spot_img
Monday, August 8, 2022
spot_img

လွိုင်ကော်မြို့ရှိ လူနေအိမ်အချို့ ဖောက်ထွင်းခံရမှုရှိ၊ အရေးယူဆောင်ရွက်မည် ဟု KNDF က သတိပေး

spot_imgspot_imgspot_imgspot_img

ကန္တာရဝတီတိုင်း(မ်)

ပြင်းထန်တဲ့တိုက်ပွဲတွေကြောင့် မိမိနေအိမ်ကိုစွန့်ခွာပြီး နီးစပ်ရာတွေမှာ စစ်ရှောင်ကြတဲ့ ပြည်သူတွေရဲ့ နေအိမ်တွေဖောက်ထွင်းခိုးယူခံရတာနဲ့ ပတ်သက်ပြီး လက်ပူးလက်ကြပ်တွေ့ရှိပါက မသမာသူခိုးအဖွဲ့ကို အသက်အာမခံချက်မရှိဘူးလို့ KNDF က သတိပေးထားပါတယ်။

“ဒါကို သေချာစုံစမ်းမယ် ပြီးတော့ တကယ်ဆိုရင်တော့ အရေးယူမှာပေါ့။ စခ ကနေလုပ်တဲ့လူလား။ သူခိုးလား။ အဲ့ဒါလေးတော့ နည်းနည်းကွဲဖို့လိုတယ်ဗျ။ အဲ့လိုလေးတော့ရှိလိမ့်မယ်။ စခ ကလည်း ဒါကြီးကို လုပ်တဲ့အကျင့်ကလည်းရှိနေတော့ ဒါလေး သေချာလုပ်ဖို့ရှိနေတယ်ပေါ့နော။ သူခိုးလည်းဖြစ်တယ်။ စခ ကလည်းဖြစ်နိုင်တယ်။ ဒါကြီးက အရင်ကလည်း ၆မိုင်မှာလည်းဖြစ်ခဲ့ဖူးတယ်လေ။ ၁၀ဘီးကားနဲ့လာတင်သွားတယ်။ စခ ကလာတင်သွားတယ်။ သူခိုးခိုးတာမဟုတ်ဘူး အဲ့မျိုးလေးတွေရှိတာပေါ့။” လို့ KNDF B-02 တာဝန်ရှိသူတစ်ဦးက ပြောပါတယ်။

နေအိမ်စွန့်ခွာတိမ်းရှောင်သွားကြတဲ့ သူတွေရဲ့ နေအိမ်တွေဖောက်ထွင်းခံရတဲ့အပြင် အိမ်စီးကားအပါအဝင် ပစ္စည်းတွေယူဆောင်သွားတယ်လို့ ဒေသခံဆီကနေ သိရပါတယ်။

“ အသိတစ်ယောက်ကတွေ့လိုက်တာ အိမ်ကကားပဲ ကားနံပါတ်၊ အရောင်၊ အမျိုးအစား မိုင်းလုံးကနေ ဆင်းလာတာတဲ့ ပစ္စည်းအပြည့်တဲ့ ၁၂ဘီးကားနဲ့သယ်သွားတာ။ ကားလမ်းဘေးက ဈေးဆိုင်၊ အိမ်တွေလည်း ဖောက်ခံရနိုင်တယ်” လို့ မိုင်းလုံးဒေသခံတစ်ဦးက ပြောပါတယ်။

လွိုင်ကော်မြို့မှာ ဇန်နဝါရီလ ၆ ရက်နေ့မှစ မိုင်းလုံးရပ်ကွက်၊ ရွာတန်းရှည်၊ ပန်းကန်းရပ်ကွက်တစ်လျှောက် ကရင်နီတပ်မတော်(KA)၊ KNDF၊ ပြည်သူ့ကာကွယ်ရေးပူးပေါင်းတပ်ဖွဲ့ နဲ့ စစ်ကောင်စီတပ်တို့ တိုက်ပွဲပြင်းထန်စွာဖြစ်ပွားပြီး ဒေသခံတွေ တိမ်းရှောင်ကြရမှ ကျန်ရစ်ခဲ့တဲ့နေအိမ်တွေ မသမာသူတွေ ဝင်ဖောက်ခံရတာဖြစ်ပါတယ်။

