လူ့အခွင့်အရေးဆိုင်ရာ လိုအပ်ချက်များကို သီချင်းဖြင့် ရေးသားဖေါ်ထုတ်သော လူငယ်သင်တန်း ရှားတောတွင် ကျင်းပ

ကနာ္တရဝတီတိုင်း(မ်)

ကျေးလက်ဒေသရှိလူငယ်များအနေဖြင့် ၎င်းတို့၏ လူမှုဘဝ၌ လူတစ်ဦးချင်းရသင့်ရထိုင်သောအခွင့်အရေးများကို သီချင်းအဖြစ် အရေးသားဖေါ်ပြခွင့်ရရှိမည့် လူငယ်နှင့် လူ့အခွင့်အရေး၊ ဂီတဆိုင်ရာသင်တန်းကို ရှားတောမြို့တွင် ပြုလုပ်ခဲ့ကြောင်း သိရသည်။

အဆိုပါသင်တန်းတွင် လူ့အခွင့်အရေးဆိုင်ရာအချက်အလက်များနှင့် ဂီတဆိုင်ရာအချက်အလက်များကို သင်ကြားပေးခဲ့ကာ ယင်းမှတဆင့် လူငယ်များ မိမိတို့၏ ဆန္ဒသဘောထားများကို လူမှုအသိုင်းအဝန်းတွင် ဖေါ်ထုတ်လာနိုင်စေရန် ရည်ရွယ်ခြင်းဖြစ်ကြောင်း သင်တန်း၏ တာဝန်ခံ ခူးလေးရယ်က ပြောသည်။

“ဒီသင်တန်းကြောင့် အကျိုးရလဒ်က ဘယ်လိုရလာမလဲဆိုတော့ ပထမဆုံးအနေနဲ့ ဒီသင်တန်းကနေပြီးတော့ လူ့အခွင့်အရေးနဲ့ ပတ်သက်တဲ့ အချက်တွေကို သူတို့သိလာမယ်။ ပြီးရင် သူတို့က ဘာတွေ ခံစားနေရလဲ ဘာတွေက ရရှိနေပြီလဲဆိုတာ သိလာမယ်။”ဟု ခူးလေးရယ်က ပြောသည်။

ကျေးလက်နေဒေသလူငယ်များအတွက် ဖွံ့ဖြိုးရေးဆိုင်ရာအသိပညာများ လိုအပ်လျှက်ရှိပြီး လူ့အခွင့်အရေးနှင့်ဆိုင်သော အသိပညာများသည် အရေးတကြီးလိုအပ်နေပြီဟု သီရိဒါးကျေးရွာနေ သင်တန်းသူ နော်ရုသက ပြောသည်။

“ပညာရေး သင်တန်း များများပေးဖို့ လိုအပ်တယ်။ လူငယ်နဲ့ ဆိုင်တဲ့ သင်တန်း။ လူတိုင်းမှာ ကိုယ်ပို်င် ပစ္စည်းပိုင်ဆိုင်ခွင့် ရှိရမယ် တန်းတူညီမျှမှု ရှိရမယ်။”ဟု နော်ရုသက ပြောသည်။ 
လူငယ်နှင့် လူ့အခွင့်အရေး၊ ဂီတဆိုင်ရာသင်တန်းကို ရှားတောမြို့၊ ကယားပိုင်ရပ်ကွက်၊ နှစ်ခြင်းခန်းမဆောင်တွင် ဇူလိုင်လ ၂ဝ မှ ၂၂ ရက်နေ့အထိ ၃ ရက်တာ ကျင်းပပြုလုပ်ခဲ့ပြီး ရှားတောမြို့နယ်ရှိ ကျေးရွာမှ လူငယ် ၂ရ ဦး တက်ရောက်ခဲ့ကြသည်။

