ရာခိုင်နှုန်းဆိုရင်တော့ ၄ သန်းမကဘူး၊ ၆ သန်း မကဘူး ဖြစ်လာနိုင်တယ်။ ဆယ်သန်း၊ ဆယ့်နှစ်သန်း ဖြစ်နိုင်တယ်။ ဒါတွေက ဦးစားပေးစနစ်နဲ့ လာမှာ ဖြစ်ပါတယ်။ ဆိုတော့ ပြည်သူလူထု အားလုံးကိုလည်း သတင်းကောင်းတစ်ခု ပါးချင်တယ်။ ပြည်သူလူထု အစိုးရဖြစ်တာနဲ့အမျှ မြန်မာနိုင်ငံ လူဦးရေရဲ့ ၂၀ ရာခိုင်နှုန်းကို အနည်းဆုံးပေါ့ ဒီတစ်နှစ်အတွင်းမှာပေါ့ ကျနော်တို့ ကာကွယ်ဆေးထိုးနိုင်ဖို့ရန်အတွက် အင်တိုက်အားတိုက်၊ တစိုက်မတ်မတ်နဲ့ ဒါကို ဆောင်ရွက်နေပါတယ်ဆိုတာကို ပြောလိုပါတယ်။” လို့ ဒေါက်တာဆာဆာက ပြောပါတယ်။

ရရှိလာမယ့် ကိုဗစ်ကာကွယ်ဆေးတွေကို တိုင်းရင်းသားဒေသတွေမှာ အဓိကထိုးနှံပေးသွားမှာ ဖြစ်ပြီး တတိယအဖွဲ့အစည်းက ပြည်သူတွေကို ဆက်လက်ထိုးနှံပေးသွားမှာ ဖြစ်တယ်လို့ ဆိုပါတယ်။ NUG အစိုးရရဲ့ ရရှိထားတဲ့ စာရင်းအရ ကာကွယ်ဆေး ၆ သန်း ရရှိမယ်လို့ ဆိုပါတယ်။

“ယခုအခါမှာ နိုင်ငံတကာအဖွဲ့အစည်းများ မိတ်ဖက်အဖွဲ့အစည်းများက မြန်မာနိုင်ငံမှာရှိတဲ့ ပြည်သူများအတွက် ကာကွယ်ဆေးထိုးပေးဖို့အတွက် စတင်ဆောင်ရွက်နေပြီဆိုတဲ့အကြောင်း ဒီနေရာမှာ ကျတော်ပြောကြားလိုပါတယ်။ အခုလို ဆေးထိုးမှုလုပ်ငန်းစဉ်တွေကို ပြည်သူလူထု အန္တာရာယ်ကင်းရှင်းစွာနဲ့ ရရှိနိုင်စေဖို့အတွက် မိမိတို့အနေနဲ့ အစဉ်တစိုက် ကြိုးစားလုပ်ဆောင်သွားမှာဖြစ်ပြီး ပြည်သူလူထုကိုလည်း အချိန်နဲ့တစ်ပြေးညီ အသိပေးပြီးတော့ ပွင့်ပွင်းလင်းလင်း ထင်ထင်မြင်မြင်သာသာ ကျတော်တို့ဆောင်ရွက်သွားမှာဆိုတဲ့အကြောင်းလည်း ဒီနေရာမှာ ပြောကြားလိုပါတယ်။”လို့ ပညာရေး၊ ကျန်းမာရေးဝန်ကြီး ဒေါက်တာဇော်ဝေစိုးက သတင်းစာရှင်းလင်းပွဲ အဖွင့်အမှာစကားမှာ ပြောကြားသွားတာ ဖြစ်ပါတယ်။

တိုင်းရင်းသားတော်လှန်ရေး နယ်မြေသာမကဘဲနဲ့ မြန်မာနိုင်ငံတစ်ဝှမ်းလုံးမှာရှိနေတဲ့ ကပ်ရောဂါကြီးကို ထိရောက်စွာဆောင်ရွက်နိုင်ရန်အတွက် အဓိကရည်ရွယ်ပြီးမှ အမျိုးသားညီညွတ်ရေးအစိုးရရဲ့ ကျန်းမာရေးဝန်ကြီးဌာန နှင့် တိုင်းရင်းသားကျန်းမာရေး အဖွဲ့အစည်းတို့မှ မြန်မာနိုင်ငံမှာလက်ရှိ ဖြစ်ပေါ်နေတဲ့ ကိုဗစ် ၁၉ ရောဂါအား ကာကွယ်ထိန်းချုပ်ကုသပေးနိုင်ရန် လက်တွဲပူးပေါင်းဆောင်ရွက်သွားမယ့် ကိုဗစ်-၁၉ ကာကွယ်ထိန်းချုပ်ကုသရေးအဖွဲ့ (CTF) ကို ၂၀၂၁ခုနှစ် ဇူလိုင်လ (၁၇)ရက်နေ့မှာ ဖွဲ့စည်းထားတာ ဖြစ်ပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...