spot_img
Thursday, February 2, 2023
spot_img

လွိုင်ကော်မြို့နယ်ရှိ စစ်ရှောင်စခန်းတစ်နေရာတွင် ကိုဗစ်ပိုးတွေ့ရှိ

spot_imgspot_imgspot_imgspot_img
ဓါတ်ပုံ – Pyae Phyo Kyaw (Facebook)

ကန္တာရဝတီတိုင်း(မ်)

ကရင်နီပြည်နယ် လွိုင်ကော်မြို့အရှေ့ဖက် စစ်ဘေးရှောင်စခန်းတစ်နေရာမှာ ဝမ်းလျှော၊ အနံ့ပျောက်တာကြောင့် ဩဂုတ်လ၄ရက်နေ့မှာ ဆေးခန်းပြရာမှ RDT Test Kit ဖြင့်စစ်ဆေးကြည့်တဲ့အခါ ကိုဗစ် Positive တွေ့ရှိခဲ့တယ်လို့ စစ်ရှောင်စခန်းရှိ ဆေးခန်းမှ ဆရာဝန်တစ်ဦးက အတည်ပြု ပြောကြားပါတယ်။

“ကျောင်းတစ်ခုက ကလေးက ဆေးခန်းလာပြရင်းတွေ့တာ။ ပထမဆုံးလာပြတဲ့တစ်ယောက်က ဝမ်းလျှောတယ် အနံ့ပျောက်တယ်ပေါ့နော။ လက္ခာနဲ့လာတာ သူတို့ကို RDT Test Kit နဲ့ပဲစစ်တာ။ မနေ့ညနေက သူတို့အိမ်မှာရှိတဲ့ Contact တွေလိုက်စစ်တော့ Contact တွေကတော့ Negative ပဲ။ ကျောင်းက ကလေးတွေပဲ Positive ပေါ့။ လောလောဆယ် ဒီ ၇ယောက်ထဲမှာ ကျောင်း ( ကျောင်းတက်တဲ့သူ ) က ကလေးက ၆ယောက်ထွက်တယ်။” လို့ အဆိုပါ ဆရာဝန်က ကန္တာရဝတီတိုင်း(မ်)ကို ပြောပါတယ်။

ကိုယ်ထူကိုယ်ထကျောင်းတစ်ခုမှာ စာသင်ကြားနေတဲ့ ကျောင်းသားတွေဆီကနေ တွေ့ရှိရတာဖြစ်ပြီး ၁၂နှစ်မှ ၁၆နှစ် ကြားရှိပြီး လက်ရှိမှာ ၎င်းတို့ရဲ့ ကျန်းမာရေးအခြေအနေ ကောင်းမွန်လျက်ရှိတယ်လို့ သိရပါတယ်။

လက်ရှိ ပိုးတွေ့ရှိတဲ့ ၇ဦးကို ကိုဗစ်ပိုးတွေ့ရှိသူသီးသန့်ထားတဲ့ Covid Center မှာထားရှိပြီး ကျေးရွာ ၁၀ ရွာစုပြီး နေထိုင်ကြတဲ့ စစ်ရှောင်စခန်းတစ်ခုလုံးကို Lockdown (၁၄)ရက် ချထားပြီး အဝင်အထွက်ပိတ်ထားတယ်လို့ ဆိုပါတယ်။

ကိုယ့်အိမ်နဲ့ကိုယ်နေထိုင်တဲ့အတောအတွင်း ကိုဗစ်နဲ့ပတ်သက်တဲ့ သံသယ လက္ခာဏာပေါ်ပေါက်လာပါက ဆေးခန်းကို အကြောင်းကြားရမှာဖြစ်ပြီး လိုအပ်တဲ့ ဆေးစစ်မှုတွေ လုပ်သွားမယ်လို့ သိရပါတယ်။