“ စစ်ရှောင်တာကတော့ ဇန်နဝါရီလ ၆ ရက်နေ့ တိုက်ပွဲဖြစ်ပြီး နောက်တစ်ရက်ပေါ့နော တကယ့်ကိုတိုက်ပွဲကြားမှာ ပြေးခဲ့ရတာ ဘားဆိုဘားမှမယူသွားရဘူးပေါ့နော လက်လှမ်းမှီတဲ့ဟာတွေကိုပဲ ယူပြေးရတာ။ အိမ်ဖောက်ခံရတာ သူခိုးဝင်တာ စစ်သားတွေဝင်ပြီး ဖျက်ဆီးတာ အဲ့ဒါတွေဖြစ်လာမှာ ကြိုတွေးထားပြီးသားပဲ ဒါပေမယ့် မတတ်နိုင်တော့ဘူးလေနော ဖြစ်ရမယ့်ဟာတွေကို ရင်ဆိုင်ရမှာပဲ။” လို့ မြို့ပေါ် စစ်ရှောင်တစ်ဦးက ပြောပါတယ်။

တိုက်ပွဲတွေကြောင့် ကရင်နီပြည်က ၃သိန်းမပြည့်တဲ့လူဦးရေ ရဲ့ ထက်ဝက်ဟာဆိုရင် တိုက်ပွဲမဖြစ်ပွားတဲ့ အခြားဒေသတွေမှာသွားရောက်တိမ်းရှောင်ကြရပါတယ်။

နေအိမ်တွေကို ဖောက်ထွင်းနေတဲ့ မသမာသူကို သိရှိပါက KNDF တပ်ရင်း၊ ကရင်နီပြည်ရဲဌာန (KSP) တို့ကို တိုက်ရိုက်ဆက်သွယ်ပြီး အကြောင်းကြားပေးဖို့ အသိပေးထားပါတယ်။

တိုက်ပွဲတွေ ဆက်လက်ဖြစ်ပွားနေတဲ့အတွက် လွိုင်ကော်မြို့ ရပ်ကွက် အနီးအနားမှာ နေထိုင်ကြတဲ့ ပြည်သူတွေအနေနဲ့လည်း လုံခြုံတဲ့ နေရာတွေမှာသာ နေကြဖို့ KNDF က အထူးအသိပေးထားပါတယ်။

spot_imgspot_imgspot_imgspot_img

More from the blog

စစ်အာဏာရှင် အမြစ်ပြတ်ချေမှုန်းရေးအတွက် မဟာမိတ်အဖွဲ့နဲ့ ပူးပေါင်းဆောင်ရွက်သွားမယ်လို့ KNYO ထုတ်ပြန်

ကန္တာရဝတီတိုင်း( မ် ) စစ်အာဏာရှင် အမြစ်ပြတ်ချေမှုန်းရေး၊ အာဏာရှင်ဟူသမျှချုပ်ငြိမ်းရေးနဲ့ ဖယ်ဒရယ်ဒီမိုကရေစီတည်ဆောက်ရာမှာ အခြားသော တိုင်းရင်းသားအဖွဲ့တွေ၊ မဟာမိတ်တွေ၊ နိုင်ငံရေးပါတီတွေနဲ့ ပူးပေါင်းဆောင်ရွက်သွားမယ်လို့ ကရင်နီအမျိုးသားလူငယ်အစည်းအရုံး(KNYO)မှ ဗဟိုအလုပ်အမှုဆောင် ကော်မတီဝင်တစ်ဦးက ပြောပါတယ်။ “ကျနော်တို့ ပူးပေါင်းဆောင်ရွက်မှုတွေ လုပ်နေတာတော့ရှိပါတယ်။ ပြည်တွင်းမှာရှိတဲ့ မဟာမိတ်တွေနဲ့ နောက်ပြီးတော့ ဒီစစ်အာဏာရှင်ကို တွန်းလှန်ကြတဲ့ ပြည်သူတွေအနေနဲ့ကော ကျနော်တို့...