သင်တန်းသား တစ်ဦးဖြစ်သူ ခွန်မျိုးအောင်က “လူငယ်တွေ စည်းလုံးဖို့လိုမယ် လှုပ်ရှားဖို့လိုမယ်။ ရိုးရိုးသားသားလုပ်ဖို့လိုမယ် ပညာသင်ဖို့လည်း လိုမယ်။ ပညာရှာ ဗဟုတုသတွေ ရှိဖို့ အဲ့လိုမျိုး လုပ်ဖို့ လိုမယ်။ ကျတော်တို့အတွက် မျှော်မှန်းထားတာက အောင်မြင်ဖို့ရယ် ပြီးတော့ လွတ်လပ်မှု လူငယ်ရဲ့ အသံ လူငယ်ရဲ့ လွတ်လပ်မှု အတိတ် သမိုင်း လူငယ်တွေ ခါးသီးပြီးတော့ အနာဂါတ်မှာ ချိုမြိန်ဖို့ မျှော်လင့်ထားပါတယ်။”ဟု ၎င်းက ပြောသည်။

အဆိုပါ လူငယ်နှင့် လူ့အခွင့်အရေး၊ ဂီတဆိုင်ရာသင်တန်းကို ရှားတောမြို့တွင် ပထမဆုံးအကြိမ်ပြုလုပ်ကျင်းပခဲ့ခြင်းဖြစ်ကာ အလားတူ သင်တန်းတစ်ခုကို ထပ်မံပြုလုပ်မည်ဖြစ်ကြောင်း သိရသည်။ လူငယ်နှင့် လူ့အခွင့်အရေး၊ ဂီတဆိုင်ရာသင်တန်းကို လွိုင်ကော်အခြေစိုက် လူငယ်အဖွဲ့အစည်းအစည်းဖြစ်သော လူငယ့်အားမာန်(CYC)မှ ဦးဆောင်ပြုလုပ်ပေးခဲ့ခြင်း ဖြစ်သည်။

လူငယ်နှင့် လူ့အခွင့်အရေး၊ ဂီတဆိုင်ရာသင်တန်းနှစ်ခုကို ပြုလုပ်ပြီးပါက အဆိုပါသင်တန်းနှစ်မှ ထွက်ပေါ်လာသော သီချင်းများကို စုစည်းကာ လူငယ်နှင့် လူ့အခွင့်အရေးဆိုင်ရာ ဂီတပွဲတော်တစ်ခုကိုလည်း ရှားတောမြို့တွင် ပြုလုပ်ကျင်းပပေးသွားမည်ဖြစ်ကြောင်း သိရသည်။

Top of Form

 

Bottom of Form

 

Comments

comments

Next Post

ကြားဖြတ်ရွေးကောက်ပွဲအလွန် ကယားပြည်နယ် လွှတ်တော် နှင့် အစိုးရကို လေ့လာခြင်း

Tue Jul 25 , 2017
ကျော်ထင်အောင် ရေးသားသည်။ ကယားပြည်နယ်လွှတ်တော်ကို ကယားပြည်နယ်ရှိ မြို့နယ် ( ရ ) မြို့နယ်မှ တစ်မြို့နယ်လျှင် ( ၂ ) ဦး ကျစီဖြင့် ပြည်သူလူထုမှ ရွေးကောက်တင်မြောက်သည့် လွှတ်တော်ကိုယ်စားလှယ် ( ၁၄ ) ဦး ၊ ကယား ပြည်နယ်ရှိ လူဦးရေ စုစုပေါင်း၏ ( ဝ.၁ ) ရာခိုင်နှုန်းနှင့် အထက်ရှိ ဗမာတိုင်းရင်းသား လွှတ်တော် ကိုယ်စားလှယ်  ( ၁ ) ဦး ၊ တပ်မတော်ကာကွယ်ရေး ဦးစီးချုပ်မှ ဥပဒေနှင့်အညီ တင်သွင်းသည့် တပ်မတော်သား ပြည်နယ်လွှတ်တော် ကိုယ်စားလှယ် ( ၅ ) […]