“Camp ဧရိယာကို အဝင်အထွက်ရှိတယ်ဆိုရင် Quarantine ဝင်ခိုင်းတယ် Quarantine ၁၄ရက်ကတော့ Camp မရောက်ခင်မှာ Quarantine Center သပ်သပ်ထားဖို့ လုပ်ထားတာရှိတယ်။ ဒါပေမယ့် တစ်ခုရှိတာကတော့ ဧရိယာကျယ်ခါကျတော့ အကုန်လုံး ကာဗာ မမိနိုင်ဘူးဖြစ်သွားတာ။ အဲ့ကနေ ဝင်တဲ့ဟာရှိတယ်ပေါ့နော။ ကျတော်တို့လည်းမသိလိုက်ဘူး။ အကုန်လုံးက ဘယ်သူပဲလာလာ Quarantine ၁၄ရက်က ဝင်ခိုင်းပြီးသား။ အဲ့မှာ လွတ်သွားတဲ့ နေရာရှိလို့ပေါ့နော ဒီထဲရောက်လာတာပေါ့။” လို့ ဆရာဝန်က ဆက်ပြောပါတယ်။

ဓါတ်ပုံ – Pyae Phyo Kyaw (Facebook)

စစ်ရှောင်စခန်းမှာလည်း နှာစေးချောင်းဆိုးသူ များပြားနေပြီး ကိုဗစ်ကူးစက်မှုပြန့်ပွားလာမှာကို စိုးရိမ်နေသလို စစ်ရှောင်စခန်းအတွက် အထူးသဖြင့် အောက်စီဂျင်အိုးနဲ့ Tesk kit အရေးတကြီးလိုအပ်နေပြီး ကိုဗစ်ကာကွယ်ရေးအတွက် အကာအကွယ်ဝတ်စုံ(PPE)၊ လက်သန့်ဆေးရည်၊ Mask၊ ဆေးဝါး၊ ပိုးသတ်ဆေး စတဲ့အရာတွေ လိုအပ်နေတယ်လို့ သိရပါတယ်။

အကြမ်းဖက် စစ်ကောင်စီဖက်မှ ကျေးရွာ၊ ရပ်ကွက်တွေမှာ ကိုဗစ်တားဆီး ကာကွယ်ရေးဂိတ်တွေကို ဖျက်သိမ်းခိုင်းတာတွေကြောင့် စစ်ရှောင်စခန်းထိ ပိုမိုကူးစက်ပြန့်နှံ့မှာကို စိုးရိမ်တယ်လို့ စစ်ဘေးရှောင်နေရတဲ့ ဒေသခံတွေက ပြောပါတယ်။

ကိုဗစ်တတိယလှိုင်းအတွင်း ကရင်နီပြည်နယ် လွိုင်ကော်မြို့နယ်မှာ ကိုဗစ်ပိုးတွေ့ရှိသူ ၅၀၀ ကျော်ရှိနေပြီး သေဆုံးသူ ၃၀ ဦး ထိရှိလာပါတယ်။

spot_imgspot_imgspot_imgspot_img

More from the blog

ဒီကနေ့ လွိုင်ကော်မြို့ပေါ်မှာ စျေးဆိုင်ဖွင့်ဖို့ စျေးသည်တွေ ဖိအားပေးခံရတာရှိ

ကန္တာရဝတီတိုင်း( မ် ) ဒီကနေ့ ( ဖေဖော်ဝါရီလ ၁ ) ရက်နေ့ လွိုင်ကော်မြို့ပေါ်က စျေးဆိုင်တချို့ စျေးဆိုင်ဖွင့်ဖို့ ဖိအားပေးခံရတာရှိတယ်လို့ လွိုင်ကော်မြို့ဒေသခံတွေဆီကနေ သိရပါတယ်။ “ ကျမစျေးဝယ်ထွက်တော့ စျေးရောင်းနေတဲ့ စျေးသည်တွေ ပြောပြတာ။ တချို့ ထင်ရှားတဲ့ ဆိုင်တွေကို စည်ပင်က ခြိမ်းခြောက်ထားတယ်။ ဆိုင်မထွက်ရင်...

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...