စစ်ကြောင်းထိုးလာတဲ့ စစ်ကောင်စီတပ် ဘက်တလိန်ကျေးရွာမှာ ကြားဖြတ်တိုက်ခိုက်ခံရ

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ကနေ စစ်ကြောင်းထိုးလာပြီး တပ်စွဲထားတဲ့ စစ်ကောင်စီတပ်ကို ကရင်နီဒေသခံကာကွယ်ရေးပူးပေါင်းတပ်ဖွဲ့တို့က ဒီးမော့ဆိုမြို့ ဘက်တလိန်ကျေးရွာမှာ ကြားဖြတ်တိုက်ခိုက်ခဲ့တယ်လို့ ကရင်နီတပ်မတော် ( KA ) ဒီးမော့ဆိုမြို့ တာဝန်ရှိသူ တစ်ဦးက ပြောပါတယ်။ ယမန်နေ့ ဩဂုတ်လ ၇ရက်နေ့ မနက် ၁၀နာရီဝန်းကျင်အချိန်မှာ တိုက်ပွဲဖြစ်ပွားခဲ့တာဖြစ်ပြီး...

ဒီးမော့ဆိုအရှေ့ခြမ်းမှာ တောင်သူေတွ စိုက်ပျိုးထားတဲ့ စပါးခင်း ပိုးကျ

ကန္တာရဝတီတိုင်း(မ်) ယခုနှစ်စိုက်ပျိုးရာသီမှာ စပါးကို အခြောက်စိုက်စနစ်နဲ့ စိုက်ပျိုးထားတဲ့ ဒီးမော့ဆိုအရှေ့ဖက်ခြမ်း ထီးဖိုးကလိုးကျေးရွာအုပ်စု၊ ဒေါ်ကလော်ဒူကျေးရွာအုပ်စုတွေက တောင်သူတွေရဲ့ စပါးခင်းတွေမှာ ပိုးကျတာတွေ ကြုံတွေ့နေရတယ်လို့ ဒေသခံတောင်သူတွေဆီကနေ သိရပါတယ်။ “ စိုက်ပျိုးထားပြီးတဲ့ စပါးတွေဆိုရင်လည်း ကျနော်တို့ ဒီအချိန်မှာ ပိုးတွေလိုက်နေတယ်။ ရောဂါတွေကျနေတဲ့အချိန်ကျတော့ ကျနော်တို့ တောင်သူတွေအတွက် ကျနော်တို့ ဝမ်းစာအတွက် ကျနော်တို့...

ဇနီးသည်ရဲ့ အသုဘပြုလုပ်နေစဉ် လက်နက်ကြီးကျရောက်ပြီး ခင်ပွန်းဖြစ်သူပါ သေဆုံး

ကန္တာရဝတီတိုင်း ( မ် ) ဖယ်ခုံအင်းအရှေ့ဘက်ခြမ်း ကျေးရွာတစ်ရွာအတွင်း လူကြီးရောဂါနဲ့ ဆုံးပါးသွားတဲ့ ဇနီးဖြစ်သူရဲ့ အသုဘပြုလုပ်နေစဉ် ည ၉နာရီအချိန်မှာ လက်နက်ကြီးကျရောက်ခဲ့ပြီး ခင်ပွန်းဖြစ်သူ ထိမှန်သေဆုံးခဲ့တယ်လို့ ယမန်နေ့ ( ဩဂုတ်လ ၅ ရက်နေ့ ) မှာ ဖယ်ခုံ PDF ကထုတ်ပြန်ထားပါတယ်။ “အဲ့ဒီရွာမှာ...